Gudnius abaotem Jisas Kraes wea Luk hemi raetem 6:21 - Pijin Bible

²¹ Yufala hu i hanggre distaem, yufala save hapi ya, bikos bihaen ya, bae yufala fulap moa. Yufala hu i krae distaem, yufala save hapi ya, bikos bihaen ya, bae yufala laf moa.

Pijin Deuterocanon

²¹ Yufala hu i hanggre distaem, yufala save hapi ya, bikos bihaen ya, bae yufala fulap moa. Yufala hu i krae distaem, yufala save hapi ya, bikos bihaen ya, bae yufala laf moa.

Gudnius abaotem Jisas Kraes wea Luk hemi raetem 6:21 Iomraidhean Croise

Jenesis 17:17

Nao Ebraham hemi baodaon go-go fes blong hem kasem graon, bat hemi stat fo laf taem hemi gohed fo tingting olsem, “!Maewat! Mi kasem 100 yia blong mi finis, mi no save garem pikinini. An Sera hemi kasem naenti yia blong hem nao, hem tu hemi no save bonem pikinini nao.”

Jenesis 21:6

Nao Sera hemi tok olsem, “God hemi mekem mi hapi, an hemi mekem mi laf. An evriwan wea olketa herem nius abaotem samting ya, bae olketa hapi wetem mi, an olketa laf tu.”

Sams 107:9

Hemi givim wata long olketa hu i barava dae fo dring, an hemi givim gudfala kaikai long olketa hu i hanggre, mekem olketa fulap an hapi.

Sams 119:136

Taem mi lukim olketa pipol i no save obeim olketa gudfala tising blong yu, mi barava sore tumas an mi krae.

Sams 143:6

Distaem laef blong mi hemi barava olsem graon wea hemi drae fogud. So mi liftimap han blong mi an mi prea go long yu, bikos mi laekem yu tumas olsem man wea hemi laekem tumas fo dring.

Sams 17:15

Bat bae mi save lukim yu taem mi wekap, bikos mi no duim eni nogud samting, an bae mi hapi tumas, bikos mi stap nomoa wetem yu. (Singsing blong Deved, wakaman blong Yawe. Hemi preisim hem long singsing ya, long taem wea Yawe hemi sevem hem taem hemi tekem hem aot long han blong Sol an long paoa blong olketa enemi blong hem.)

Sams 28:7

Hem nao hemi paoa blong mi, an hemi gohed fo gadem mi gudfala. Mi trastem hem an hemi gohed fo helpem mi. Ya, hemi gohed fo mekem mi hapi, dastawe nao mi gohed fo preisim hem, long singsing blong mi.

Sams 65:4

Evriwan wea yu siusim, an yu tekem olketa kam long Tambuhaos blong yu, olketa ya nao i hapi. Bae mifala i hapi an fulap long olketa gudfala samting long haos blong yu. Ya, bae mifala barava hapi long olketa blesing wea yu givim mifala insaet long Tambuhaos blong yu.

Aesaea 25:6

(Profet) Long Tambu Maonten long Saeon, Yawe hu hemi garem evri paoa, bae hemi redim wanfala bikfala fist fo evri pipol long wol. An bae hemi redim olketa barava nambawan kaikai, an olketa barava nambawan waen.

Aesaea 30:19

(Profet) !Olketa pipol blong Jerusalem! Yawe hemi kaen tumas. Bae yufala no save krae moa bikos Yawe bae hemi herem yufala taem yufala kraeaot go long hem fo help. An bae hemi sore kam long yufala an hemi helpem yufala.

Aesaea 66:10

“Yufala evriwan hu i laekem tumas Jerusalem, yufala mas singaot an hapi. Yufala evriwan hu i bin sore an krae fo taon ya, yufala mas barava hapi long hem.

Jeremaea 13:17

Bat sapos yufala no herem toktok ya, bae mi go long ples wea man hemi no save lukim mi, an mi gohed fo krae fo yufala, bikos yufala praod tumas. Bae mi barava krae, an tias blong mi i ran bikfala, bikos olketa enemi blong yumi bae olketa kam winim yumi an fosim yumi fo stap long narafala ples.

Jeremaea 31:25

Eniwan hu hemi taet an filnogud, bae mi mekem olketa filgud moa. An eniwan hu hemi hanggre o dae fo wata, bae mi givim kaikai an dring long olketa fo mekem olketa strong moa.”

Jeremaea 31:9

Taem mi gohed fo lidim olketa kambaek, bae olketa gohed fo krae an prea long mi. Bae mi gohed fo lidim olketa long wanfala gudfala rod wea olketa no save wikdaon long hem, an bae olketa garem plande springwata fo dring long hem. Bae mi lukaftarem olketa olsem, bikos mi olsem dadi blong Israel, an Israel hemi olsem fasbon pikinini boe blong mi.

