Gudnius abaotem Jisas Kraes wea Luk hemi raetem 7:12 - Pijin Bible

¹² Taem olketa kolsap kasem geit blong taon ya, olketa mitim wanfala bikfala seksin wea olketa kamaot long disfala taon an olketa karim kam wanfala man hu hemi dae finis. Man hu hemi dae ya, hemi san blong wanfala wido woman ya an hem nomoa wanfala pikinini blong hem.

Pijin Deuterocanon

¹² Taem olketa kolsap kasem geit blong taon ya, olketa mitim wanfala bikfala seksin wea olketa kamaot long disfala taon an olketa karim kam wanfala man hu hemi dae finis. Man hu hemi dae ya, hemi san blong wanfala wido woman ya an hem nomoa wanfala pikinini blong hem.

Gudnius abaotem Jisas Kraes wea Luk hemi raetem 7:12 Iomraidhean Croise

Jenesis 22:12

Nao enjel ya hemi tok olsem, “!Yu no kilim dae boe blong yu ya o mekem enisamting fo kasem hem! Distaem mi save nao dat yu gohed fo barava tinghae long God. An yu wiling fo givim an no laek fo holembaek nomoa disfala wanfala san blong yu ya wea yu garem, wea yu letem nomoa fo hemi dae.”

Jenesis 22:2

Nao God hemi tok olsem, “San blong yu Aesak ya, hemi wanfala nomoa wea yu garem ya, an yu lavem hem tumas. Mi laekem yu fo tekem hem, an go long ples ya wea olketa kolem Moraea. Bae mi som yu wanfala maonten long ples ya wea bae yu kilim dae pikinini ya, an yu mas bonem hem long faea fo sakrifaesim hem kam fo mi.”

2 Samuel 14:7

An distaem, olketa long laen blong mi i gohed fo agensim mi, an olketa talem mi fo letem olketa kilim dae narafala pikinini, bikos hemi bin kilim brata blong hem. Bat ating olketa laek kilim hem dae fo tekova long lan blong mifala. Sapos olketa duim samting ya, bae mi lus an no garem eni pikinini moa, an hasban blong mi bae hemi no garem eniwan fo karim nem blong hem.”

1 Kings 17:12

Den woman ya hemi ansa olsem, “!Sore tumas! Olsem Yawe, God blong yumi, hemi laef, mi talem stret long yu, mi no garem eni bred. Mi garem wanfala kap flaoa nomoa long kontena, an lelebet oel nomoa long botol. Mi kam fo pikimap lelebet faeawud, mekem mi go wakem lelebet kaikai nomoa, mekem mi wetem pikinini blong mi fo kaikai. Hem nao las kaikai blong mitufala, ating bihaen bae mitufala dae.”

1 Kings 17:18

Nao mami blong hem hemi tok long profet olsem, “?Man blong God, waswe nao yu agensim mi? !Ating yu kam long ples ya fo mekem mi tingabaotem olketa sin blong mi, an kilim dae pikinini blong mi!”

1 Kings 17:23

Den hemi tekem kamdaon boe ya from rum long antap, an hemi tok olsem long mami blong hem, “Hem nao boe blong yu. Hemi laefbaek finis.” An hemi givim long hem.

1 Kings 17:9

“Yu go long taon long Serefat kolsap long Saedon, an yu stap long taon ya. Mi bin talem finis long wanfala wido blong taon ya fo givim kaikai long yu.”

2 Kings 4:16

Den Elaesa hemi sei long hem, “Distaem long neks yia, bae yu karim wanfala pikinini boe blong yu.” An woman ya hemi tok olsem, “!Nomoa Masta! !Yu man blong God, plis yu no laea long mi!”

2 Kings 4:20

So wakaman hemi pikimap an karim boe ya go long mami blong hem. Den mami blong hem hemi holem hem, an mekem hem sidaon antap long lek blong hem. Hemi holem hem olsem go-go kasem midol long de, nao boe ya hemi dae.

Stori abaotem Job 29:13

Long datfala taem, olketa pipol hu i barava safa tumas i tokhae long mi, an olketa wido i barava hapi tumas, bikos mi bin helpem olketa.

Sekaraea 12:10

Yawe hemi gohed fo tok olsem, ?Bae mi mekem olketa laen blong Deved an olketa pipol blong Jerusalem fo barava garem gudfala tingting, wea olketa save sore long narafala man, an olketa save prea fo mi helpem olketa. Bae olketa lukluk go long mi, disfala man wea olketa spiarem. An bae olketa sore an krae fo hem, olsem man wea hemi garem wanfala pikinini nomoa an hemi dae, o man wea fasbon pikinini blong hem hemi dae.

Gudnius abaotem Jisas Kraes wea Luk hemi raetem 7:11

No longtaem bihaen moa, Jisas an olketa disaepol blong hem olketa go long taon long Nein. An long taem ya tu, plande pipol nao olketa go wetem olketa.

Gudnius abaotem Jisas Kraes wea Luk hemi raetem 7:13

Taem Masta hemi lukim disfala wido woman ya nomoa, hemi sore tumas long hem nao an hemi tok olsem long hem, “Yu no krae.”

Gudnius abaotem Jisas Kraes wea Luk hemi raetem 8:42

Man hemi duim olsem, bikos gele blong hem ya hemi kolsap dae nao. An gele ya, hem nao wanfala pikinini blong hem nomoa an hemi kolsap tuelfala yia nao. Nao taem Jisas hemi stat fo wakabaot go nomoa, plande pipol tumas nao olketa pus strong fo kam long hem.

Gudnius abaotem Jisas Kraes wea Luk hemi raetem 8:52

Nao olketa evri pipol olketa gohed fo krae an singaot bikfala tumas fo gele ya, so Jisas hemi sei, “Yufala no krae tumas olsem. Gele ya hemi no dae, hemi slip nomoa ya.”

Gudnius abaotem Jisas Kraes wea Jon hemi raetem 11:19

So plande long olketa Jiu nao olketa kam long Mata an Meri fo helpem tufala, mekem tufala no sore tumas long brata blong tufala hu hemi dae ya.

Aposol 9:39

So Pita hemi go wetem tufala nao, an taem hemi kasem Jopa, olketa tekem hem go long disfala rum long antap. An evri wido woman olketa krae fogud an olketa kam an stanap raonem Pita nao. An olketa som hem olketa sote an olketa longfala kaleko wea Dokas hemi bin somapem taem hemi stap laef yet.

Aposol 9:41

Pita hemi holem han blong hem an helpem hem fo stanap. Bihaen, hemi kolem kam olketa wido woman ya wetem olketa nara pipol blong God moa, an hemi letem olketa fo lukim Tabita wea hemi laefbaek moa.

Jemes 1:27

Bat gudfala wei blong Kristin wea hemi barava stret long God Dadi blong yumi, hem nao fo helpem olketa wido woman an olketa pikinini wea mami an dadi blong olketa i dae finis, an fo no letem olketa ravis samting long wol fo spoelem gudfala laef blong yumi.