Gudnius abaotem Jisas Kraes wea Luk hemi raetem 6:41 - Pijin Bible

⁴¹ “?Waswe nao yu lukim wanfala smol pisgraon wea hemi kasem ae blong brata blong yu, bat yu ya, yu nating lukim nomoa bikfala pisgraon wea hemi kasem ae blong yu seleva?

Pijin Deuterocanon

⁴¹ “?Waswe nao yu lukim wanfala smol pisgraon wea hemi kasem ae blong brata blong yu, bat yu ya, yu nating lukim nomoa bikfala pisgraon wea hemi kasem ae blong yu seleva?

Gudnius abaotem Jisas Kraes wea Luk hemi raetem 6:41 Iomraidhean Croise

1 Kings 2:32

Yawe bae hemi sensimbaek long Joab blad blong tufala ya, bikos dadi blong mi hemi no save dat Joab hemi kilim dae Abna, san blong Na, hu hemi komanda blong ami blong Israel, an Amasa, san blong Jeta, hu hemi komanda blong ami blong Jiuda. Tufala ya i barava gudfala an stret winim Joab ya.

1 Kronikols 21:6

Bat bikos Joab hemi heitem toktok blong king, hemi no kaontem olketa long traeb blong Livae, an olketa long traeb blong Benjamin.

Sams 36:2

Bikos olketa ya i praod tumas, olketa tingse bae God hemi no save faendemaot eni sin long olketa, fo hemi save jajem olketa long hem.

Jeremaea 17:9

“?Hu nao hemi savegud long tingting blong man? Tingting blong man hemi olsem ravis sik wea no eniwan save kiurim. Ya, haat blong man hemi fulap nomoa long laea. ?Hu nao hemi savegud long haat blong man?

Esikiel 18:28

Bikos hemi luksave long evri sin blong hem, an hemi les long disfala ravis wei, bae hemi no dae.

Matiu 7:1

An Jisas hemi sei moa, “Yufala mas no jajem nara man, nogud bae God hemi jajem yufala tu,

Gudnius abaotem Jisas Kraes wea Mak hemi raetem 8:7

An olketa garem tu samfala smol fis moa. So Jisas hemi talem tengkiu long God, an hemi givim long olketa disaepol fo searemaot long olketa pipol ya moa.

Gudnius abaotem Jisas Kraes wea Luk hemi raetem 6:40

Man wea hemi skul, hemi no save winim tisa blong hem. Bat taem hemi skul gudfala go-go hemi barava savegud, long taem ya nao hemi save kamap wankaen wetem tisa blong hem.

Gudnius abaotem Jisas Kraes wea Luk hemi raetem 6:42

An hao nao yu save talem olsem long brata blong yu, ‘Ei, brata. Letem mi tekemaot disfala smol pisgraon from ae blong yu ya.’ Bat yu ya, yu nating lukim nomoa disfala bikfala pisgraon wea hemi kasem ae blong yu seleva. !Yu man fo laea tru nao! Yu mas aotem bikfala pisgraon ya from ae blong yu seleva fastaem. An bihaen, bae yu save lukluk gud an yu save aotem moa smolfala pisgraon ya wea hemi kasem ae blong brata blong yu.”

Gudnius abaotem Jisas Kraes wea Jon hemi raetem 8:7

Long taem ya, olketa go-gohed fo askem olketa kuestin long hem. So hemi luk goap moa, an hemi tok olsem long olketa nao, “Eniwan long yufala hu hemi nating duim eni rong samting yet, hem nao hemi fas man fo sutim ston go long woman ya.”

Leta wea Pol hemi raetem go long sios long Rom 2:1

Yufala hu i jajem olketa nara pipol, yufala no save talem enisamting nao. Taem yufala jajem olketa nara man, yufala jajem yufala seleva nomoa, bikos yufala tu duim olketa semsamting.

Jemes 1:24

Hemi lukim hem seleva, bat taem hemi goawe moa, semtaem nomoa hemi fogetem nao watkaen fes hemi garem.