Gudnius abaotem Jisas Kraes wea Luk hemi raetem 11:32 - Pijin Bible

³² An hemi olsem tu, long taem wea God bae hemi jajem evriwan, bae olketa pipol blong Nineve olketa stanap fo talemaot dat yufala olketa pipol blong distaem yufala barava rong tru. Bikos taem Jona hemi talemaot toktok blong God long olketa, olketa lusim olketa ravis wei blong olketa nao. !Bat mi talem long yufala, wanfala samting wea hemi bikfala moa winim Jona, hemi long hia nao!”

Pijin Deuterocanon

³² An hemi olsem tu, long taem wea God bae hemi jajem evriwan, bae olketa pipol blong Nineve olketa stanap fo talemaot dat yufala olketa pipol blong distaem yufala barava rong tru. Bikos taem Jona hemi talemaot toktok blong God long olketa, olketa lusim olketa ravis wei blong olketa nao. !Bat mi talem long yufala, wanfala samting wea hemi bikfala moa winim Jona, hemi long hia nao!”

Gudnius abaotem Jisas Kraes wea Luk hemi raetem 11:32 Iomraidhean Croise

Jona 3:4

Long fas de, taem hemi wakabaot insaet long taon, hemi singaot olsem, “!Bifoa fotifala de hemi finis, yufala mas lusim ravis wei blong yufala, nogud bae God hemi lusim yufala an barava spoelem yufala!”

Jona 3:5

Olketa pipol blong Nineve i bilivim Mesij ya blong God. Nomata man hemi garem biknem o nomoa, olketa evriwan i stop from kaikai an werem ravis kaleko fo somaot dat olketa sore tumas.

Jona 4:9

Yawe hemi tok olsem long hem, “?Waswe, hemi stret nomoa fo yu kamap kros abaotem vaen tri ya?” Jona hemi ansarem hem olsem, “!Ya! !Hemi stret nomoa! !Mi kros tumas ya! !Hem nao mi wande dae!”

Matiu 12:39

Bat Jisas hemi sei long olketa, “!Maewat! Yufala olketa pipol blong distaem, wei blong yufala hemi ravis an yufala no kipim yufala seleva fo God. Yufala wande fo lukim nomoa wanfala spesol saen. Bae mi no som eni spesol saen long yufala, bat saen wea yufala save lukim nomoa, hem nao disfala saen blong profet Jona.

Matiu 12:41

Long taem wea God bae hemi jajem evriwan, bae olketa pipol blong Nineve olketa stanap fo talemaot dat yufala olketa pipol blong distaem, yufala barava rong tru nao. Olketa pipol ya, taem Jona hemi talemaot toktok blong God long olketa, olketa lusim olketa ravis wei blong olketa nao. !Bat mi talem long yufala, wanfala samting wea hemi bikfala moa winim Jona, hemi long hia nao!

Gudnius abaotem Jisas Kraes wea Luk hemi raetem 11:31

Long taem wea God bae hemi jajem evriwan, bae disfala Kuin long Seba bae hemi stanap fo talemaot dat yufala olketa pipol blong distaem yufala barava rong tru. Bikos nomata hemi stap long farawe ples tumas, hemi kam fo lisin long olketa waes toktok blong King Solomon. !Bat mi talem long yufala, wanfala samting wea hemi bikfala moa winim Solomon, hemi long hia nao!

Hibrus 7:26

Jisas nao hemi Haeprist hu hemi barava fit fo helpem yumi. Bikos Jisas hemi holi, wea hemi no garem eni sin an wei blong hem hemi stret olowe nomoa. An God hemi putum hem hae antap long heven wea hemi stap deferen from olketa pipol hu i garem sin.