Gudnius abaotem Jisas Kraes wea Luk hemi raetem 11:40 - Pijin Bible

⁴⁰ Yufala barava krangge tumas ya. ?Waswe, yufala tingse God hu hemi bin mekem aotsaet hemi no mekem insaet tu?

Pijin Deuterocanon

⁴⁰ Yufala barava krangge tumas ya. ?Waswe, yufala tingse God hu hemi bin mekem aotsaet hemi no mekem insaet tu?

Gudnius abaotem Jisas Kraes wea Luk hemi raetem 11:40 Iomraidhean Croise

Jenesis 1:26

Nao God hemi tok moa olsem, “Hemi gud fo yumi mekem man, an hemi gud yumi mekem fo hemi tekem wei blong yumi, an hemi olsem yumi. Bae hemi rul ovarem olketa fis, an olketa bed, an olketa animol blong vilij an long olketa animol blong bus, stat long olketa wea i bikfala go kasem olketa wea i smolfala. Olketa evriwan bae olketa stap andanit long han blong hem.”

Jenesis 2:7

Nao Yawe hemi tekem graon an hemi mekem wanfala man long hem, an hemi blou long nous blong hem fo mekem hemi garem laef. Nao long wei ya, man ya hemi laef.

Sams 14:1

Olketa krangge pipol i tingse, “No eni God nomoa hemi stap.” Evri nogud pipol nomoa i stap, an olketa gohed fo duim evri ravis samting. No eniwan long olketa nao hemi stret.

Sams 33:15

Hemi givim tingting long evri pipol, an hemi save evrisamting wea olketa duim.

Provebs 1:22

Hemi tok olsem, “?Yufala hu i no garem save, hao long nao bae yufala stap olsem? ?Hao long nao bae yufala krangge man i hapi fo mekfan long pipol? ?Hao long nao yufala gohed fo les long save?

Provebs 8:5

Yufala hu i no save tingting stret, yufala kam, bae mi stretem tingting blong yufala. Yufala no garem save, yufala kam, bae mi mekem yufala garem save.

Jeremaea 5:21

!Lisin kam gudfala long disfala toktok, yufala krangge pipol hu no save tingting gudfala! Yufala garem ae, bat yufala kanduit luksave long enisamting. Ya, yufala garem ia, bat yufala kanduit heremsave enisamting.

Sekaraea 12:1

Wanfala profesi: Hem ya nao Mesij blong Yawe abaotem Israel. Yawe hu hemi mekem skae an disfala wol, an givim laef long man, hemi tok olsem,

Nambas 16:22

Bat tufala baodaon wea fes blong tufala i kasem graon, an tufala prea olsem, “God, yu nao mekem evrisamting fo laef. ?Waswe, sapos wanfala man hemi rong, bae yu kros long olketa evriwan?”

Matiu 23:17

!Yufala krangge ya, an yufala blaen fogud tu! ?Wanem nao hemi bikfala moa, disfala gol, o disfala Tambuhaos wea hemi mekem gol ya fo kamap tambu?

Matiu 23:26

!Yufala olketa Farasi, yufala blaen fogud ya! Yufala mas klinim insaet long kap fastaem ya. Sapos olsem, bae aotsaet hemi klin tu ya.

Gudnius abaotem Jisas Kraes wea Luk hemi raetem 12:20

Bat God hemi tok olsem long man ya, ‘!Yu krangge man! Long disfala naet ya, bae yu barava lusim laef blong yu ya. ?An yu tingse hu nao bae hemi tekem olketa samting wea yu bin hipimap fo yu seleva?’”

Gudnius abaotem Jisas Kraes wea Luk hemi raetem 24:25

Nao Jisas hemi tok olsem long tufala, “Man, yutufala no save tingting gud ya, an yutufala slou tumas fo bilivim evrisamting wea olketa profet bin talemaot bifoa.

1 Korin 15:36

!Kuestin ya hemi krangge nomoa! Olketa sid yu plantem ya, olketa no save grouap niu moa sapos olketa no dae ya.

Hibrus 12:9

Long saet long olketa dadi blong yumi long wol ya, yumi tinghae long olketa bikos olketa save stretem yumi. Dastawe nao hemi moabeta fo yumi barava stap andanit long han blong Dadi blong yumi long heven, mekem yumi save stap laef wetem hem.