Gudnius abaotem Jisas Kraes wea Luk hemi raetem 6:14 - Pijin Bible

¹⁴ An nem blong tuelfala man ya nao hemi olsem, Saemon wea Jisas hemi givim nara nem long hem Pita, an Andru hu hemi brata blong Pita, an Jemes, an Jon, an Filip, an Batolomiu,

Pijin Deuterocanon

¹⁴ An nem blong tuelfala man ya nao hemi olsem, Saemon wea Jisas hemi givim nara nem long hem Pita, an Andru hu hemi brata blong Pita, an Jemes, an Jon, an Filip, an Batolomiu,

Gudnius abaotem Jisas Kraes wea Luk hemi raetem 6:14 Iomraidhean Croise

Matiu 10:2

Nem blong tuelfala aposol ya nao hemi olsem, Saemon wea mektu nem blong hem nao Pita, an brata blong hem Andru, an Jemes an Jon tufala san blong Sebedi,

Matiu 10:3

an Filip an Batolomiu, an Tomas an Matiu wea waka blong hem nao fo tekem taks, an Jemes san blong Alfeas, an Tadeas,

Matiu 4:18

Taem Jisas hemi wakabaot go long saet long leik long Galili, hemi lukim tufala brata wea waka blong tufala nao fo fising. Wanfala hemi Saemon wea mektu nem blong hem nao hemi Pita, an narawan hemi brata blong hem, Andru. Tufala go-gohed fo fising wetem net long leik ya.

Matiu 4:21

Taem Jisas hemi wakabaot go, hemi lukim nara tufala brata moa. Tufala ya nao Jemes an Jon, tufala san blong Sebedi. Tufala brata ya wetem dadi blong tufala, olketa stap nomoa insaet long bot, an olketa go-gohed fo mekem gudbaek moa net blong olketa. Nao Jisas hemi kolem tufala brata ya fo kam falom hem tu.

Gudnius abaotem Jisas Kraes wea Mak hemi raetem 1:19

Nao Jisas hemi wakabaot lelebet go moa an hemi lukim Jemes an Jon, tufala san blong Sebedi. Tufala sidaon insaet long bot blong olketa, an go-gohed fo mekem gud moa net blong olketa.

Gudnius abaotem Jisas Kraes wea Mak hemi raetem 1:29

Taem Jisas wetem Jemes an Jon an olketa nara disaepol moa olketa kamaot long preahaos ya nomoa, olketa go stret nao long haos blong Saemon an Andru.

Gudnius abaotem Jisas Kraes wea Mak hemi raetem 14:33

Bat hemi tekem Pita, Jemes an Jon fo go wetem hem. An long taem ya, Jisas hemi filnogud tumas an tingting blong hem hemi barava dak fogud nao.

Gudnius abaotem Jisas Kraes wea Mak hemi raetem 3:16

Hem ya nao nem blong tuelfala man wea hemi siusim olketa, Saemon wea Jisas hemi givim nara nem long hem Pita,

Gudnius abaotem Jisas Kraes wea Mak hemi raetem 5:37

Nao Jisas hemi stopem evriwan fo no kam wetem hem, bat Pita an Jemes an brata blong hem Jon nomoa olketa go wetem hem.

Gudnius abaotem Jisas Kraes wea Mak hemi raetem 9:2

Long meksiks de bihaen, Jisas hemi tekem Pita an Jemes an Jon wetem hem, an olketa seleva i goap long wanfala hae maonten. Taem trifala ya i lukluk go nomoa, bodi blong Jisas hemi sens nao,

Gudnius abaotem Jisas Kraes wea Luk hemi raetem 5:10

An tufala san blong Sebedi, Jemes an Jon, wea tufala waka wetem Saemon, tufala tu i sapraes tumas long hem. Nao Jisas hemi tok olsem long Saemon, “Yu no fraet. Stat long distaem nao, bae yu go fo fising fo kasem pipol nomoa.”

Gudnius abaotem Jisas Kraes wea Luk hemi raetem 5:8

Taem Saemon Pita hemi lukim diswan nomoa, hemi nildaon long frant blong Jisas, an hemi tok olsem, “Masta, yu goawe from mi nao, bikos mi man wea mi garem sin.”

Gudnius abaotem Jisas Kraes wea Luk hemi raetem 6:13

Taem hemi kasem delaet nomoa, hemi kolem olketa disaepol fo kam long hem, an hemi siusim tuelfala long olketa, wea hemi kolem olketa long aposol.

Gudnius abaotem Jisas Kraes wea Luk hemi raetem 6:15

an Matiu, an Tomas, an Jemes hu hemi san blong Alfeas, an Saemon wea hemi memba long seksin wea olketa wande fo raosim gavman blong Rom,

Gudnius abaotem Jisas Kraes wea Jon hemi raetem 1:45

Long bihaen, Filip hemi kasem Nataniel an hemi sei, “Disfala man wea Mosis hemi bin raetem abaotem long buk blong Lo, an olketa profet tu bin raetem abaotem, mifala lukim hem nao. Man ya, nem blong hem Jisas, hemi san blong Josef hu hemi kam from taon long Nasaret.”

Gudnius abaotem Jisas Kraes wea Jon hemi raetem 14:8

Filip hemi sei olsem long Jisas, “Masta, hem nomoa wanem mifala laekem, fo yu som Dadi ya long mifala.”

Gudnius abaotem Jisas Kraes wea Jon hemi raetem 6:5

Nao Jisas hemi luk go an hemi lukim plande pipol wea olketa ka-kam long hem nao, an hemi sei long Filip, “?Wea nao bae yumi save baem kaikai fo yumi givim long olketa pipol ya fo kaikaim?”

Gudnius abaotem Jisas Kraes wea Jon hemi raetem 6:8

Narafala disaepol blong Jisas tu, Andru brata blong Saemon Pita, hemi tok olsem nao,

Aposol 1:13

Taem olketa kasem Jerusalem, olketa go stret long disfala rum antap long wanfala haos wea olketa save hipap long hem long taem ya. An olketa ya nao olsem, Pita, an Jon, an Jemes, an Andru, an Filip, an Tomas, an Batolomiu, an Matiu, an Jemes hu hemi san blong Alfeas, an Saemon wea hemi memba long seksin wea olketa wande fo raosim olketa soldia blong Rom, an Jiudas hu hemi san blong Jemes.

Aposol 12:2

Hemi mekem olketa kilim dae wetem naef fo faet disfala Jemes brata blong Jon.

2 Pita 1:1

Mi Saemon Pita, wakaman an aposol blong Jisas Kraes. Mi raet go long yufala wea God hemi givim disfala nambawan biliv wea mifala tu garem. Long stretfala wei blong God an Sevia blong yumi Jisas Kraes, hem nao yumi evriwan garem disfala nambawan biliv.