Gudnius abaotem Jisas Kraes wea Luk hemi raetem 21:15 - Pijin Bible

¹⁵ Bikos mi nao bae mi givim toktok an gudfala tingting long yufala, mekem no eniwan long olketa enemi blong yufala hemi save tok agensim toktok blong yufala o tokdaonem toktok blong yufala.

Pijin Deuterocanon

¹⁵ Bikos mi nao bae mi givim toktok an gudfala tingting long yufala, mekem no eniwan long olketa enemi blong yufala hemi save tok agensim toktok blong yufala o tokdaonem toktok blong yufala.

Gudnius abaotem Jisas Kraes wea Luk hemi raetem 21:15 Iomraidhean Croise

Provebs 2:6

Yawe nomoa hemi mekem yu waes, an toktok blong hem hemi givim save long yu.

Jeremaea 1:9

Nao Yawe hemi tasim maos blong mi wetem han blong hem, an hemi tok olsem, “Yu lukim. Distaem mi givim toktok blong mi long yu, mekem yu go talemaot.

Esikiel 29:21

“Long datfala taem, bae mi mekem olketa pipol blong Israel fo kamap strong moa, an bae mi letem yu tokstrong long olketa, mekem olketa save herem yu. From samting ya nao, bae olketa savegud dat mi nao Yawe.”

Gudnius abaotem Jisas Kraes wea Luk hemi raetem 12:12

Bikos long taem ya, Holi Spirit nao bae hemi tisim yufala long wanem yufala mas talem.”

Gudnius abaotem Jisas Kraes wea Luk hemi raetem 21:16

Bae olketa mami an dadi blong yufala, an olketa brata blong yufala, an olketa long laen blong yufala, an olketa fren blong yufala nao, bae olketa givim yufala go long han blong olketa enemi blong yufala. An bae olketa kilim dae samfala long yufala tu.

Gudnius abaotem Jisas Kraes wea Luk hemi raetem 24:45

Nao hemi openem tingting blong olketa, mekem olketa save minimgud olketa toktok insaet long Buktambu.

Aposol 2:4

An evri pipol ya, olketa fulap long Holi Spirit an olketa stat fo toktok long olketa deferen langguis falom toktok wea Holi Spirit hemi givim kam long olketa.

Aposol 24:25

Bat taem Pol hemi gohed fo tokabaotem stretfala laef an hao man hemi save bosim hem seleva an hao God bae hemi jajem evriwan, Filiks ya hemi fraet nao, so hemi sei, “Ating hemi naf nao. Sapos mi garem taem moa bihaen, bae mi kolem yu kam.”

Aposol 26:28

Nao King Agripa hemi sei long Pol, “?Waswe, yu tingse long disfala sotfala taem olsem yu save mekem mi fo kamap wanfala Kristin ya?”

Aposol 6:10

bat Holi Spirit hemi mekem Stivin waes tumas mekem olketa nating save winim toktok blong hem.

Efesas 6:19

An yufala mas prea fo mi tu, mekem God bae hemi givim mi olketa toktok fo talemaot. Sapos olsem, bae mi no save fraet taem mi talemaot wanem hemi bin staphaed long Gudnius.

Jemes 1:5

Bat sapos eniwan long yufala hemi no garem gudfala tingting, hemi mas askem God. An bae God hemi save givim gudfala tingting long hem, bikos God hemi hapi tumas fo givim kam olketa samting, an hemi no save raosim olketa hu i askem hem.