Gudnius abaotem Jisas Kraes wea Luk hemi raetem 4:28 - Pijin Bible

²⁸ Taem olketa herem wanem Jisas hemi talem nomoa, evriwan hu i stap long preahaos ya i barava kros fogud nao.

Pijin Deuterocanon

²⁸ Taem olketa herem wanem Jisas hemi talem nomoa, evriwan hu i stap long preahaos ya i barava kros fogud nao.

Gudnius abaotem Jisas Kraes wea Luk hemi raetem 4:28 Iomraidhean Croise

2 Kronikols 16:10

Disfala toktok hemi mekem King Asa fo kros tumas long profet. Hemi kros fogud, so hemi putum profet ya long prisin. An stat long datfala taem, hemi gohed fo spoelem samfala pipol blong hem.

Jeremaea 38:6

So olketa tekem profet ya, an taengem hem long rop, an olketa putum hemi godaon insaet long bikfala ren tangk wea hemi stap insaet long graon. Disfala ren tangk hemi blong Malkaeja, san blong king, an hemi stap long ples ya long haos blong king, wea olketa sekiuriti i stap long hem. Ren tangk ya hemi no garem wata long hem, bat dip mad nomoa. An profet ya hemi barava singdaon insaet long mad ya nao.

Matiu 2:16

Taem Herod hemi save dat olketa man blong ist ya olketa bin trikim hem, hemi barava kros fogud nao. So hemi sendem olketa soldia blong hem fo go long Betlehem an long olketa nara ples long eria ya moa, an olketa kilim dae evri pikinini boe hu olketa kasem tufala yia nomoa an olketa smolwan go moa. Herod hemi duim olsem, bikos hemi falom disfala taem wea olketa man blong ist ya olketa talem olketa bin lukim sta long hem fastaem ya.

Gudnius abaotem Jisas Kraes wea Luk hemi raetem 4:27

An long taem blong profet Elaesa, plande pipol long Israel nao i garem ravis sik blong skin, bat no eniwan long olketa hemi mekem fo gudbaek from sik ya. Bat wanfala man wea Elaesa hemi mekem hem fo gudbaek nao, hemi disfala Naaman wea hemi blong kantri long Siria.”

Gudnius abaotem Jisas Kraes wea Luk hemi raetem 4:29

So olketa stanap an olketa raosim Jisas fo go aotsaet long taon ya. Nao taon ya hemi stap long wanfala hil, so olketa tekem Jisas fo torowem hem godaon long ples wea hemi had tumas fo godaon long hem.

Gudnius abaotem Jisas Kraes wea Luk hemi raetem 6:11

Bat olketa ya barava kros fogud nao, an olketa stat fo toktok tugeta long olketa seleva abaotem wanem nao bae olketa duim long Jisas.

Aposol 5:33

Taem olketa memba blong Kansol ya olketa herem disfala toktok nomoa, olketa barava kros tumas nao, an olketa wande fo kilim dae olketa aposol.

Aposol 7:54

Taem olketa memba blong Kansol olketa herem Stivin hemi talem olsem, bele blong olketa i barava hot wetem kros nao.