Gudnius abaotem Jisas Kraes wea Luk hemi raetem 14:11 - Pijin Bible

¹¹ So hemi olsem tu, sapos eniwan hemi mekem hem seleva fo hae, bae God hemi mekem hem fo lou, bat eniwan hu hemi mekem hem seleva fo lou, bae God hemi mekem hem fo hae moa.”

Pijin Deuterocanon

¹¹ So hemi olsem tu, sapos eniwan hemi mekem hem seleva fo hae, bae God hemi mekem hem fo lou, bat eniwan hu hemi mekem hem seleva fo lou, bae God hemi mekem hem fo hae moa.”

Gudnius abaotem Jisas Kraes wea Luk hemi raetem 14:11 Iomraidhean Croise

2 Samuel 22:28

Yu sevem olketa hu i hambol, bat yu daonem olketa hu i praod.

Esta 6:10

King hemi tok olsem long Haman, “Oraet, yu hariap an tekem kam longfala kaleko blong mi, wetem hos blong mi, an yu duim evrisamting ya long Modekae blong Jiu, fo mekhae long hem. Hemi waka nomoa long ples ya. Bae yu mas duim evrisamting ya long hem barava olsem wea yu bin talem. !An yu mas no fogetem enisamting!”

Stori abaotem Job 22:29

Yu save, taem pipol i foldaon long laef blong olketa, sapos yu askem, oraet, God hemi save sevem olketa ya.

Sams 138:6

Nomata yu hae tumas, oltaem yu lukaftarem nomoa olketa pipol hu i hambol. Bat olketa praod pipol i no save haed from yu.

Sams 18:27

Yu gohed fo sevem olketa pipol wea i hambol, bat yu daonem olketa praod pipol ya.

Provebs 15:33

Man hemi tinghae long Yawe, bae hemi kamap waes. Hambol fastaem, biknem bihaen.

Provebs 18:12

Haat praod fastaem, foldaon bihaen Hambol fastaem, biknem bihaen.

Provebs 25:27

Nogud yu dringim tumas suga. Nogud yu mekhae long yu seleva.

Provebs 29:23

Pipol tinghae long hambol man, praod man bae hemi sem fogud.

Aesaea 2:11

Long taem ya, bae Yawe hemi daonem olketa praod pipol, an bae evri pipol i mekhae nomoa long Yawe.

Aesaea 2:17

Long wei ya, bae Yawe hemi daonem olketa praod pipol. Olketa kaving god bae i lus finis, an bae evri pipol i mekhae nomoa long Yawe.

Aesaea 57:15

Yawe nao, hu hemi hae an hemi holi tumas, an hemi stap fo evritaem olowe, hemi tok moa olsem, “Mi stap long ples wea hemi hae an hemi holi, bat mi stap tu wetem olketa pipol hu i hambol an sore tumas fo olketa sin blong olketa, an mi givim niu laef long olketa.

Matiu 23:12

Eniwan hu hemi mekem hem seleva fo hae, bae God nao hemi mekem hem lou. Bat eniwan hu hemi mekem hem seleva fo lou, bae God hemi mekem hem hae.

Gudnius abaotem Jisas Kraes wea Luk hemi raetem 1:51

Long paoa blong hem hemi duim olketa bikfala samting, hemi raosim olketa wea i praod tumas long tingting blong olketa.

Gudnius abaotem Jisas Kraes wea Luk hemi raetem 1:52

An hemi pulum daon olketa king from paoa blong olketa, bat hemi haemapem olketa hu putum olketa seleva fo lou.

Gudnius abaotem Jisas Kraes wea Luk hemi raetem 14:12

An Jisas hemi tok olsem long man hu hemi mekem fist ya, “Taem yu mekem wanfala fist, yu no askem kam olketa fren blong yu o olketa brata blong yu o olketa laen blong yu o olketa ris man hu i stap kolsap long yu. Bikos olketa save mekem olketa nara fist fo sensimbaek long yu nomoa ya.

Gudnius abaotem Jisas Kraes wea Luk hemi raetem 18:14

An Jisas hemi sei moa, “Mi talem yufala, taem disfala man fo tekem taks hemi gobaek long haos, hem nao hemi barava stret long ae blong God, bat disfala Farasi ya, barava nomoa nao. Bikos eniwan hu hemi mekem hem seleva fo hae, bae God hemi mekem hem fo lou, bat eniwan hu hemi mekem hem seleva fo lou, bae God hemi mekem hem fo hae moa.”

Jemes 1:9

Olketa Kristin fren, yufala hu i lou mas hapi taem God hemi apem yufala,

Jemes 4:10

Yufala mas hambol long ae blong Masta, mekem hemi haemapem yufala.

Jemes 4:6

Bat nomata olsem, kaenfala lav blong God fo yumi, hemi bikfala moa winim diswan. Dastawe nao Buktambu hemi sei, “God hemi daonem eniwan hu hemi praod, bat hemi somaot kaenfala lav blong hem long olketa hu i hambol.”

1 Pita 5:5

Long sem wei tu, yufala olketa yangman yufala mas putum yufala andanit long paoa blong olketa olo. An yufala evriwan mas hambol an helpem olketa fren blong yufala. Bikos Buktambu hemi sei, “God hemi nating laekem eniwan hu hemi praod, bat hemi somaot kaenfala lav blong hem long pipol hu i hambol.”

1 Pita 5:6

Nao, yufala mas mekem yufala seleva hambol, an stap long han blong God hu hemi garem bikfala paoa, an bae hemi haemapem yufala long taem wea hemi laekem.

1 Samuel 15:17

Samuel hemi tok olsem, “Bifoa, yu tingse yu wanfala man nating nomoa, bat distaem yu lida blong olketa traeb blong Israel. Yawe hemi mektambu long yu fo kamap king blong Israel.