Gudnius abaotem Jisas Kraes wea Luk hemi raetem 14:1 - Pijin Bible

¹ Long wanfala Sabat de, Jisas hemi go fo kaikai long haos blong wanfala bikman blong olketa Farasi. An long taem ya, olketa pipol barava lukluk falom Jisas nao.

Pijin Deuterocanon

¹ Long wanfala Sabat de, Jisas hemi go fo kaikai long haos blong wanfala bikman blong olketa Farasi. An long taem ya, olketa pipol barava lukluk falom Jisas nao.

Gudnius abaotem Jisas Kraes wea Luk hemi raetem 14:1 Iomraidhean Croise

Sams 37:32

Oltaem olketa nogud pipol i gohed fo lukaotem gudfala man an trae fo faendem wei fo kilim hem dae.

Sams 41:6

Olketa wea i kam fo lukim mi olketa toktok nating nomoa, olketa nating sore nomoa long mi. Olketa kam nomoa fo faendemaot olketa trabol blong mi, nao taem olketa gobaek, olketa gohed fo talemaot long evri ples.

Sams 62:4

Ating yufala laekem nomoa fo mekem mi foldaon ya, mekem mi lusim bikfala nem blong mi? Ya, yufala hapi tumas fo talem olketa laea toktok. Yufala gohed fo talem olketa toktok wea hemi mekem man fo hapi, bat insaet long tingting blong yufala, yufala gohed nomoa fo mekem trabol fo kasem mi.

Provebs 23:7

Hemi sei long yu, “Yu gohed, yu kaikai olsem yu laekem,” bat hemi kaen man tingim kost olowe so hemi no toktru.

Matiu 12:12

Bat man nao hemi bikfala moa winim sipsip ya, so Lo hemi letem yumi fo duim gudfala samting fo helpem eni man long Sabat de.”

Gudnius abaotem Jisas Kraes wea Mak hemi raetem 3:2

Nao olketa laekem tumas fo ripotem Jisas so olketa barava lukluk falom hem nao fo faendemaot sapos hemi mekem man ya fo gudbaek moa long Sabat de.

Gudnius abaotem Jisas Kraes wea Luk hemi raetem 11:37

Taem Jisas hemi finisim toktok blong hem nomoa, wanfala Farasi hemi askem Jisas nao fo kam kaikai long haos blong hem. So Jisas hemi go wetem hem an hemi sidaon fo kaikai nao.

Gudnius abaotem Jisas Kraes wea Luk hemi raetem 14:2

Nao wanfala man hemi kam long Jisas wea tufala han an tufala lek blong hem olketa boela fogud.

Gudnius abaotem Jisas Kraes wea Luk hemi raetem 17:20

Long wanfala taem, samfala Farasi olketa askem Jisas olsem, “Long wataem nao bae kingdom blong God, hemi kam.” Nao Jisas hemi sei, “Kingdom blong God, hemi no olsem samting yu save lukim long ae blong yu ya.

Gudnius abaotem Jisas Kraes wea Luk hemi raetem 20:20

Nao olketa lida olketa gohed fo faendemaot gudfala wei fo kasholem Jisas. So olketa peim samfala man fo laea fo go an askem samfala kuestin fo trikim hem, bikos olketa laekem hem fo talem samting wea hemi no stret, mekem olketa save givim hem go long paoa blong Primia long provins ya.

Gudnius abaotem Jisas Kraes wea Luk hemi raetem 6:7

An olketa Farasi an olketa tisa blong Lo, olketa barava lukluk falom Jisas nao, fo faendemaot sapos hemi mekem man ya fo gudbaek moa long Sabat de, mekem olketa save ripotem hem.

Gudnius abaotem Jisas Kraes wea Jon hemi raetem 3:1

Nao wanfala Farasi hemi stap wea nem blong hem Nikodimas, an hemi wanfala memba long disfala Kansol blong olketa Jiu.

Aposol 5:34

Bat wanfala man long Kansol nao hemi stanap fo toktok. Nem blong hem Gamaliel wea hemi blong seksin blong olketa Farasi, an hemi wanfala tisa blong Lo wea olketa pipol i save tinghae tumas long hem. Hemi talem olketa sekiuriti fo tekem olketa aposol fo go aotsaet fastaem.