Gudnius abaotem Jisas Kraes wea Luk hemi raetem 22:41 - Pijin Bible

⁴¹ An hemi go farawe lelebet from olketa, an hemi nildaon long graon an hemi gohed fo prea olsem,

Pijin Deuterocanon

⁴¹ An hemi go farawe lelebet from olketa, an hemi nildaon long graon an hemi gohed fo prea olsem,

Gudnius abaotem Jisas Kraes wea Luk hemi raetem 22:41 Iomraidhean Croise

Matiu 26:39

Nao Jisas hemi go farawe lelebet from olketa, an hemi nildaon an hemi prea olsem nao, “Oo Dadi blong mi, sapos hemi no had tumas, plis yu no mekem mi fo safa long diskaen wei ya. Bat yu no falom wanem mi laekem, bat yu falom wanem yu laekem.”

Gudnius abaotem Jisas Kraes wea Mak hemi raetem 14:35

An Jisas hemi go farawe lelebet from olketa, an hemi nildaon long graon an hemi prea. Hemi askem God, sapos hemi garem eni deferen wei fo mekem disfala hadtaem ya fo no kasem hem.

Gudnius abaotem Jisas Kraes wea Luk hemi raetem 18:11

“Disfala Farasi ya hemi stanap seleva long midol long Tambuhaos ya an hemi prea olsem, ‘God, mi tengkiu tumas long yu, bikos mi no olsem olketa nara man wea olketa laekem olketa samting fo olketa seleva, an olketa save laea tumas long olketa pipol, an olketa save brekem lo blong marit. An mi tengkiu tumas tu bikos mi no olsem disfala man fo tekem taks hu hemi stanap longwe.

Gudnius abaotem Jisas Kraes wea Luk hemi raetem 18:13

“Nao disfala man fo tekem taks ya, hemi stanap farawe kam nomoa, an hemi sem fo luk goap long heven. Hemi bitim sest blong hem fo somaot dat hemi barava sore fogud, an hemi sei, ‘God, plis yu sore long mi, mi wanfala man wea mi garem sin ya.’”

Aposol 20:36

Taem Pol hemi talem diswan finis nomoa, hemi nildaon wetem evriwan an hemi prea.

Aposol 21:5

Bat taem olketa de i go finis nomoa, mifala lusim ples ya fo go moa. An evriwan long olketa, nomata olketa waef an olketa pikinini, olketa joenem mifala fo goaot from taon go kasem saet si. An long sanbis nao mifala evriwan i nildaon an prea.

Aposol 7:60

An hemi nildaon long graon an hemi singaot olsem, “!Masta, plis yu no sensimbaek disfala sin blong olketa!” Taem hemi talem diswan nomoa, hemi dae nao.

Aposol 9:40

Nao Pita hemi talem evriwan fo go aotsaet, an bihaen, hemi nildaon an hemi prea. Hemi tane go long disfala woman wea hemi dae finis an hemi sei, “!Tabita, yu getap nao!” Nao woman ya hemi openem ae blong hem, an taem hemi lukim Pita nomoa hemi stat fo getap nao.

Hibrus 5:7

Taem Jisas hemi stap yet long wol ya, hemi kraeaot bikfala long prea blong hem. Hemi prea go long God hu hemi save helpem hem fo no dae. Nao God hemi herem prea blong Jisas, bikos Jisas hemi save falom God an tinghae tumas long hem.