Gudnius abaotem Jisas Kraes wea Luk hemi raetem 7:17 - Pijin Bible

¹⁷ An disfala nius abaotem Jisas hemi go kasem evri ples long kantri ya, an olketa nara ples moa.

Pijin Deuterocanon

¹⁷ An disfala nius abaotem Jisas hemi go kasem evri ples long kantri ya, an olketa nara ples moa.

Gudnius abaotem Jisas Kraes wea Luk hemi raetem 7:17 Iomraidhean Croise

Matiu 2:1

Jisas hemi bon long taon long Betlehem long provins long Jiudia, an hemi long taem wea Herod hemi king ovarem kantri ya. No longtaem bihaen wea Jisas hemi bon, samfala man hu olketa stap kam farawe tumas long ist, olketa kam kasem Jerusalem. Olketa ya olketa save lukluk fo luksave long mining blong olketa sta antap long skae.

Matiu 4:24

Nao nius abaotem Jisas hemi go kasem evri ples insaet long provins long Siria ya. So olketa tekem kam plande pipol wea olketa garem enikaen sik long bodi blong olketa. Samfala, bodi blong olketa hemi filsoa tumas, an samfala, olketa devol hemi stap long olketa. Samfala, olketa garem sik wea hemi mekem olketa save foldaon an hafded, an samfala, bodi blong olketa hemi no save muv. An Jisas hemi mekem evriwan long olketa ya fo gudbaek moa.

Matiu 9:26

An bihaen nomoa, nius abaotem diswan hemi go kasem evri ples insaet long provins ya nao.

Matiu 9:31

Bat taem tufala goaot nomoa, tufala gohed fo stori abaotem Jisas long evriwan long provins ya nao.

Gudnius abaotem Jisas Kraes wea Mak hemi raetem 1:28

An kuiktaem nomoa ya, nius abaotem Jisas hemi go kasem evri ples long provins long Galili nao.

Gudnius abaotem Jisas Kraes wea Mak hemi raetem 6:14

Long taem ya, King Herod Antipas hemi herem plande nius nao abaotem Jisas, bikos evriwea nao nius abaotem hem hemi go kasem. Nao samfala pipol olketa sei olsem, “Ating disfala man ya hemi Jon Baptaes ya hu hemi laefbaek moa. Dastawe nao hemi garem paoa fo mekem olketa mirakol ya.”

Gudnius abaotem Jisas Kraes wea Luk hemi raetem 4:14

Jisas hemi gobaek moa long Galili, an paoa blong Holi Spirit hemi stap long hem. An nius abaotem hem hemi goraon long evri ples long provins ya nao.

Gudnius abaotem Jisas Kraes wea Luk hemi raetem 7:14

Nao hemi kam an tasim bed ya nomoa, an olketa hu i karim bodi blong boe ya, olketa stop nao. Nao Jisas hemi sei, “!Fren, mi talem yu, yu getap nao!”