Gudnius abaotem Jisas Kraes wea Luk hemi raetem 16:26 - Pijin Bible

²⁶ An narasamting moa, wanfala bikfala hol tumas nao hemi stap long midol long yumi, so hemi had tumas fo eniwan long saet long mifala fo go kasem saet long yufala. An hemi had tumas tu fo eniwan long saet long yufala fo katkros kam long saet long mifala.’

Pijin Deuterocanon

²⁶ An narasamting moa, wanfala bikfala hol tumas nao hemi stap long midol long yumi, so hemi had tumas fo eniwan long saet long mifala fo go kasem saet long yufala. An hemi had tumas tu fo eniwan long saet long yufala fo katkros kam long saet long mifala.’

Gudnius abaotem Jisas Kraes wea Luk hemi raetem 16:26 Iomraidhean Croise

Sams 49:14

long sem wei wea evri sipsip bae hemi dae, bae olketa mas go long Grev, an Dae nao hemi lukaftarem olketa. Olketa stretfala pipol bae i hapi, taem bodi blong olketa ya hemi kuiktaem fo roten nomoa insaet long Grev, farawe from hom blong olketa.

Sams 50:22

“Yufala wea i no save tingim mi, yufala herem kam olketa samting ya. Sapos nomoa, bae mi spoelem yufala finis, an no eniwan bae hemi sevem yufala.

Esikiel 28:24

Yawe hemi gohed fo tok olsem, “Olketa blong kantri kolsap long Israel wea i gohed fo heitem hem, olketa i olsem ropnila wea oltaem hemi mekem man fo filpein. Bat bae no eniwan long olketa save kam moa fo kilim olketa pipol ya blong Israel. From samting ya nao, bae olketa ya i savegud dat mi nao Lod Yawe.”

Malakae 3:18

An long datfala taem, bae yufala luksave wea olketa stretfala pipol hu i obeim mi i barava deferen from olketa nogud pipol hu i nating obeim mi.? Hem nao toktok blong Yawe hu hemi garem evri paoa.

Matiu 25:46

Nao olketa pipol ya, bae olketa panisim olketa olowe nao. Bat olketa pipol wea olketa stret long ae blong God bae olketa garem tru laef wea hemi no save finis.”

Gudnius abaotem Jisas Kraes wea Luk hemi raetem 12:59

Mi talem long yufala, sapos olsem, bae yu no save goaot from prisin nao, go-go kasem taem wea yu givim las seleni wea hemi stap fo finisim faen blong yu.”

Gudnius abaotem Jisas Kraes wea Luk hemi raetem 16:25

“Bat Ebraham hemi tok olsem, ‘San, yu save long taem yu laef yet, yu bin garem evri gud samting nomoa, bat Lasaros hemi bin garem evri ravis samting nao. Bat long distaem, Lasaros hemi hapi tumas nao, bat yu gohed fo safa fogud nomoa.

Gudnius abaotem Jisas Kraes wea Luk hemi raetem 16:27

Nao ris man ya hemi sei, ‘Sapos olsem, mi askem yu, plis yu sendem Lasaros fo go long haos blong dadi blong mi,

Gudnius abaotem Jisas Kraes wea Jon hemi raetem 3:36

Eniwan hu hemi biliv long disfala San, hemi garem tru laef wea hemi no save finis. Bat eniwan hu hemi no biliv long disfala San, hemi no save garem disfala laef, an God bae hemi kros long hem olowe nao.

Revelesin 20:10

Den Seitan hu hemi bin trikim olketa pipol, olketa torowem go long bikfala hol blong barava hot faea wea hemi laet long diskaen ston salfa. Long ples ya nao, wael animol ya an laea profet ya tufala stap finis long hem. Evritaem an olowe, nomata de an naet, bae trifala ya barava safa fogud long faea ya.

Revelesin 22:11

An olketa nogud pipol, bae olketa gohed nomoa fo duim olketa samting nogud. An olketa ravis pipol, bae olketa gohed nomoa fo duim ravis samting. Bat olketa stretfala pipol, bae olketa gohed nomoa fo stap stret, an olketa holi pipol, bae olketa gohed nomoa fo stap holi.”

1 Samuel 25:36

Nao Abigeil hemi gobaek long Nabal. Hemi stap long haos an hemi mekem fist yet. Fist ya hemi barava olsem wanfala fist blong king. Nabal hemi fuldrang, an hemi no wari long enisamting, so Abigeil hemi no talem enisamting long hem long naet ya.