Gudnius abaotem Jisas Kraes wea Luk hemi raetem 5:29 - Pijin Bible

²⁹ Bihaen diswan, Livae hemi mekem wanfala bikfala fist long haos blong hem fo Jisas. An long taem ya, plande long olketa man fo tekem taks, an samfala pipol moa olketa hipap fo kaikai wetem tufala.

Pijin Deuterocanon

²⁹ Bihaen diswan, Livae hemi mekem wanfala bikfala fist long haos blong hem fo Jisas. An long taem ya, plande long olketa man fo tekem taks, an samfala pipol moa olketa hipap fo kaikai wetem tufala.

Gudnius abaotem Jisas Kraes wea Luk hemi raetem 5:29 Iomraidhean Croise

Matiu 11:19

An taem mi San Blong Man mi kam, mi save kaikai an mi save dring. So olketa pipol ya sei, ‘!Yufala lukim! !Disfala man ya, kaikai an dring nomoa hemi nambawan samting blong hem ya! An olketa fren blong hem nao olketa man fo tekem taks an olketa nara ravis pipol moa.’ Bat olketa samting wea hemi kamaot long gudfala tingting blong God ya, hemi somaot dat gudfala tingting ya hemi truwan nao.”

Matiu 5:46

?So sapos yufala lavem nomoa olketa hu i lavem yufala tu, waswe, yufala tingse God bae hemi blesim yufala ya? Nomata olketa man fo tekem taks, olketa save duim diswan tu ya.

Matiu 9:10

Bihaen moa, Jisas hemi go fo kaikai long haos blong Matiu An long taem ya, plande long olketa man fo tekem taks, an olketa nara ravis pipol tu, olketa evriwan i kam fo sidaon tugeta wetem Jisas an olketa disaepol blong hem.

Matiu 9:9

Taem Jisas hemi lusim ples ya, hemi lukim wanfala man wea nem blong hem Matiu. Man ya, hemi sidaon long ples wea olketa pipol i save kam fo peim taks long hem. An Jisas hemi sei olsem long Matiu, “Yu falom mi.” So Matiu hemi stanap an hemi falom Jisas nao.

Gudnius abaotem Jisas Kraes wea Mak hemi raetem 2:15

Plande taem nao, olketa man fo tekem taks an olketa nara ravis pipol moa olketa save go wetem Jisas. Nao long taem ya, Jisas hemi go kaikai long haos blong Livae an plande long olketa ravis pipol nao olketa kam fo kaikai wetem Jisas an olketa disaepol blong hem.

Gudnius abaotem Jisas Kraes wea Luk hemi raetem 15:1

Nao olketa man fo tekem taks an olketa nara ravis pipol olketa kam long Jisas fo lisin long toktok blong hem.

Gudnius abaotem Jisas Kraes wea Jon hemi raetem 12:2

Long ples ya olketa redim kaikai fo Jisas, an Mata nao hemi helpem olketa fo givimaot kaikai ya. An Lasaros tu hemi wanfala long olketa pipol hu i sidaon fo kaikai wetem Jisas.

1 Korin 10:27

Sapos wanfala man wea hemi no Kristin hemi askem yufala fo go kaikai long haos blong hem, hemi gud fo yufala go nomoa. Yufala save kaikaim enisamting nomoa wea hemi givim, an yufala mas no wari fo askem olketa kuestin abaotem kaikai ya.