Gudnius abaotem Jisas Kraes wea Luk hemi raetem 6:30 - Pijin Bible

³⁰ An sapos eniwan hemi askem yu fo enisamting, yu mas helpem hem nao. An sapos eniwan hemi tekem enisamting blong yu, yu no askem hem fo givimbaek moa long yu.

Pijin Deuterocanon

³⁰ An sapos eniwan hemi askem yu fo enisamting, yu mas helpem hem nao. An sapos eniwan hemi tekem enisamting blong yu, yu no askem hem fo givimbaek moa long yu.

Gudnius abaotem Jisas Kraes wea Luk hemi raetem 6:30 Iomraidhean Croise

Sams 112:9

Hemi gohed fo helpem olketa pua pipol, an olketa gudfala wei blong hem bae hemi stap olowe. God hemi talem dat man ya hemi stret olowe, an bae olketa pipol i tinghae long hem.

Sams 41:1

Olketa pipol wea i gohed fo tingim olketa pua pipol, olketa ya nao i hapi, bikos Yawe bae hemi helpem olketa taem trabol hemi kasem olketa.

Provebs 19:17

Taem yu kaen long puaman, Yawe hemi garem kaon long yu. Hem nao bae sensimbaek gudfala long yu.

Provebs 21:26

Olowe Lesibon wande fo tekem enikaen samting. Bat olowe stretfala man hemi wande fo givim enikaen samting.

Provebs 22:9

Man hapi fo givim kaikai long puaman, bae hemi hapi tumas.

Eklesiastes 11:2

Givim olketa samting long plande pipol, bikos yu no save watkaen trabol nao bae hemi kasem disfala wol.

Eklesiastes 8:16

Taem mi trae fo tingabaotem hao fo kamap waes, disfala samting hemi mekem mi nating save slip long naet o long de.

Matiu 18:35

Nao Jisas hemi sei moa, “Bae Dadi blong mi hemi duim olsem long yufala evriwan tu, sapos yufala no barava fogivim olketa brata blong yufala.”

Matiu 5:39

Bat mi ya, mi talem long yufala, yufala mas no sensimbaek wanem nara man hemi duim nogud long yufala. Sapos eniwan hemi hitim yu long raetsaet long fes, yu tanem go narasaet fo hemi hitim moa.

Matiu 6:12

Yu fogivim mifala long olketa ravis samting wea mifala duim, olsem mifala tu fogivim olketa hu i duim olketa ravis samting long mifala.

Gudnius abaotem Jisas Kraes wea Luk hemi raetem 11:41

Bat yufala ya, yufala mas givim kaikai wea hemi stap long olketa plet blong yufala fo go long olketa pua pipol. Sapos yufala duim olsem, bae evrisamting ya hemi save klin tu ya.

Gudnius abaotem Jisas Kraes wea Luk hemi raetem 12:33

So yufala mas salem evrisamting wea yufala garem, an yufala mas givim evri seleni ya fo go long olketa pua pipol. Yufala mas yusim diskaen paos wea hemi no save olo an brek. Long disfala wei ya, yufala hipimap olketa risis blong yufala long heven wea bae olketa no save finis enitaem. An long heven ya, bae no eni man fo stil i save kam an no eni kokoros tu i save spoelem olketa samting.

Gudnius abaotem Jisas Kraes wea Luk hemi raetem 18:22

Taem ya, Jisas hemi sei, “Wanfala samting nao yu mas duim. Yu mas go an salem evrisamting blong yu, an yu mas givim go seleni ya long olketa pua pipol. From diswan nao bae yu garem olketa risis moa long heven. An bihaen ya, bae yu save kam an falom mi.”

Gudnius abaotem Jisas Kraes wea Luk hemi raetem 6:29

An sapos eniwan hemi hitim yu long raetsaet long fes, yu tanem go narasaet fo hemi hitim moa. An sapos eniwan hemi tekem longfala kaleko blong yu, yu no stopem hem moa fo tekem sote blong yu tu.

Gudnius abaotem Jisas Kraes wea Luk hemi raetem 6:31

An wanem yufala laekem olketa nara pipol fo duim long yufala, yufala mas duim long olketa tu.

Gudnius abaotem Jisas Kraes wea Luk hemi raetem 6:38

Yufala mas givim olketa samting long olketa nara pipol, mekem God hemi save givim olketa samting long yufala tu. Ya, God hemi save givim olketa samting long yufala, olsem wanfala man hemi fulumapem gud wanfala basket wea hemi sekem an presim godaon fo fulumapem moa. So diskaen wei wea yufala givim olketa samting long olketa nara pipol nao, bae God hemi falom tu taem hemi givim olketa samting long yufala.”

Aposol 20:35

Long evri waka blong mi, mi bin somaot long yufala wea yumi mas hadwaka olowe, mekem yumi save helpem olketa hu i no strong. An yumi mas tingim go disfala toktok blong Jisas Masta blong yumi, wea hemi sei, ‘Man wea hemi save givim olketa samting go, hem nao hemi hapi moa winim man wea hemi save tekem olketa samting fo hem seleva.’”

2 Korin 8:9

Yufala save finis long kaenfala lav blong Masta blong yumi Jisas Kraes. Nomata hemi ris tumas, hemi mekem hem seleva fo kamap pua fo helpem yufala. Hemi stap olsem pua man long wol, mekem yufala kamap ris.

Efesas 4:28

Man hu i save stil olowe, hemi mas finis from diskaen wei an stat fo waka gudfala. Hemi mas duim olketa gudfala samting long han blong hem, mekem hemi save helpem olketa hu i pua.