Gudnius abaotem Jisas Kraes wea Luk hemi raetem 14:7 - Pijin Bible

⁷ Nao long taem ya, Jisas hemi lukim samfala pipol wea olketa kam fo kaikai wea olketa siusim nomoa olketa nambawan ples fo sidaon long hem. So hemi talem olketa olsem,

Pijin Deuterocanon

⁷ Nao long taem ya, Jisas hemi lukim samfala pipol wea olketa kam fo kaikai wea olketa siusim nomoa olketa nambawan ples fo sidaon long hem. So hemi talem olketa olsem,

Gudnius abaotem Jisas Kraes wea Luk hemi raetem 14:7 Iomraidhean Croise

Provebs 25:7

Nogud hemi mekem yu filsem long ae blong olketa. Moabeta hem nao talem yu fo kam sidaon kolsap long hem.

Provebs 8:1

Waes Toktok hemi kolaot kam. Ya, hemi olsem gudfala woman hu hemi talemaot bikfala fo evriwan.

Esikiel 17:2

“Man blong graon. Yu mas talem wanfala parabol long olketa pipol blong Israel.

Matiu 13:34

Evrisamting wea Jisas hemi talem long olketa pipol ya, hemi talem long tokpiksa nomoa. Hemi nating talem enisamting long olketa pipol ya wea hemi no save yusim tokpiksa long hem.

Matiu 23:6

Nao long taem blong fist an long taem olketa go long preahaos, olketa laekem tumas fo sidaon long olketa nambawan ples.

Gudnius abaotem Jisas Kraes wea Luk hemi raetem 11:43

“!Yufala olketa Farasi, yufala lukaot! Bikos taem yufala go insaet long preahaos, yufala laekem tumas fo sidaon long olketa nambawan ples. An taem yufala wakabaot go long maket, yufala laekem tumas olketa pipol fo mekhae long yufala.

Gudnius abaotem Jisas Kraes wea Luk hemi raetem 20:46

“Yufala mas lukaot long olketa tisa blong Lo, wea olketa praod fo werem olketa longfala kaleko, an taem olketa wakabaot go long maket, olketa laekem olketa pipol fo mekhae long olketa. An taem olketa go long preahaos an long taem blong fist, olketa laekem tumas fo sidaon long olketa nambawan ples nomoa.

Filipae 2:3

Yufala mas no tingim yufala seleva nomoa an no trae fo haemapem yufala seleva. Bat yufala mas hambol an tingim olketa nara pipol olsem olketa nao gudfala winim yufala.

3 Jon 1:9

Mi raetem finis wanfala sot leta go long olketa pipol long sios, bat Daeotrefis hemi wande haemapem hem seleva olowe an hemi nating laek fo herem toktok blong mi.

Jajis 14:12

Samson hemi tok olsem long olketa, “Bae mi talem yufala wanfala tokhaed, an yufala mas talem ansa blong hem insaet long sevenfala de blong disfala fist. Sapos yufala talemaot mining blong tokhaed ya, oraet bae mi givim long yufala teti lavalava wea olketa wakem long nambawan waet kaleko an teti spesol kaleko moa.