Gudnius abaotem Jisas Kraes wea Luk hemi raetem 7:16 - Pijin Bible

¹⁶ Nao evri pipol barava fraet fogud nao, an olketa gohed moa fo mekhae long God. An olketa tok olsem, “!Maewat! Wanfala bikfala profet nao hemi kam an stap wetem yumi. God hemi kam nao fo helpem olketa pipol blong hem.”

Pijin Deuterocanon

¹⁶ Nao evri pipol barava fraet fogud nao, an olketa gohed moa fo mekhae long God. An olketa tok olsem, “!Maewat! Wanfala bikfala profet nao hemi kam an stap wetem yumi. God hemi kam nao fo helpem olketa pipol blong hem.”

Gudnius abaotem Jisas Kraes wea Luk hemi raetem 7:16 Iomraidhean Croise

Sams 65:9

Yu somaot dat yu lukaftarem disfala wol ya, bikos yu gohed fo sendem kam ren, an yu mekem graon ya fo hemi kamap gudfala. Yu fulumap olketa riva wetem wata, an yu mekem graon fo garem plande kaikai. Hem nao wei wea yu mekem.

Eksodas 4:31

Olketa evriwan i lukim an bilivim wea Yawe nao hemi sendem Mosis. An taem olketa herem dat Yawe hemi gohed fo filsore long olketa, an hemi gohed fo luksave long trabol blong olketa, olketa baodaon fo wosipim hem.

Jeremaea 33:9

Long datfala taem, olketa pipol blong wol bae i hapi tumas from olketa gudfala samting mi duim fo disfala taon, an bae i preisim mi an mekhae long nem blong mi. Bae olketa seke tumas taem i herem nius abaotem wei wea mi mekem olketa pipol long disfala taon fo stap gudfala long piis.

Matiu 15:31

Olketa pipol i barava sapraes tumas nao taem olketa lukim dat olketa hu i no save toktok olketa save toktok moa, an olketa hu han o lek blong olketa hemi nogud olketa gudbaek moa, an olketa hu lek blong olketa i dae olketa wakabaot moa, an olketa hu i blaen olketa save lukluk moa. So olketa pipol gohed fo mekhae long God blong Israel nao.

Matiu 21:11

So pipol hu olketa kam wetem Jisas olketa sei, “Man ya, hemi Jisas disfala profet wea hemi kam from Nasaret long Galili.”

Matiu 28:8

So tufala woman ya i go kuiktaem from kev ya nao bikos tufala fraet tumas ya, bat semtaem, tufala barava hapi fogud tu. So tufala resis go fo talem nius ya long olketa disaepol blong Jisas nao.

Matiu 9:8

Taem olketa pipol i lukim diswan, olketa fraet tumas an olketa mekhae long God bikos hemi givim kam diskaen paoa long pipol.

Gudnius abaotem Jisas Kraes wea Luk hemi raetem 1:65

Bihaen, olketa pipol hu i stap kolsap olketa fraet nao, an nius abaotem olketa samting ya hemi goraon long evriwea long eria antap long olketa hil long Jiudia.

Gudnius abaotem Jisas Kraes wea Luk hemi raetem 1:68

“!Yumi mekhae long Masta blong yumi, God blong Israel! Hemi kam fo helpem olketa pipol blong hem, an hemi mekem olketa fo stap fri moa.

Gudnius abaotem Jisas Kraes wea Luk hemi raetem 19:44

An bae olketa spoelem yu finis, wetem evriwan wea olketa stap insaet long olketa wol long ston blong yu. Bae no eni lelebet ston nao i save stap long ples wea hemi stap long hem distaem, bikos yu ya, yu nating luksave long taem wea God hemi kam fo sevem yu.”

Gudnius abaotem Jisas Kraes wea Luk hemi raetem 2:20

An olketa man fo lukaftarem sipsip olketa gobaek moa, an olketa gohed fo singsing an preisim God from olketa samting wea olketa bin herem an lukim, wea hemi hapen barava olsem enjel ya hemi talem long olketa nao.

Gudnius abaotem Jisas Kraes wea Luk hemi raetem 24:19

Nao Jisas hemi askem tufala olsem, “?Watkaen samting nao ya?” Nao tufala sei, “Olketa samting wea hemi bin kasem Jisas blong Nasaret ya. Man ya hemi wanfala profet ya, an olketa waka blong hem an olketa toktok blong hem barava gudfala tumas long ae blong God an long ae blong olketa pipol tu.

