Gudnius abaotem Jisas Kraes wea Luk hemi raetem 23:2 - Pijin Bible

² An olketa man ya olketa stat fo talem plande samting agensim Jisas, an olketa tok olsem, “Mifala bin faendemaot wea man ya hemi bin lidim olketa pipol blong mifala fo go agensim bikfala King long Rom ya. An hemi bin talem olketa pipol tu fo no peim taks long bikfala King ya. An narasamting moa, hemi talem hem nao hemi disfala Mesaea wea hemi wanfala king.”

Pijin Deuterocanon

² An olketa man ya olketa stat fo talem plande samting agensim Jisas, an olketa tok olsem, “Mifala bin faendemaot wea man ya hemi bin lidim olketa pipol blong mifala fo go agensim bikfala King long Rom ya. An hemi bin talem olketa pipol tu fo no peim taks long bikfala King ya. An narasamting moa, hemi talem hem nao hemi disfala Mesaea wea hemi wanfala king.”

Gudnius abaotem Jisas Kraes wea Luk hemi raetem 23:2 Iomraidhean Croise

1 Kings 18:17

An taem hemi lukim Elaeja, hemi tok olsem, “!Oloketa! !Yu nao man fo mekem trabol kasem Israel!”

Sams 35:11

Olketa nogud pipol i tok agensim mi, an olketa talem dat mi nao mi mekem olketa trabol, bat mi nating duim nomoa olketa nogud samting ya.

Sams 62:4

Ating yufala laekem nomoa fo mekem mi foldaon ya, mekem mi lusim bikfala nem blong mi? Ya, yufala hapi tumas fo talem olketa laea toktok. Yufala gohed fo talem olketa toktok wea hemi mekem man fo hapi, bat insaet long tingting blong yufala, yufala gohed nomoa fo mekem trabol fo kasem mi.

Jeremaea 20:10

Mi herem olketa pipol gohed fo tokhaed agensim mi olsem, “Oltaem profet ya hemi talem yumi wea plande samting fo mekem yumi fraet fogud, hemi stap evriwea raonem yumi. !Yumi sud kolem hem long nem ya ‘Fraet Raonem Evriwea’! Yumi mas go ripotem hem long olketa bikman.” Nomata olketa fren blong mi tu i weit nomoa fo lukim dat mi duim enikaen rong samting. Olketa gohed fo tok olsem, “Maet samwan save trikim hem, mekem yumi save winim hem an sensimbaek wanem hemi bin duim long yumi.”

Jeremaea 38:4

Nao olketa bikman ya i go lukim king, an tok olsem long hem, “!Disfala man mas dae! Olketa toktok blong hem hemi gohed fo mekem tingting blong olketa soldia blong yumi wea i stap yet long taon wetem olketa narafala pipol tu, fo wikdaon. Hemi no trae fo helpem olketa pipol ya, hemi laek fo spoelem olketa nomoa.”

Emos 7:10

(Profet) Amasaea hu hemi prist long Betel, hemi sendem ripot abaotem mi go long King Jeroboam hu hemi king long Israel. Ripot ya hemi olsem, ?Disfala Emos hemi gohed fo mekem olketa pipol i kam tugeta wetem hem fo mekem plan agensim yu. Olketa toktok blong hem, bae hemi barava spoelem disfala kantri blong yumi.

Sekaraea 11:8

Trifala narafala man fo lukaftarem sipsip wea mifala waka tugeta i nating laekem mi, trifala agensim mi go-go mi taet long trifala. From samting ya nao, insaet long wanfala mans mi ronemaot trifala.

Matiu 17:27

Bat nomata olsem, yumi no wande fo mekem olketa fo tingting nogud long yumi. So yu go long leik ya, an yu torowem fising laen blong yu. An disfala fis wea yu kasem fastaem ya, yu openem maos blong hem, an bae yu faendem wanfala seleni insaet. Bae yu tekem diswan go fo peim taks blong yumitufala nao.”

Matiu 22:21

Nao olketa sei, “Bikfala King long Rom nao ya.” So Jisas hemi sei long olketa moa, “Sapos olsem, samting wea hemi blong bikfala King ya, yufala mas givim gobaek long hem. An samting wea hemi blong God, yufala mas givim gobaek long hem.”

Matiu 27:11

Nao Jisas hemi stanap go long frant blong Primia Paelat. An Paelat hemi askem hem olsem, “?Waswe, so yu nao yu King blong olketa Jiu?” An Jisas hemi sei, “Yu seleva nao yu talem olsem ya.”

Gudnius abaotem Jisas Kraes wea Mak hemi raetem 12:17

So Jisas hemi sei long olketa nao, “Sapos olsem, samting wea hemi blong bikfala King ya, yufala mas givim gobaek long hem. An wanem hemi blong God, yufala mas givim gobaek long hem.” Taem olketa herem diswan nomoa, olketa barava sapraes fogud long Jisas nao.

Gudnius abaotem Jisas Kraes wea Mak hemi raetem 15:2

Nao Paelat hemi askem Jisas olsem, “?Waswe, so yu nao yu King blong olketa Jiu?” An Jisas hemi ansarem hem olsem, “Yu seleva nao yu talem olsem ya.”

Gudnius abaotem Jisas Kraes wea Luk hemi raetem 23:14

an hemi tok olsem long olketa, “Yufala bin tekem kam man ya long mi, an yufala sei hemi lidim olketa pipol fo go agensim bikfala King long Rom. Nao mi bin askem samfala kuestin long hem long ae blong yufala, bat mi nating faendem enisamting rong wea hemi duim olsem yufala talem hemi duim.

Gudnius abaotem Jisas Kraes wea Luk hemi raetem 23:5

Bat olketa gohed moa fo tokstrong olsem, “Tising blong man ya hemi mekem plande trabol kamap long olketa pipol long evriwea long Israel ya. Hemi bin statem diswan long provins long Galili go-go hemi kam kasem long hia nao.”

Gudnius abaotem Jisas Kraes wea Jon hemi raetem 18:29

So Paelat hemi go aotsaet an hemi askem olketa olsem, “?Wanem nao yufala sei man ya hemi duim wea hemi rong?”

Gudnius abaotem Jisas Kraes wea Jon hemi raetem 18:30

Nao olketa ansarem hem olsem, “Disfala man, sapos hemi no bin duim eni ravis samting, mifala no save tekem hem kam long yu nao.”

Gudnius abaotem Jisas Kraes wea Jon hemi raetem 19:12

Taem Paelat hemi herem diswan, hemi traehad fo faendem wei fo hemi letem Jisas fo go fri nao. Bat olketa Jiu i singaot bikfala olsem moa, “!Eniwan hu hemi sei hemi king, hemi enemi long bikfala King long Rom ya! !Sapos yu letem disfala man fo go fri, yu no fren blong bikfala King long Rom nao ya!”

Aposol 24:13

An olketa nating save somaot dat wanem olketa bin talemaot agensim mi hemi barava tru.

Aposol 24:5

Mifala bin luksave dat disfala man ya, hemi man fo mekem trabol olowe ya, an evriwea long wol nao hemi bin mekem olketa bikfala raoa fo kamap long olketa Jiu. An hem nao hemi lida blong disfala nogud pati blong wanfala man blong Nasaret.

Leta wea Pol hemi raetem go long sios long Rom 13:7

So yufala mas peim olketa deferen kaen taks olsem lo hemi talem. An yufala mas tinghae long olketa bikman an onarem olketa evriwan.