Gudnius abaotem Jisas Kraes wea Luk hemi raetem 19:26 - Pijin Bible

²⁶ Nao bos ya hemi sei, ‘Mi talem long yufala, eniwan hu hemi yusim gud wanem hemi garem, bae mi givim samfala moa long hem. Bat eniwan hu hemi no yusim gud wanem hemi garem, nomata lelebet samting wea hemi garem, bae mi tekemaot from hem nomoa.

Pijin Deuterocanon

²⁶ Nao bos ya hemi sei, ‘Mi talem long yufala, eniwan hu hemi yusim gud wanem hemi garem, bae mi givim samfala moa long hem. Bat eniwan hu hemi no yusim gud wanem hemi garem, nomata lelebet samting wea hemi garem, bae mi tekemaot from hem nomoa.

Gudnius abaotem Jisas Kraes wea Luk hemi raetem 19:26 Iomraidhean Croise

2 Samuel 7:15

Bat bae mi no save stopem wei wea mi tinghevi long hem, olsem wea mi duim long King Sol taem mi bin aotem hem an mekem yu kamap king.

Sams 109:8

!Letem hemi dae kuiktaem! !An letem narafala man nao hemi kamap lida sensim hem!

Matiu 13:12

Eniwan hu hemi garem save finis, bae God givim hem samfala moa, mekem hemi garem bikfala save tumas. Bat eniwan hu hemi no garem save ya, nomata lelebet save dat hemi garem, God bae hemi tekemaot from hem.

Matiu 21:43

So mi talem long yufala, bae yufala no save stap long kingdom blong God, bat bae olketa nara deferen pipol nao i save stap long hem, wea bae olketa save givim long God wanem hemi laekem nomoa.”

Gudnius abaotem Jisas Kraes wea Mak hemi raetem 4:25

An eniwan hu hemi garem disfala save finis, bae God hemi givim hem plande moa. Bat eniwan hu hemi no garem disfala save ya, nomata lelebet save dat hemi garem, God bae hemi tekemaot from hem nomoa.”

Gudnius abaotem Jisas Kraes wea Luk hemi raetem 16:3

Bihaen, man ya hemi tingting olsem, ‘?Wanem nao bae mi duim taem bikman blong mi hemi raosim mi from waka blong mi ya? Mi nating fit fo digim dren ya, an mi sem tumas fo askem seleni long olketa pipol.

Gudnius abaotem Jisas Kraes wea Luk hemi raetem 19:25

Nao olketa tok olsem, ‘Bat bos, hemi garem plande finis ya.’

Gudnius abaotem Jisas Kraes wea Luk hemi raetem 8:18

“So bikos hemi olsem, yufala mas heremgud, bikos eniwan wea hemi garem save finis, bae God hemi givim hem samfala moa. Bat eniwan wea hemi no garem save ya, nomata lelebet save dat hemi garem, God bae hemi tekemaot from hem nomoa.”

Aposol 1:20

An Pita hemi tok moa olsem, “Long buk blong olketa Sams hemi sei olsem, ‘Haos blong hem hemi mas stap nating nomoa, bae no eniwan i save stap insaet.’ An nara tok hemi sei, ‘Narafala man nao hemi mas holem waka blong hem.’

2 Jon 1:8

So yufala mas lukaot, nogud yufala lusim olketa samting wea mifala hadwaka fo hem. Moabeta yufala tekem evrisamting wea God hemi redim fo yufala.

Revelesin 2:3

Mi save tu dat yufala barava stanap strong, an yufala no givap nomata olketa pipol mekem yufala safa.

Revelesin 3:11

No longtaem nomoa, bae mi kambaek moa long yufala. So yufala mas holemstrong olketa gudfala wei wea yufala garem finis, nogud eniwan hemi stopem yufala from winim nambawan praes ya.

1 Samuel 15:28

Den hemi tok olsem long king, “Yawe hemi brekem paoa blong yu finis, bae hemi givim go kingdom blong Israel long wanfala wantok long Israel wea hemi moabeta winim yu.

1 Samuel 2:30

“Dastawe nao mi Yawe God blong Israel, mi tok olsem: Bifoa, mi promisim olo blong yu Eron olsem evriwan long laen blong hem bae i prist fo duim waka blong mi fo evritaem olowe. !Bat wea, distaem, mi talem stret long yufala, disfala promis hem finis nao fo olketa pikinini blong yu! Distaem, man hu hemi tinghae long mi, bae mi tinghae long hem. Bat man hu hemi les long mi, bae mi les long hem tu.