Gudnius abaotem Jisas Kraes wea Luk hemi raetem 24:6 - Pijin Bible

⁶ Hemi no stap long hia nao, bikos hemi laefbaek finis. Yufala tingimbaek wanem hemi bin talem long yufala taem hemi stap wetem yufala yet long Galili. Hemi bin sei,

Pijin Deuterocanon

⁶ Hemi no stap long hia nao, bikos hemi laefbaek finis. Yufala tingimbaek wanem hemi bin talem long yufala taem hemi stap wetem yufala yet long Galili. Hemi bin sei,

Gudnius abaotem Jisas Kraes wea Luk hemi raetem 24:6 Iomraidhean Croise

Matiu 12:40

Long trifala de an trifala naet Jona hemi stap insaet long bele blong wanfala bikfala fis. An long sem wei tu, long trifala de an trifala naet, bae mi San Blong Man, mi stap insaet long graon.

Matiu 16:21

Stat long taem ya, Jisas hemi go-gohed fo talemaot klia long olketa disaepol olsem, “Mi mas go long Jerusalem, an bae olketa hedprist an olketa tisa blong Lo an olketa nara bikman moa bae olketa meksave long mi an bae olketa kilim mi dae. Bat long mektri de, bae mi laefbaek moa.”

Matiu 27:63

an olketa sei, “Bikman, mifala tingimbaek wea disfala man blong laea ya, taem hemi laef yet hemi tok olsem ya, ‘Mi bae mi laefbaek moa long mektri de.’

Matiu 28:6

Bat hemi no stap long hia nao, bikos hemi laefbaek finis nao olsem hemi talem kam long yufala bifoa. Yutufala kam lukim ples wea hemi bin leidaon long hem.

Gudnius abaotem Jisas Kraes wea Mak hemi raetem 16:6

Bat yangman ya hemi tok long olketa olsem, “Yufala no fraet. Mi save dat yufala kam fo lukaotem Jisas blong Nasaret ya, wea olketa nilam hem long kros. Bat hemi no stap long hia nao, bikos hemi laefbaek finis. !Lukim! Hem nao ples wea olketa putum hem stap.

Gudnius abaotem Jisas Kraes wea Mak hemi raetem 8:31

Long taem ya, Jisas hemi go-gohed fo tisim olketa disaepol olsem, “Bae mi San Blong Man, olketa mas meksave long mi fogud nao. An bae olketa hedprist an olketa tisa blong Lo an olketa nara bikman moa olketa no laekem mi moa. An bae olketa kilim mi dae tu, bat long mektri de bihaen ya, bae mi laefbaek moa.”

Gudnius abaotem Jisas Kraes wea Luk hemi raetem 24:34

wea olketa ya gohed fo tok olsem, “Hemi barava tru ya, Masta blong yumi hemi laefbaek moa. Hemi bin som hem seleva long Saemon.”

Gudnius abaotem Jisas Kraes wea Luk hemi raetem 24:5

Long taem ya, olketa woman ya olketa fraet fogud nao, an olketa luk godaon long graon. Bat tufala man ya tufala tok olsem long olketa, “?Waswe nao yufala lukaotem man wea hemi stap laef long disfala ples blong olketa dae man?

Gudnius abaotem Jisas Kraes wea Luk hemi raetem 9:22

An Jisas hemi sei moa, “Mi San Blong Man, bae olketa mas meksave long mi fogud. An olketa hedprist an olketa tisa blong Lo an olketa nara bikman moa, bae olketa no laekem mi. An olketa mas kilim mi dae tu, bat long mektri de bae mi laefbaek moa.”

Gudnius abaotem Jisas Kraes wea Luk hemi raetem 9:44

“Yufala lisin gudfala long wanem bae mi talem long yufala distaem. Mi San Blong Man, bae olketa givim mi go long han blong olketa pipol ya.”

Aposol 2:24

Bat God nao hemi tekem hem aot from disfala paoa blong dae an hemi mekem hem fo laefbaek moa from dae. Bikos hemi had tumas fo dae ya hemi save holem Jisas stap.

2 Tesalonaeka 2:5

?So waswe, yufala fogetem finis nao olketa samting wea mi talem long yufala taem mi stap yet wetem yufala?