Gudnius abaotem Jisas Kraes wea Luk hemi raetem 12:8 - Pijin Bible

⁸ An Jisas hemi sei moa, “Mi talem long yufala, sapos eniwan hemi talemaot long olketa pipol wea hemi blong mi, bae mi San Blong Man tu mi talem long olketa enjel blong God wea disfala man ya hemi blong mi.

Pijin Deuterocanon

⁸ An Jisas hemi sei moa, “Mi talem long yufala, sapos eniwan hemi talemaot long olketa pipol wea hemi blong mi, bae mi San Blong Man tu mi talem long olketa enjel blong God wea disfala man ya hemi blong mi.

Gudnius abaotem Jisas Kraes wea Luk hemi raetem 12:8 Iomraidhean Croise

Sams 119:46

Bae mi save talemaot nomoa olketa tising blong yu long olketa king, an bae mi no save sem.

Matiu 8:20

Bat Jisas hemi sei long hem, “Olketa wael animol olketa garem ples blong olketa seleva fo slip, an olketa bed tu olketa garem ples blong olketa seleva. Bat mi San Blong Man, mi no garem eni ples fo slip long hem.”

Gudnius abaotem Jisas Kraes wea Luk hemi raetem 15:10

Mi talem long yufala, hemi olsem long heven tu ya, bikos olketa enjel blong God bae olketa hapi moa taem wanfala man wea hemi garem sin hemi lusim olketa ravis wei blong hem.”

2 Timoti 2:12

Sapos yumi gohed fo biliv an no givap, bae yumi save rul wetem hem tu. Bat sapos yumi sei yumi no save long hem, bae hemi sei hemi no save long yumi tu.

1 Jon 2:23

Bikos eniwan hu hemi agensim San Blong God, hemi agensim Dadi tu. Bat eniwan hu hemi biliv long San Blong God, hemi biliv long Dadi tu.

Revelesin 2:10

Yufala mas no fraet long enisamting wea bae hemi kam fo mekem yufala safa. Yufala save, Seitan bae hemi putum samfala long seksin blong yufala insaet long prisin fo traem yufala. An olketa trabol blong yufala bae hemi gohed fo tenfala de. Bat yufala mas biliv strong long mi nomoa, nomata yufala dae long hem. An sapos yufala duim diswan, bae mi givim yufala niufala laef wea hemi olsem nambawan praes olketa givim long man hu hemi win long resis.

Revelesin 2:13

Mi save finis dat yufala stap long ples wea Seitan hemi rul ovarem, bat yufala nao i stanap long saet blong mi. Olketa long taon blong yufala wea Seitan hemi stap long hem, olketa bin kilim dae Antipas hu hemi save talemaot stret toktok blong mi. Bat nomata hem olsem long taem ya, yufala nating lusim biliv blong yufala long mi.

1 Samuel 2:30

“Dastawe nao mi Yawe God blong Israel, mi tok olsem: Bifoa, mi promisim olo blong yu Eron olsem evriwan long laen blong hem bae i prist fo duim waka blong mi fo evritaem olowe. !Bat wea, distaem, mi talem stret long yufala, disfala promis hem finis nao fo olketa pikinini blong yu! Distaem, man hu hemi tinghae long mi, bae mi tinghae long hem. Bat man hu hemi les long mi, bae mi les long hem tu.