Gudnius abaotem Jisas Kraes wea Luk hemi raetem 22:44 - Pijin Bible

⁴⁴ An from hemi barava sore bikfala tumas, hemi gohed fo prea strong moa, an suet blong hem hemi olsem blad nao wea hemi randaon long graon.

Pijin Deuterocanon

⁴⁴ An from hemi barava sore bikfala tumas, hemi gohed fo prea strong moa, an suet blong hem hemi olsem blad nao wea hemi randaon long graon.

Gudnius abaotem Jisas Kraes wea Luk hemi raetem 22:44 Iomraidhean Croise

Aesaea 53:10

Yawe hemi tok moa olsem, “Plan blong mi nao, fo disfala man mas safa an dae. Dae blong hem ya, hemi wanfala sakrifaes fo mekem kompensesin, mekem hemi save lukim olketa hu bae i bon kam bihaen long hem. Bae laef blong hem hemi longfala, an from olketa samting wea hemi duim, bae plan blong mi hemi kamap tru nao.

Lamentesin 1:12

“?Yufala hu i gopas long mi, bikfala safa blong mi hemi samting nating nomoa? Long de wea Yawe hemi kros, hemi mekem mi fo safa tumas. !No eni panis moa, wea hemi nogud olsem panis blong mi!

Gudnius abaotem Jisas Kraes wea Luk hemi raetem 22:45

Bihaen hemi prea finis, hemi stanap, an hemi gobaek moa long olketa disaepol blong hem, an hemi lukim olketa gohed fo slip nomoa, bikos olketa taet tumas from olketa sore tumas.

Gudnius abaotem Jisas Kraes wea Jon hemi raetem 12:27

Nao Jisas hemi sei moa, “Long distaem, tingting blong mi hemi barava trabol tumas nao. ?An wanem nao bae mi save talem? ?Bae mi sei, ‘Oo Dadi, plis yu no letem disfala had samting fo kasem mi’? Nomoa, mi mas go insaet long disfala hadtaem nao ya. Dastawe nao mi kam long disfala wol ya.

Leta wea Pol hemi raetem go long sios long Rom 8:32

God hemi no holem baek San blong hem, bat hemi mekem hem fo dae fo sevem yumi evriwan. So hemi save givim kam evrisamting fri long yumi nomoa.

Hibrus 5:7

Taem Jisas hemi stap yet long wol ya, hemi kraeaot bikfala long prea blong hem. Hemi prea go long God hu hemi save helpem hem fo no dae. Nao God hemi herem prea blong Jisas, bikos Jisas hemi save falom God an tinghae tumas long hem.