Gudnius abaotem Jisas Kraes wea Luk hemi raetem 13:19 - Pijin Bible

¹⁹ Hemi olsem wanfala sid blong mastad tri wea wanfala man hemi tekem an plantem insaet long gaden blong hem. Nao taem sid hemi grouap kam an hemi bikfala olsem tri, olketa bed olketa kam an mekem haos blong olketa long olketa brans blong hem.”

Pijin Deuterocanon

¹⁹ Hemi olsem wanfala sid blong mastad tri wea wanfala man hemi tekem an plantem insaet long gaden blong hem. Nao taem sid hemi grouap kam an hemi bikfala olsem tri, olketa bed olketa kam an mekem haos blong olketa long olketa brans blong hem.”

Gudnius abaotem Jisas Kraes wea Luk hemi raetem 13:19 Iomraidhean Croise

Nambawan Singsing 4:12

Daling, yu nao braed blong mi. Yu olsem wanfala gaden wetem wolston raonem, wea bae mi seleva nomoa mi save go insaet long hem. Hemi garem wanfala springwata insaet, wea bae mi seleva nomoa save dring long hem.

Nambawan Singsing 4:16

!Not win, yu kamdaon! !Saot win, yu blou kam long mi! Yutufala blou kam long gaden blong mi, mekem gudfala smel ya hemi fulumapem ples. Letem daling blong mi hemi kam insaet long disfala gaden blong hem, an letem hem kaikaim olketa nambawan frut.

Nambawan Singsing 6:2

Daling blong mi hemi godaon long gaden blong hem, wea hemi fulap long olketa tri wea lif blong olketa hemi garem gudfala smel. Hemi kaikai long gaden ya, an hemi tekemaot olketa naes flaoa.

Nambawan Singsing 8:13

Daling blong mi, yu olsem wanfala flaoa long gaden wetem olketa fren raonem yu. !Mi laek fo herem voes blong yu!

Aesaea 53:1

Olketa pipol i tok olsem, “?Hu nao save bilivim disfala mesij blong mifala? ?Hu nao save luksave long disfala wei wea Yawe hemi somaot paoa blong hem?

Aesaea 53:10

Yawe hemi tok moa olsem, “Plan blong mi nao, fo disfala man mas safa an dae. Dae blong hem ya, hemi wanfala sakrifaes fo mekem kompensesin, mekem hemi save lukim olketa hu bae i bon kam bihaen long hem. Bae laef blong hem hemi longfala, an from olketa samting wea hemi duim, bae plan blong mi hemi kamap tru nao.

Aesaea 58:11

Bae mi gohed fo lidim yufala an givim olketa gudfala samting fo mekem yufala hapi. Bae mi Yawe nao mi lukaftarem yufala, mekem yufala strong an no save sik. Bae yufala olsem wanfala gaden, wea ren hemi renem, an olsem springwata, wea hemi no save kamap drae.

Aesaea 61:11

Olsem olketa sid i oltaem grouap kam from graon, long sem wei tu, bae Lod Yawe hemi mekem wei blong mifala fo kamap stret. An bae mifala preisim hem long ae blong evri pipol blong evri narafala kantri.”

Aesaea 9:7

Wei blong hem fo rul, bae hemi kamap gudfala moa. An ples wea hemi rul ovarem, bae hemi garem piis olowe. Ya, bae hemi kamap wanfala king long laen blong King Deved. Paoa blong hem an stretfala wei blong hem fo jajem pipol, bae hemi gohed olowe nao. Lod Yawe yu garem evri paoa, an strongfala tingting blong yu nao bae hemi mekem evrisamting ya fo hapen.

Jeremaea 31:12

“Bae olketa kam antap long maonten long Saeon an singsing fo hapi. Bae olketa hapi from evri gudfala samting wea bae mi givim olketa, olsem kaikai, an gudfala waen, an oliv oel, an olketa yang sipsip, an olketa yang buluka. Bae olketa garem plande gudfala samting olsem gudfala gaden hemi garem plande gudfala wata, an bae olketa no save wikdaon moa.

Esikiel 31:6

Evri deferen kaen bed nomoa i mekem nest blong olketa brans ya, an evri kaen animol long bus nomoa i haed andanit long hem fo bonem pikinini. Evri pipol blong evri kantri long wol i stap andanit long sado blong hem.

Daniel 4:12

Olketa lif blong hem i luknaes tumas, an olketa frut blong hem i plande fogud, an hemi naf nomoa fo evri pipol long wol fo kaikaim. Olketa wael animol i gohed fo res long sado blong hem, an olketa bed i gohed fo mekem nest blong olketa long olketa brans blong hem, an evrisamting nomoa wea hemi laef i kaikaim frut blong hem.

Daniel 4:21

Olketa lif blong hem i luknaes tumas, an hemi garem plande frut wea hemi naf nomoa fo evri pipol long wol fo kaikaim. Olketa wael animol i save res andanit long hem, an olketa bed save mekem nest blong olketa long olketa brans blong hem.

Sekaraea 2:11

Long datfala taem, plande pipol long olketa narafala kantri bae i kam long mi Yawe, fo joen wetem yufala pipol blong mi, an bae mi stap wetem yufala.? Long wei ya nao, bae yufala save dat Yawe hu hemi garem evri paoa, hemi sendem mi kam long yufala.

Matiu 17:20

Nao Jisas hemi tok olsem long olketa, “Hemi olsem bikos biliv blong yufala hemi smolfala tumas. Mi talem yufala tru samting nao, nomata yufala garem biliv wea hemi smolfala olsem sid blong mastad tri, bae yufala save tok olsem long disfala maonten ya, ‘Yu muv go long nara ples.’ An bae hemi muv go ya. So bae no enisamting hemi save had fo yufala duim.”

Gudnius abaotem Jisas Kraes wea Mak hemi raetem 4:30

An Jisas hemi askem olketa olsem moa, “?Kingdom blong God, hemi olsem wanem long tingting blong yufala? ?Watkaen tokpiksa nao yumi yusim fo somaot klia?

Gudnius abaotem Jisas Kraes wea Luk hemi raetem 17:6

Nao Masta hemi ansarem olketa olsem, “Nomata yufala garem biliv wea hemi smolfala olsem sid blong mastad tri, yufala save tok long tri longwe olsem, ‘Yu pulum yu seleva aot from graon, an yu go an plantem yu seleva insaet long solwata.’ An bae hemi save obeim yufala nao ya.”

Aposol 2:41

Olketa hu i bilivim toktok blong Pita olketa baptaes nao. An long disfala de ya, samting olsem 3,000 pipol nao olketa joenem seksin blong olketa.

Aposol 21:20

Olketa preisim God nao taem olketa herem toktok blong Pol, an bihaen, olketa tok olsem long hem, “Brata, yu save dat plande taosen Jiu nao olketa biliv long Jisas finis, an olketa evriwan ya olketa falom tumas Lo blong Mosis.

Aposol 4:4

Bat plande pipol hu olketa herem toktok blong tufala, olketa barava bilivim nao. An olketa pipol hu i biliv ya, olketa go kasem samting olsem 5,000 distaem.

Revelesin 11:15

Nao mekseven enjel hemi bloum trampet blong hem. An mi herem olketa toktok long heven, wea olketa singaot olsem, “Evrisamting long wol ya hemi barava kam andanit long paoa blong Masta blong yumi wetem disfala Mesaea blong hem. An bae hemi rul ovarem evrisamting evritaem an olowe.”