Gudnius abaotem Jisas Kraes wea Luk hemi raetem 22:43 - Pijin Bible

⁴³ An wanfala enjel long heven hemi kam long Jisas an hemi helpem hem fo strong moa.

Pijin Deuterocanon

⁴³ An wanfala enjel long heven hemi kam long Jisas an hemi helpem hem fo strong moa.

Gudnius abaotem Jisas Kraes wea Luk hemi raetem 22:43 Iomraidhean Croise

Daniel 11:1

Man ya hemi tok olsem moa long mi: Long fas yia wea King Darias blong Media hemi rul long Babilonia, mi nao mi gadem hem an helpem hem fo kamap strong.

Matiu 26:53

?Waswe, yu no save nomoa dat Dadi blong mi hemi save helpem mi sapos mi askem hem? Hemi save sendem kam kuiktaem nomoa plande taosen enjel fo sevem mi.

Matiu 4:11

So distaem nomoa, Seitan hemi goawe from Jisas nao. An long semtaem ya tu, olketa enjel olketa kam long Jisas fo helpem hem.

Matiu 4:6

An Seitan hemi sei, “Sapos hemi tru wea yu San Blong God, yu jam go long daon. Bikos Buktambu hemi sei olsem, ‘God bae hemi talem go long olketa enjel blong hem, fo olketa mas karim yu go wetem han blong olketa, mekem yu no bangam lek blong yu long olketa ston ya.’”

Gudnius abaotem Jisas Kraes wea Luk hemi raetem 22:32

Bat mi bin prea fo yu Saemon, mekem yu no lusim biliv blong yu. An taem yu tanebaek kam long mi, yu mas gohed fo helpem olketa brata blong yu fo kamap strong moa.”

Aposol 14:22

an tufala stori wetem olketa Kristin an mekem tingting blong olketa fo kamap strong moa, an tufala tok long olketa olsem, “Yufala mas gohed fo biliv strong long Jisas. Bikos yumi mas go insaet long plande hadtaem bifoa yumi save kasem kingdom blong God.”

Aposol 18:23

An taem hemi bin stap fo longtaem lelebet long Antiok, Pol hemi lusim ples ya moa. Hemi wakabaot go kasem olketa ples insaet long eria blong tufala provins long Galesia an Frijia wea hemi waka fo helpem olketa Kristin fo kamap strong moa long biliv blong olketa.

Diutronomi 3:28

Bat mi laekem yu fo toktok gudfala long Josua, an yu mas mekem tingting blong hem fo strong, bikos hem nao bae hemi lidim olketa pipol fo katkros long Jodan Riva fo tekova long olketa lan wea bae yu lukim.’

1 Timoti 3:16

An hemi tru nao, tru tising abaotem biliv long Kraes hemi barava bikfala samting tumas. An tising ya nao hemi olsem, Kraes hemi somaot hem seleva long bodi olsem man. An Holi Spirit hemi somaot dat wei blong Kraes hemi barava stret. An olketa enjel olketa lukim tu. Toktok abaotem hem hemi go-goraon long olketa kantri, an plande pipol long wol i biliv long hem. An God hemi tekem hem goap long heven.

Hibrus 1:14

Bat olketa enjel ya, olketa i gudfala spirit hu i duim waka blong God. An God hemi sendem olketa kam fo helpem olketa pipol hu bae hemi sevem olketa.

Hibrus 1:6

An taem God hemi sendem kam fasbon San blong hem long wol ya, hemi sei olsem, “Letem evri enjel blong mi i wosipim hem.”

Hibrus 2:17

Dastawe nao hemi fitim fo hemi stap barava man olsem olketa brata blong hem long wol ya. Bikos long wei ya nao, hemi save sore an kaen long olketa an hemi save stap tru olsem Haeprist an duim waka blong God, wea hem nao hemi tekemaot olketa sin blong olketa pipol.