Gudnius abaotem Jisas Kraes wea Luk hemi raetem 5:26

Nao evri pipol olketa barava sapraes tumas nao, an olketa gohed fo mekhae long God tu. Bat olketa fraet tu an olketa sei, “!Maewat, wanem yumi lukim tude ya, yumi nating lukim bifoa ya!”

Gudnius abaotem Jisas Kraes wea Luk hemi raetem 5:8

Taem Saemon Pita hemi lukim diswan nomoa, hemi nildaon long frant blong Jisas, an hemi tok olsem, “Masta, yu goawe from mi nao, bikos mi man wea mi garem sin.”

Gudnius abaotem Jisas Kraes wea Luk hemi raetem 7:15

Seknomoa, boe wea hemi dae ya hemi getap nao, an hemi stat fo toktok moa. So Jisas hemi givim boe ya go long mami blong hem nao.

Gudnius abaotem Jisas Kraes wea Luk hemi raetem 7:39

Nao disfala Farasi hu hemi bin askem Jisas fo kam, hemi lukim wanem woman ya hemi duim nomoa, an hemi tingting olsem long hem seleva nao, “Sapos disfala man ya hemi profet tru, hemi mas luksave long woman ya hu hemi tasim hem. Bikos hemi wanfala woman fo olobaot ya.”

Gudnius abaotem Jisas Kraes wea Luk hemi raetem 8:37

Long taem ya nomoa, evriwan wea olketa stap long eria ya long Gerasa, olketa askem Jisas nao fo goawe from olketa, bikos olketa barava fraet fogud. So Jisas hemi go insaet long bot ya, an hemi lusim olketa moa.

Gudnius abaotem Jisas Kraes wea Luk hemi raetem 9:19

Nao olketa disaepol olketa sei, “Samfala olketa sei yu Jon Baptaes ya. An samfala moa olketa sei yu profet Elaeja ya. An samfala moa olketa sei yu wanfala long olketa nara profet blong bifoa kam nao wea hemi laefbaek moa.”

Gudnius abaotem Jisas Kraes wea Jon hemi raetem 1:21

Nao olketa askem hem moa olsem, “?Olsem, yu hu nomoa ya? ?Waswe, yu nao profet Elaeja?” Jon hemi sei moa, “Nomoa, mi no Elaeja.” Olketa gohed fo ask moa olsem, “?Waswe, yu nao disfala Profet wea mifala weitem?” Jon hemi sei moa, “Nomoa tu ya.”

Gudnius abaotem Jisas Kraes wea Jon hemi raetem 1:25

olketa gohed moa fo askem Jon olsem, “?Sapos yu no Mesaea o Elaeja o disfala Profet, waswe nao yu gohed fo baptaesim olketa pipol?”

Gudnius abaotem Jisas Kraes wea Jon hemi raetem 4:19

Woman ya hemi sei nao, “!Ei bikman, mi jes luksave long yu nao! !Yu ya, yu wanfala profet ya!

Gudnius abaotem Jisas Kraes wea Jon hemi raetem 6:14

Nao taem olketa pipol ya i lukim disfala mirakol wea Jisas hemi mekem ya, olketa sei nao, “!Disfala man ya, hemi mas disfala Profet wea Buktambu hemi sei bae hemi kam long disfala wol ya!”

Gudnius abaotem Jisas Kraes wea Jon hemi raetem 9:17

so olketa askem man ya olsem moa, “Yu ya, yu sei disfala man nao hemi mekem ae blong yu fo lukluk. ?So wanem nao yu tingim abaotem hem?” Man ya hemi ansarem olketa olsem, “Disfala man hemi wanfala profet ya.”

Aposol 5:5

Semtaem Ananaeas hemi herem diswan nomoa, hemi foldaon an hemi dae nao. An evriwan hu i herem wanem hemi hapen, olketa barava fraet fogud nao.

Aposol 7:37

Disfala Mosis ya, hemi talem olketa pipol blong Israel olsem, ‘God bae hemi makem wanfala long yufala an mekem hem kamap wanfala profet olsem hemi mekem long mi finis.’

Galesia 1:24

An olketa mekhae long God from wanem hemi duim long mi.

Diutronomi 18:15

Bae hemi sendem wanfala profet olsem mi fo kam long yufala. Disfala profet hemi wanfala wantok blong yufala, an bae yufala mas obeim hem.