Gudnius abaotem Jisas Kraes wea Luk hemi raetem 24:26 - Pijin Bible

²⁶ Hemi fitim fo yutufala save finis wea disfala Mesaea hemi mas filpein fastaem bifoa hemi save tekem saen blong bikfala paoa blong hem.”

Pijin Deuterocanon

²⁶ Hemi fitim fo yutufala save finis wea disfala Mesaea hemi mas filpein fastaem bifoa hemi save tekem saen blong bikfala paoa blong hem.”

Gudnius abaotem Jisas Kraes wea Luk hemi raetem 24:26 Iomraidhean Croise

Jenesis 22:6

Ebraham hemi holem naef an faea, an hemi givim faeawud go long Aesak fo hemi karim, an tufala go nao.

Daniel 9:26

Long en blong datfala taem, disfala man wea God hemi siusim, bae olketa kilim dae long wei wea hemi nating stret. Ami blong wanfala strongfala king bae hemi kam insaet long Jerusalem, an spoelem taon ya wetem Tambuhaos blong God, olsem bikfala flad nao bin spoelem. Bae olketa samting ya i hapen nao olsem wea God bin makem.

Sekaraea 13:7

Yawe hu hemi garem evri paoa, hemi gohed fo tok olsem, ?!Naef fo faet blong mi! Yu mekredi fo agensim fren blong mi hu hemi lukaftarem sipsip blong mi. Yu kilim hem, an bae olketa sipsip ya i go olobaot. Bae mi agensim tu olketa smolfala sipsip blong mi.

Gudnius abaotem Jisas Kraes wea Luk hemi raetem 24:44

Nao hemi tok olsem long olketa, “Disfala samting wea hemi hapen long mi ya, mi bin talem long yufala finis taem mi stap yet wetem yufala ya. Mi bin sei evrisamting hemi mas kamtru olsem wanem olketa bin raetem abaotem mi long Lo blong Mosis, an long olketa buk blong olketa profet, an long olketa buk blong olketa singsing.”

Gudnius abaotem Jisas Kraes wea Luk hemi raetem 24:46

An hemi tok olsem long olketa, “Hem nao wanem Buktambu hemi sei, ‘Disfala Mesaea hemi mas dae, an long mektri de hemi mas laefbaek moa from dae.

Gudnius abaotem Jisas Kraes wea Luk hemi raetem 24:7

‘Bae olketa mas givim mi San Blong Man, go long han blong olketa pipol wea olketa garem sin fo nilam mi dae long kros. An bihaen ya, long mektri de bae mi laefbaek moa.’”

Gudnius abaotem Jisas Kraes wea Jon hemi raetem 2:22

So bihaen, taem Jisas hemi laefbaek moa from dae, olketa disaepol blong hem olketa jes tingimbaek wanem hemi ta-talem kam long olketa nao. An olketa bilivim Buktambu an wanem Jisas hemi bin talem olketa.

Gudnius abaotem Jisas Kraes wea Jon hemi raetem 20:9

Olketa disaepol ya i nating klia yet long toktok blong Buktambu wea hemi sei, bae Jisas hemi laefbaek moa from dae ya.

Aposol 17:3

an hemi talemaot mining blong olketa toktok ya gudfala. Hemi barava somaot klia long olketa wea God hemi makem Mesaea fo hemi mas safa tumas, an bihaen, hemi mas laefbaek moa from dae. An hemi sei moa, “Disfala Jisas wea mi talemaot long yufala ya, hem nao hemi disfala Mesaea.”

Hibrus 12:2

Yumi mas gohed fo lukluk go long Jisas, wea hem nao hemi mekem disfala wei fo yumi save biliv, an hem nao hemi lukaftarem biliv blong yumi go-go kasem en long resis blong yumi. Nomata olketa kilim hem dae long kros, hemi hapi fo tingim disfala laef wea bae hemi kasem bihaen. Hemi no tingim disfala dae blong hem long kros, olsem samting fo filsem long hem. An long distaem ya, hemi sidaon nao long raetsaet blong God fo rul wetem hem.

1 Pita 1:11

Spirit blong Kraes hemi stap long olketa, an hemi gohed fo talem long olketa wea Kraes mas safa fastaem, an bihaen moa, bae hemi kasem saen blong bikfala paoa blong God. An olketa profet i trae fo faendemaot hao nao an wataem nao disfala samting bae hemi hapen.

1 Pita 1:3

!Hemi gud tumas fo yumi talem tengkiu long God, Dadi blong Jisas Kraes Masta blong yumi! Hemi barava sore an kaen tumas long yumi, so hemi mekem Jisas Kraes laefbaek moa from dae fo mekem yumi bon moa long niu laef, an fo mekem yumi trastem promis blong God olowe.