Jeremaea 9:1

Hemi moabeta sapos hed blong mi hemi olsem wanfala wel wea hemi fulap long wata, an hemi moabeta sapos ae blong mi hemi olsem wanfala springwata. Den oltaem long de an long naet, mi save krae fo olketa pipol blong mi, wea olketa enemi kilim olketa dae.

Esikiel 7:16

An eniwan wea i laef yet, bae olketa ranawe go antap long olketa maonten, an bae olketa krae long sore fo olketa sin blong olketa, olsem krae blong kurukuru wea i stap long vali.

Esikiel 9:4

Hemi tok olsem long hem, “Yu go evriwea long taon ya, an putum mak long fohed blong olketa pipol hu i gohed fo sore an krae fo olketa nogud samting wea olketa narafala pipol i duim insaet long taon ya.”

Matiu 5:4

Olketa hu i sore tumas, olketa save hapi ya, bikos bae God hemi mekem olketa fo no sore moa.

Matiu 5:6

Olketa hu i laekem tumas fo duim wanem God hemi laekem, olketa save hapi ya, bikos God bae hemi helpem olketa fo duim diswan.

Gudnius abaotem Jisas Kraes wea Luk hemi raetem 1:53

Hemi helpem olketa hu i hanggre fo fulap wetem olketa gudfala samting, bat hemi mekem olketa hu i ris fo goawe wetem emti han nomoa.

Gudnius abaotem Jisas Kraes wea Luk hemi raetem 6:20

Nao Jisas hemi lukluk go long olketa disaepol blong hem an hemi sei, “Yufala hu i pua, yufala save hapi ya, bikos yufala stap finis insaet long kingdom blong God.

Gudnius abaotem Jisas Kraes wea Luk hemi raetem 6:22

“An yufala wea olketa pipol i heitem yufala an barava aotem yufala an barava tokspoelem yufala an talem nem blong yufala hemi barava nogud bikos yufala falom mi San Blong Man, yufala save hapi ya.

Gudnius abaotem Jisas Kraes wea Luk hemi raetem 6:25

!An yufala hu i fulap distaem, yufala lukaot! Bikos bihaen ya, bae yufala hanggre moa. !An yufala hu i laf distaem, yufala lukaot! Bikos bihaen ya, bae yufala krae bikfala moa.

Gudnius abaotem Jisas Kraes wea Jon hemi raetem 11:35

An Jisas hemi krae.

Gudnius abaotem Jisas Kraes wea Jon hemi raetem 4:10

Nao Jisas hemi tok olsem long woman ya, “Yu no luksave nomoa long wanem God hemi laek fo givim kam ya, an yu no luksave long disfala man hu hemi askem yu fo lelebet wata ya. Sapos yu askem hem, bae hemi save givim wata wea hemi givim laef long yu.”

Gudnius abaotem Jisas Kraes wea Jon hemi raetem 6:35

So Jisas hemi talem long olketa olsem, “Mi nao mi disfala kaikai wea hemi givim tru laef. Eniwan hu hemi kam long mi, bae hemi no hanggre moa. An eniwan hu i biliv long mi, bae hemi no nidim moa enisamting fo dringim.

1 Korin 4:11

Kam kasem distaem, mifala save hanggre tumas an mifala save dae long wata an mifala no save werem eni gudfala kaleko. Olketa pipol save meksave long mifala an mifala no garem eni hom.

2 Korin 11:27

Mi bin wakahad tumas an mi no garem taem fo slip. Plande taem mi nating garem eni kaikai an dring o mi no garem inaf taem fo kaikai, an plande taem mi kol tumas an sot long kaleko.

2 Korin 12:10

So long disfala waka blong Kraes, nomata mi stap wik an pipol toknogud long mi an olketa hadtaem kasem mi an olketa pipol mekem mi safa, mi save hapi nomoa long diswan. Bikos taem mi wik tumas, long taem ya nao mi barava garem paoa.

2 Korin 6:10

Samfala mekem mifala fo sore tumas, bat mifala hapi olowe nomoa. Mifala pua tumas, bat mifala helpem plande pipol fo kamap ris moa. Mifala no garem enisamting seleva, bat mifala nao barava onam evrisamting.

Jemes 1:12

Man hu hemi gohed fo stanap strong taem enikaen hadtaem hemi kasem hem, hem nao hemi hapi. Taem hemi stanap strong long evri hadtaem, God bae hemi givim hem laef wea hemi promis fo givim long olketa hu i lavem hem.

Revelesin 21:3

Nao mi herem wanfala voes from tron, wea hemi singaot olsem, “Lukim, ples blong God hemi stap wetem olketa pipol nao. An bae hemi stap oltaem wetem olketa, an olketa nao i barava pipol blong hem. God seleva nao bae hemi stap wetem olketa, an bae hemi barava God blong olketa.

Revelesin 7:16

Bae olketa no save hanggre an no save dae long wata moa. An bae hot san hemi no save spoelem olketa moa.