Gudnius abaotem Jisas Kraes wea Luk hemi raetem 12:23 - Pijin Bible

²³ Bikos laef nao hemi bikfala samting moa winim kaikai, an bodi nao hemi bikfala samting moa winim kaleko yu werem.

Pijin Deuterocanon

²³ Bikos laef nao hemi bikfala samting moa winim kaikai, an bodi nao hemi bikfala samting moa winim kaleko yu werem.

Gudnius abaotem Jisas Kraes wea Luk hemi raetem 12:23 Iomraidhean Croise

Jenesis 19:17

Nao wanfala long tufala ya hemi tok olsem long olketa, “!Yufala ran kuiktaem! !Yufala no lukbaek long ples ya! Yufala ran go antap long hil ya, an yufala no res go-go yufala lusim flat ples ya long daon, an go antap long hil ya. Long wei ya nao bae yufala save laef. !Sapos nomoa, bae yufala dae ya!”

Stori abaotem Job 1:12

Nao Yawe hemi tok olsem long hem, “Oraet, evrisamting wea Job hemi garem, hemi long han blong yu nao. Yu save duim nomoa enisamting wea yu laek fo duim long olketa, bat yu mas no duim enisamting long hem.” Den Seitan hemi goaot.

Stori abaotem Job 2:4

Bat Seitan hemi tok olsem, “Skin sensim skin. Man save lusim evrisamting blong hem fo mekem hem seleva i laef.

Stori abaotem Job 2:6

Yawe hemi tok olsem long hem, “Oraet, hemi long han blong yu nao, bat yu mas no kilim hem dae.”

Provebs 13:8

Maet samwan hemi fosim risman fo peim laef blong hem seleva, bat puaman no garem kaen trabol olsem.

Gudnius abaotem Jisas Kraes wea Luk hemi raetem 12:22

Jisas hemi tok olsem long olketa disaepol blong hem, “Dastawe nao mi talem long yufala, yufala mas no wari abaotem wanem nao bae yufala kaikaim, mekem yufala stap laef. An yufala mas no wari tu abaotem wanem nao bae yufala save werem long bodi.

Gudnius abaotem Jisas Kraes wea Luk hemi raetem 12:24

Yufala tingting fastaem long olketa bed ya. Olketa nating wari fo wakem eni gaden o fo tekem kaikai kam long gaden, an olketa no garem eni haos tu fo kipim kaikai long hem. Bat nomata olsem, God nao hemi fidim olketa. Bat yufala ya, yufala nao bikfala samting long ae blong God winim olketa bed ya.

Aposol 27:38

Taem olketa kaikai finis nomoa, olketa torowem go evri baeg flaoa long solwata nao, mekem sip ya hemi no hevi tumas.