Gudnius abaotem Jisas Kraes wea Luk hemi raetem 19:14 - Pijin Bible

¹⁴ Bat olketa pipol blong hem olketa heitem hem, an olketa sendem go samfala niusman bihaen long hem fo talem olsem long disfala bikfala king ya, ‘Mifala nating laekem man ya fo kamap king blong mifala ya.’

Pijin Deuterocanon

¹⁴ Bat olketa pipol blong hem olketa heitem hem, an olketa sendem go samfala niusman bihaen long hem fo talem olsem long disfala bikfala king ya, ‘Mifala nating laekem man ya fo kamap king blong mifala ya.’

Gudnius abaotem Jisas Kraes wea Luk hemi raetem 19:14 Iomraidhean Croise

2 Samuel 23:7

Nilagras olsem, man mas yusim aean huk o spia fo karim go an bonem long faea.

Aesaea 49:7

Yawe hemi Holi God hu hemi mekem Israel fri. Hemi tok long man wea pipol barava heitem hem an hu hemi wakaman blong olketa man fo rul. Yawe nao hemi tok olsem, “Olketa king bae i lukim yu an stanap fo mekhae long yu. Olketa bikman tu bae i baodaon fo onarem yu.” Olketa samting ya bae hemi hapen, bikos Yawe hu hemi Holi God blong Israel, hemi no save brekem promis blong hem, an hemi siusim yu finis olsem wakaman blong hem.

Sekaraea 11:8

Trifala narafala man fo lukaftarem sipsip wea mifala waka tugeta i nating laekem mi, trifala agensim mi go-go mi taet long trifala. From samting ya nao, insaet long wanfala mans mi ronemaot trifala.

Gudnius abaotem Jisas Kraes wea Luk hemi raetem 14:32

Sapos hemi tingse hemi no strong fitim diswan, bae hemi mas sendem go samfala niusman fastaem nao, taem nara king ya hemi farawe kam yet, mekem olketa save stretem evrisamting long tufala fo no faet.

Gudnius abaotem Jisas Kraes wea Luk hemi raetem 19:13

So bifoa hemi go, hemi kolem kam tenfala long olketa wakaman blong hem, an hemi givim wanfala bikfala seleni long olketa evriwan. An hemi sei long olketa, ‘Taem mi stap long farawe ples ya, yufala mas traehad fo winim samfala seleni moa wetem seleni ya.’

Gudnius abaotem Jisas Kraes wea Luk hemi raetem 19:15

“Bat nomata olsem, bikfala king ya hemi mekem man ya fo kamap king ovarem ples blong hem nao. An taem hemi kambaek moa long hom blong hem, hemi sendem nius fo olketa wakaman ya hu hemi bin givim seleni long olketa. Hemi laekem olketa fo kam, mekem hemi save lukim haomas seleni nao olketa bin winim wetem seleni ya.

Gudnius abaotem Jisas Kraes wea Luk hemi raetem 19:27

Nao olketa enemi blong mi wea olketa no laekem mi fo king ovarem olketa ya, mi talem long yufala, yufala tekem olketa kam long hia, an yufala kilim olketa dae long frant long mi.’”

Gudnius abaotem Jisas Kraes wea Jon hemi raetem 1:11

Hemi kam stap long kantri blong hem, bat olketa wantok blong hem olketa nating hapi wetem hem.

Gudnius abaotem Jisas Kraes wea Jon hemi raetem 15:18

“Taem olketa pipol blong disfala wol ya olketa heitem yufala, yufala mas save dat olketa bin heitem mi fastaem.

1 Samuel 8:7

Bat Yawe hemi tok olsem, “Yu, falom nomoa tingting blong olketa. Olketa no les long yu, olketa les long mi. Olketa no laekem mi fo stap olsem king blong olketa.