Gudnius abaotem Jisas Kraes wea Luk hemi raetem 5:10 - Pijin Bible

¹⁰ An tufala san blong Sebedi, Jemes an Jon, wea tufala waka wetem Saemon, tufala tu i sapraes tumas long hem. Nao Jisas hemi tok olsem long Saemon, “Yu no fraet. Stat long distaem nao, bae yu go fo fising fo kasem pipol nomoa.”

Pijin Deuterocanon

¹⁰ An tufala san blong Sebedi, Jemes an Jon, wea tufala waka wetem Saemon, tufala tu i sapraes tumas long hem. Nao Jisas hemi tok olsem long Saemon, “Yu no fraet. Stat long distaem nao, bae yu go fo fising fo kasem pipol nomoa.”

Gudnius abaotem Jisas Kraes wea Luk hemi raetem 5:10 Iomraidhean Croise

Matiu 13:47

“Kingdom long Heven, hemi olsem taem samfala fisingman olketa torowem net godaon long leik, an enikaen fis nomoa olketa pas long net ya.

Matiu 14:27

Bat semtaem nomoa, Jisas hemi tok go olsem long olketa nao, “!Yufala no seksek! Mi nomoa ya. !Yufala no fraet!”

Matiu 20:20

Bihaen moa, waef blong Sebedi wetem tufala san blong hem, olketa kam long Jisas. Nao woman ya hemi nildaon long frant blong Jisas, fo askem hem fo helpem hem.

Matiu 4:19

Nao Jisas hemi sei long tufala, “Yutufala kam falom mi. Mi nao bae mi som yutufala hao fo fising fo kasem pipol.”

Matiu 4:21

Taem Jisas hemi wakabaot go, hemi lukim nara tufala brata moa. Tufala ya nao Jemes an Jon, tufala san blong Sebedi. Tufala brata ya wetem dadi blong tufala, olketa stap nomoa insaet long bot, an olketa go-gohed fo mekem gudbaek moa net blong olketa. Nao Jisas hemi kolem tufala brata ya fo kam falom hem tu.

Gudnius abaotem Jisas Kraes wea Mak hemi raetem 1:17

An Jisas hemi sei long tufala olsem, “Yutufala kam falom mi. Mi bae mi som yutufala hao fo fising fo kasem pipol.”

Gudnius abaotem Jisas Kraes wea Luk hemi raetem 5:7

So olketa mekem saen fo olketa fren blong olketa long nara bot ya fo kam an helpem olketa. An nara bot ya hemi kam an olketa fulumapem tufala bot ya long olketa fis, go-go tufala kolsap singdaon nao.

Gudnius abaotem Jisas Kraes wea Luk hemi raetem 5:9

Hemi tok olsem, bikos hem an olketa man wea olketa waka wetem hem ya, olketa sapraes tumas nao long plande fis wea olketa bin kasem.

Gudnius abaotem Jisas Kraes wea Luk hemi raetem 6:14

An nem blong tuelfala man ya nao hemi olsem, Saemon wea Jisas hemi givim nara nem long hem Pita, an Andru hu hemi brata blong Pita, an Jemes, an Jon, an Filip, an Batolomiu,

Gudnius abaotem Jisas Kraes wea Jon hemi raetem 21:2

Saemon Pita an Tomas wea olketa save kolem hem Tuin, an Nataniel from Kena long provins long Galili, an tufala san blong Sebedi, an nara tufala disaepol moa, olketa stap tugeta nao.

Aposol 2:4

An evri pipol ya, olketa fulap long Holi Spirit an olketa stat fo toktok long olketa deferen langguis falom toktok wea Holi Spirit hemi givim kam long olketa.

2 Korin 8:23

Yufala save long Taetas finis, hemi fren blong mi an hemi waka tugeta wetem mi fo helpem yufala. An nara tufala brata ya, tufala nao kam long nem blong olketa sios, an waka blong tufala i haemapem nem blong Kraes.

2 Timoti 2:26

Seitan nao hemi holem olketa strong ya, an hem nao hemi mekem olketa fo duim wanem hemi laekem. Bat sapos olketa stat fo save long tru toktok, bae tingting blong olketa hemi save kamap gudfala moa, an bae olketa save ranawe from Seitan.