Gudnius abaotem Jisas Kraes wea Luk hemi raetem 17:3 - Pijin Bible

³ So yufala mas lukaot gud long wanem yufala duim. “Sapos wanfala brata blong yu hemi duim enisamting agensim yu, yu mas stretem hem. An sapos hemi sensim tingting blong hem, oraet, yu mas fogivim hem.

Pijin Deuterocanon

³ So yufala mas lukaot gud long wanem yufala duim. “Sapos wanfala brata blong yu hemi duim enisamting agensim yu, yu mas stretem hem. An sapos hemi sensim tingting blong hem, oraet, yu mas fogivim hem.

Gudnius abaotem Jisas Kraes wea Luk hemi raetem 17:3 Iomraidhean Croise

Sams 141:5

Hemi gud nomoa sapos wanfala gudfala man hemi panisim mi an tokstrong long mi fo stretem mi, bat mi no save letem olketa nogud pipol i onarem mi, bikos oltaem nomoa mi prea agensim olketa ravis samting wea olketa ya i duim.

Eksodas 34:12

Yufala mas no mekem eni agrimen fo stap gudfala wetem olketa pipol long lan wea bae yufala go long hem, nogud hemi olsem wanfala trap fo spoelem yufala.

Provebs 17:10

Strong toktok save sensim man wea hemi garem gud tingting, bat nomata yu wipim krangge man wan handred taem, hemi no save sens.

Provebs 27:5

Moabeta fo talemaot rong blong man, winim yu no somaot lav long hem.

Provebs 9:8

No trae fo stretem man fo toknogud bae hemi heitem yu. Stretem waes man bae hemi lavem yu.

Levitikas 19:17

“Yufala mas no gohed fo barava heitem wantok blong yufala, bat taem yufala lukim wantok ya hemi duim wanem hemi rong, yufala mas go talemaot disfala rong long hem. Long disfala wei bae yufala no mekem sin from datfala man.

Matiu 18:21

Bihaen, Pita hemi kam an hemi askem Jisas olsem nao, “?Masta, sapos brata blong mi hemi go-gohed fo duim samfala samting agensim mi, haomas taem nao bae mi mas gohed fo fogivim hem? ?Ating sevenfala taem nao hemi naf ya?”

Gudnius abaotem Jisas Kraes wea Luk hemi raetem 21:34

An Jisas hemi sei moa, “Yufala mas lukaot, nogud yufala gohed nomoa fo kaikai an dring an wari nomoa abaotem olketa samting long disfala laef. Nogud yufala seknomoa long de wea olketa samting ya hemi kasem yufala,

Efesas 5:15

So yufala mas lukaot long hao yufala stap. Yufala mas no stap olsem olketa pipol hu olketa no save yet long wanem hemi stret an gud. Bat yufala mas stap olsem pipol hu i garem waes tingting.

Diutronomi 4:15

Mosis hemi gohed fo tok olsem, “Long taem wea Yawe hemi toktok kam long olketa olo blong yufala insaet long faea long maonten long Horeb, olketa nating lukim hem long enisamting bat olketa herem nomoa toktok blong hem. So yufala mas keakea,

Diutronomi 4:23

Yufala mas lukaot. Nogud yufala fogetem Tambu Agrimen blong Yawe wea hemi bin mekem wetem yufala. Nogud yufala fogetem wea hemi tambu fo yufala wakem eni kaving fo wosipim.

Diutronomi 4:9

“!Bat yufala mas lukaot! Nogud yufala fogetem olketa samting wea yufala lukim finis long ae blong yufala. Olowe long laef blong yufala, yufala mas tingabaotem olketa samting ya. An yufala mas talemaot long olketa pikinini blong yufala an long olketa smol grani blong yufala.

Hibrus 12:15

Yufala mas lukaot gud, mekem no eniwan long yufala hemi tanem baeksaet blong hem long kaenfala lav blong God ya. Nogud eniwan long yufala hemi kamap olsem wanfala poesen tri wea hemi save mekem plande pipol fo nogud.

Jemes 5:19

Olketa Kristin fren, sapos eniwan long yufala hemi goawe from tru toktok, hemi gud fo yufala helpem hem fo kambaek moa.

2 Jon 1:8

So yufala mas lukaot, nogud yufala lusim olketa samting wea mifala hadwaka fo hem. Moabeta yufala tekem evrisamting wea God hemi redim fo yufala.