Gudnius abaotem Jisas Kraes wea Luk hemi raetem 12:12 - Pijin Bible

¹² Bikos long taem ya, Holi Spirit nao bae hemi tisim yufala long wanem yufala mas talem.”

Pijin Deuterocanon

¹² Bikos long taem ya, Holi Spirit nao bae hemi tisim yufala long wanem yufala mas talem.”

Gudnius abaotem Jisas Kraes wea Luk hemi raetem 12:12 Iomraidhean Croise

Eksodas 4:11

Yawe hemi tok long hem olsem, “?Hu nao hemi mekem maos blong man? ?An hu nao hemi mekem man fo kamap iapas o fo no save toktok? ?Hu nao hemi mekem man fo hemi save lukluk, o fo hemi blaen? Mi Yawe nao, an mi nomoa save duim olketa samting ya.

Eksodas 4:12

!Oraet! !Yu go nao! Bae mi helpem yu fo toktok, an bae mi tisim yu wanem yu mas talemaot.”

Matiu 10:19

Taem olketa tekem yufala go long kot, yufala mas no wari abaotem wanem nao bae yufala talem long kot an hao nao fo talem samting ya, bikos God nao bae hemi givim yufala wanem fo talem long taem ya.

Matiu 10:20

Bae yufala no toktok seleva ya, bat bae Spirit blong Dadi blong yufala nao hemi toktok kam long maen blong yufala.

Gudnius abaotem Jisas Kraes wea Luk hemi raetem 12:13

Nao, wanfala long olketa hu hemi stanap fo herem toktok blong Jisas, hemi talem Jisas olsem, “Tisa, yu talem brata blong mi fo hemi mas divaedem olketa samting wea dadi blong mitufala hemi lusim taem hemi dae, mekem hemi givim kam haf long mi.”

Gudnius abaotem Jisas Kraes wea Luk hemi raetem 21:15

Bikos mi nao bae mi givim toktok an gudfala tingting long yufala, mekem no eniwan long olketa enemi blong yufala hemi save tok agensim toktok blong yufala o tokdaonem toktok blong yufala.

Aposol 4:8

Nao Pita hemi fulap long Holi Spirit an hemi ansarem olketa olsem, “Yufala hu rulim olketa Jiu an yufala olketa nara bikman,

Aposol 6:10

bat Holi Spirit hemi mekem Stivin waes tumas mekem olketa nating save winim toktok blong hem.

Aposol 7:55

Bat Holi Spirit hemi kamdaon long Stivin, an hemi lukap go long skae. Hemi lukim saen blong bikfala paoa blong God long heven, an hemi lukim Jisas hu hemi stanap long raetsaet blong hem.