Gudnius abaotem Jisas Kraes wea Luk hemi raetem 4:35 - Pijin Bible

³⁵ So Jisas hemi tokstrong long devol olsem, “!Yu kuaet, an yu kamaot from man ya!” Nao devol ya hemi torowem man ya i godaon long midol long olketa, an devol hemi kamaot from hem nao bat hemi no spoelem hem nomoa.

Pijin Deuterocanon

³⁵ So Jisas hemi tokstrong long devol olsem, “!Yu kuaet, an yu kamaot from man ya!” Nao devol ya hemi torowem man ya i godaon long midol long olketa, an devol hemi kamaot from hem nao bat hemi no spoelem hem nomoa.

Gudnius abaotem Jisas Kraes wea Luk hemi raetem 4:35 Iomraidhean Croise

Sams 50:16

Bat God hemi tok olsem long olketa nogud pipol, “?Fo wanem nomoa yufala ridim baehat long olketa lo blong mi? ?Fo wanem nomoa yufala tokabaotem spesol agrimen wea mi bin mekem wetem olketa olo blong yufala bifoa? Yufala pipol fo laea ya.

Sekaraea 3:2

Den Yawe hemi tokstrong olsem long Seitan, ?!Seitan! !Yu stap kuaet! Mi Yawe hu mi siusim Jerusalem fo mi stap long hem, mi nao mi talem yu dat yu mas stap kuaet nomoa. Disfala man nao mi sevem hem olsem stik wea man hemi tekemaot from insaet long faea, mekem hemi no bone.?

Matiu 17:18

An Jisas hemi tokstrong long devol ya, so hemi lusim boe ya nao. An semtaem nomoa, boe ya hemi gudbaek moa.

Matiu 8:26

Bat long taem ya, Jisas hemi sei long olketa, “?Waswe nao yufala fraet tumas olsem? Biliv blong yufala hemi smolfala tumas ya.” Bihaen, hemi stanap an hemi tokstrong long win an olketa wev ya fo stap kuaet. So long taem ya nomoa, ples ya hemi barava kuaet fogud nao.

Gudnius abaotem Jisas Kraes wea Mak hemi raetem 1:26

Nao ravis devol ya hemi mekem bodi blong man ya barava seksek fogud. An semtaem hemi mekem hem fo singaot bikfala moa, an hemi kamaot from hem nao.

Gudnius abaotem Jisas Kraes wea Mak hemi raetem 4:39

Nao taem ya nomoa, Jisas hemi stanap an tokstrong long win ya olsem, “!Yu mas stop nao!” An hemi sei moa long olketa wev ya, “!Yufala mas kuaet nao!” An taem ya nomoa, win ya hemi stop an wata ya barava kuaet fogud nao.

Gudnius abaotem Jisas Kraes wea Mak hemi raetem 9:26

Nao devol ya hemi singaot bikfala nomoa an hemi mekem boe ya hemi seksek fogud nao. Bihaen nomoa, devol ya hemi kamaot from boe ya. An boe ya hemi luk olsem hemi dae nao, so plande long olketa sei olsem, “Hemi dae finis nao ya.”

Gudnius abaotem Jisas Kraes wea Luk hemi raetem 11:22

Bat taem wanfala man wea hemi strong moa, hemi kam an faetem man ya an winim hem, bae hemi tekem go evrisamting blong faet wea strongfala man ya hemi tingse hemi save sev long hem. An bae hemi searemaot evrisamting ya long olketa fren blong hem nao.

Gudnius abaotem Jisas Kraes wea Luk hemi raetem 4:23

Nao Jisas hemi tok olsem long olketa, “Ating kolsap yufala talem disfala toktok wea hemi sei, ‘Dokta, yu mekem yu seleva fo gudbaek fastaem.’ An bae yufala talem mi tu, ‘Olketa samting yu bin duim kam long Kapaneam, hemi gud sapos yu duim long hia tu long ples blong yu.’”

Gudnius abaotem Jisas Kraes wea Luk hemi raetem 4:39

So Jisas hemi go an stanap long saet long bed blong woman ya, an hemi tokstrong long fiva ya, an fiva ya hemi finis from hem nao. An semtaem nomoa woman ya hemi stanap, an hemi redim kaikai fo olketa.

Gudnius abaotem Jisas Kraes wea Luk hemi raetem 4:41

An narasamting moa, olketa devol ya olketa lusim olketa pipol an olketa singaot bikfala olsem, “!Yu ya, yu San Blong God ya!” Bat Jisas hemi tokstrong long olketa an hemi stopem olketa fo no toktok, bikos olketa save finis wea Jisas nao hemi disfala Mesaea.

Gudnius abaotem Jisas Kraes wea Luk hemi raetem 8:24

Nao olketa disaepol olketa go an wekapem Jisas, an olketa sei, “!Masta, Masta! Kolsap yumi dae nao.” Nao Jisas hemi stanap an hemi tokstrong long win ya an olketa wev ya, an semtaem nomoa, win ya hemi stop nao an wata ya hemi kuaet moa.

Gudnius abaotem Jisas Kraes wea Luk hemi raetem 9:39

Yu save, wanfala devol nao hemi save kam strong long hem, wea hemi save mekem hem fo singaot bikfala tumas. An devol ya hemi save mekem boe ya fo seksek fogud, an plande spit nao hemi kamaot long maos blong hem. An devol ya hemi nating save lusim hem ya, wea hemi gohed fo spoelem hem olowe nomoa.

Gudnius abaotem Jisas Kraes wea Luk hemi raetem 9:42

Nao taem boe ya hemi kam long ples wea Jisas hemi stanap long hem nomoa, devol ya hemi mekem boe ya fo foldaon long graon, an hemi mekem hem fo seksek olobaot nao. Bat Jisas hemi tokstrong long ravis devol ya, an hemi mekem boe ya fo gudbaek nao. An hemi givim boe ya gobaek moa long dadi blong hem.

Revelesin 12:12

So yufala evriwan long heven, yufala mas hapi. !Bat sore tumas long evriwan hu i stap long graon an long si! Bikos Devol ya hemi bin kamdaon long yufala finis an hemi barava kros tumas ya, bikos hemi save dat lelebet taem nomoa hemi stap yet fo hem.”