Gudnius abaotem Jisas Kraes wea Luk hemi raetem 6:19 - Pijin Bible

¹⁹ An evriwan long olketa pipol ya olketa traehad fo tasim hem, bikos paoa blong God wea hemi stap long hem, hemi mekem evri sikman fo kamap gudbaek moa.

Pijin Deuterocanon

¹⁹ An evriwan long olketa pipol ya olketa traehad fo tasim hem, bikos paoa blong God wea hemi stap long hem, hemi mekem evri sikman fo kamap gudbaek moa.

Gudnius abaotem Jisas Kraes wea Luk hemi raetem 6:19 Iomraidhean Croise

2 Kings 13:21

Wanfala taem, samfala pipol blong Israel i karim wanfala bodi fo go berem hem. Den olketa lukim wanfala grup blong soldia blong Moab i kam, so olketa torowem bodi nomoa go insaet long grev wea olketa bin putum bodi blong Profet Elaesa long hem bifoa. Bat wea, taem bodi ya hemi kasem olketa bon blong Elaesa ya, man ya hemi laefbaek moa, an hemi stanap.

Matiu 14:36

An olketa askem hem fo letem olketa sik pipol ya fo tasim nomata en blong longfala kaleko blong hem, mekem olketa gudbaek moa. An evriwan hu olketa tasim kaleko blong hem, olketa gudbaek nao.

Gudnius abaotem Jisas Kraes wea Mak hemi raetem 3:10

Hemi bin mekem plande sik pipol fo gudbaek moa, an dastawe nao samfala sikman moa olketa go-gohed fo pusum olketa seleva fo go long hem, mekem olketa save tasim hem.

Gudnius abaotem Jisas Kraes wea Mak hemi raetem 5:30

An semtaem tu, Jisas hemi save dat paoa blong hem hemi bin mekem samwan fo gudbaek moa. So hemi taneraon long midol long olketa pipol ya an askem olketa olsem, “?Hu nao tasim kaleko blong mi?”

Gudnius abaotem Jisas Kraes wea Mak hemi raetem 6:56

An long evri ples wea Jisas hemi go long hem, olsem long olketa taon an olketa vilij an olketa nara ples moa, olketa pipol save hipap wetem hem nao long olketa open ples. Olketa karim kam olketa sik pipol ya long Jisas, an askem hem fo letem olketa fo tasim nomoa en blong longfala kaleko blong hem. An evriwan wea olketa tasim hem ya, olketa barava gudbaek nao.

Gudnius abaotem Jisas Kraes wea Mak hemi raetem 8:22

Taem olketa kam kasem Betsaeda, samfala pipol olketa tekem kam long Jisas wanfala man wea ae blong hem hemi blaen. An olketa askem Jisas fo tasim man ya.

Gudnius abaotem Jisas Kraes wea Luk hemi raetem 5:17

Long wanfala taem moa, Jisas hemi gohed fo tisim olketa pipol. An samfala Farasi an samfala tisa blong Lo tu, olketa stap long haos ya. An olketa ya kam from evri ples long provins long Galili an long provins long Jiudia an biktaon long Jerusalem. An paoa blong God hemi stap long Jisas, mekem hemi save mekem olketa sik pipol fo gudbaek moa.

Gudnius abaotem Jisas Kraes wea Luk hemi raetem 6:18

An evriwan ya olketa kam from olketa laek fo herem toktok blong Jisas an olketa laekem hem fo mekem olketa gudbaek moa from olketa siknis blong olketa. An nomata olketa pipol wea olketa ravis devol i spoelem olketa, Jisas hemi mekem olketa fo gudbaek moa.

Aposol 19:12

Nomata enikaen kaleko wea hemi tasim bodi blong Pol finis, sapos olketa tekem go long olketa hu i sik o olketa wea devol i stap long olketa, bae olketa gudbaek moa from sik blong olketa, an olketa devol tu bae i ranawe from olketa.

1 Pita 2:9

Bat yufala ya, God hemi siusim yufala finis kamap pipol blong hem. Hemi mekem yufala olketa prist blong King, an olketa holi pipol blong hem. Yufala nao olketa pipol blong God, wea hemi siusim fo talemaot olketa gudfala waka wea hemi duim. God hemi kolem yufala finis, an yufala bin kamaot from tudak an kam insaet long gudfala laet blong hem.