Gudnius abaotem Jisas Kraes wea Luk hemi raetem 16:22 - Pijin Bible

²² “Go-go nao disfala pua man ya hemi dae an olketa enjel i karim hem go fo sidaon wetem Ebraham long heven. An go-go ris man ya tu hemi dae an olketa berem hem.

Pijin Deuterocanon

²² “Go-go nao disfala pua man ya hemi dae an olketa enjel i karim hem go fo sidaon wetem Ebraham long heven. An go-go ris man ya tu hemi dae an olketa berem hem.

Gudnius abaotem Jisas Kraes wea Luk hemi raetem 16:22 Iomraidhean Croise

Stori abaotem Job 21:13

Olketa pipol olsem i garem nomoa hapi laef, an olketa nating safa taem olketa dae.

Provebs 14:32

Taem trabol hemi kam, ravis man hemi foldaon finis. Bat nomata stretfala man hemi dae, hemi garem sefples long God.

Eklesiastes 8:10

Mi lukim wanfala nogud samting olsem, taem ravis man hemi dae, olketa berem hem long gudfala grev. Olketa tekem hem from tambuples fo berem hem, an olketa long taon wea man ya hemi duim olketa ravis samting, olketa preisim hem nomoa olsem hemi wanfala gudfala man. Disfala samting hemi no fitim tingting blong yumi.

Aesaea 14:18

“Olketa berem evri king blong disfala wol wetem evri barava spesol samting blong olketa insaet long grev.

Aesaea 22:16

!Sebna! ?Wanem nao yu duim ya? ?Waswe nao yu odarem olketa fo katem wanfala hol insaet long ston saet blong maonten ya, an redim ples fo berem yu long hem? ?Hu nao hemi alaom yu fo onarem yu seleva olsem?

Matiu 18:10

An Jisas hemi sei moa, “Yufala mas lukaot, nogud yufala lukdaon long eniwan long olketa smolfala pikinini ya. Mi talem long yufala, olketa enjel blong olketa i stap wetem Dadi blong mi long heven.

Matiu 24:31

An wanfala trampet bae olketa bloum bikfala fo sendemaot olketa enjel blong mi fo go long evri ples long disfala wol, stat long wanfala en go-go kasem nara en, fo olketa tekem kam olketa pipol wea mi siusim olketa finis.”

Matiu 8:11

Mi talem long yufala, insaet long kingdom long Heven, bae plande pipol hu i kam from olketa nara ples long wol, bae olketa kaikai tugeta wetem Ebraham an Aesak an Jekob.

Gudnius abaotem Jisas Kraes wea Mak hemi raetem 8:36

?Nao sapos eniwan hemi winim evrisamting long disfala wol, bat hemi lusim laef blong hem from diswan, waswe, bae olketa samting ya save helpem hem? Nomoa ya.

Gudnius abaotem Jisas Kraes wea Luk hemi raetem 12:20

Bat God hemi tok olsem long man ya, ‘!Yu krangge man! Long disfala naet ya, bae yu barava lusim laef blong yu ya. ?An yu tingse hu nao bae hemi tekem olketa samting wea yu bin hipimap fo yu seleva?’”

Gudnius abaotem Jisas Kraes wea Luk hemi raetem 16:21

An hemi laekem tumas fo kaikaim eni haf kaikai wea hemi foldaon from tebol blong ris man ya. An evritaem nomoa, olketa dog olketa save kam an wasim olketa soa blong hem long tang blong olketa.

Gudnius abaotem Jisas Kraes wea Jon hemi raetem 1:18

No eniwan barava lukim God yet ya. Bat San Blong God hu hemi wanfala nomoa an hemi barava God an hemi barava stap wetem Dadi blong hem, hem nao hemi somaot God long yumi.

Gudnius abaotem Jisas Kraes wea Jon hemi raetem 13:23

Nao disfala disaepol wea Jisas hemi lavem tumas ya, hemi sidaon go kolsap long Jisas.

Gudnius abaotem Jisas Kraes wea Jon hemi raetem 21:20

Pita hemi taneraon an hemi lukim disfala disaepol wea Jisas hemi lavem hem tumas ya wea hemi falom tufala tu. Disfala disaepol ya nao hemi bin tane go long Jisas taem olketa kaikai tugeta bifoa ya, an hemi bin askem hem abaotem hu nao bae givim hem go long han blong olketa enemi.

Hibrus 1:14

Bat olketa enjel ya, olketa i gudfala spirit hu i duim waka blong God. An God hemi sendem olketa kam fo helpem olketa pipol hu bae hemi sevem olketa.

Hibrus 2:14

Olketa pikinini ya, olketa garem bodi olsem evri pipol nomoa. Dastawe nao, taem Jisas hemi bon kam long wol ya, hem tu hemi garem bodi olsem barava man. Hemi kamap man bikos man nomoa save dae. An long dae blong hem nomoa, hemi mekem wei fo winim paoa blong Seitan, hu hemi garem paoa fo kilim pipol dae.

1 Pita 2:24

Taem Kraes hemi dae long kros, hemi karim tu olketa sin blong yumi long bodi blong hem. Long disfala wei, yumi save lusim wei blong sin an yumi save laef moa long wei wea hemi stret long ae blong God. An from olketa kil long bodi blong hem, hemi bin mekem yufala gudbaek moa.

Revelesin 14:13

Nao mi herem moa wanfala voes long heven, wea hemi sei, “Yu raetemdaon olketa toktok ya. ‘Stat long distaem, olketa pipol hu i biliv long Masta blong yumi an olketa dae, olketa nao i hapi tumas.’” Ya, Holi Spirit hemi tok olsem, “!Hemi tru tumas ya! Bae olketa hapi fo res from hadwaka blong olketa, bikos bae olketa garem olketa gudfala samting from waka blong olketa.”