Gudnius abaotem Jisas Kraes wea Luk hemi raetem 11:22 - Pijin Bible

²² Bat taem wanfala man wea hemi strong moa, hemi kam an faetem man ya an winim hem, bae hemi tekem go evrisamting blong faet wea strongfala man ya hemi tingse hemi save sev long hem. An bae hemi searemaot evrisamting ya long olketa fren blong hem nao.

Pijin Deuterocanon

²² Bat taem wanfala man wea hemi strong moa, hemi kam an faetem man ya an winim hem, bae hemi tekem go evrisamting blong faet wea strongfala man ya hemi tingse hemi save sev long hem. An bae hemi searemaot evrisamting ya long olketa fren blong hem nao.

Gudnius abaotem Jisas Kraes wea Luk hemi raetem 11:22 Iomraidhean Croise

Jenesis 3:15

Bae mi mekem yu an woman ya, fo yutufala no laekem yutufala, an bae yutufala gohed fo agensim yutufala. Pikinini wea bae hemi kamaot bihaen long yu, an pikinini wea bae hemi kamaot bihaen long woman ya, bae tufala gohed fo enemi long tufala. Nao pikinini blong hem ya bae hemi gohed fo brekem hed blong yu, an yu bae yu gohed fo baetem bihaen long lek blong hem.”

Eksodas 15:9

“Enemi blong mifala i tok olsem, ‘!Bae mi aftarem olketa! !Bae mi kasholem olketa! Bae mi kilim olketa dae long naef fo faet, an bae mi barava winim olketa. Bae mi divaedem evrisamting blong olketa ya long olketa pipol blong mi, an bae mi kipim olsem wea mi laekem.’

Aesaea 27:1

Long datfala taem, bae Yawe hemi panisim disfala bikfala si snek Leviatan. Ya, bae hemi tekem strongfala sap naef fo faet blong hem an kilim hem dae.

Aesaea 53:12

Dastawe nao bae mi mekhae long hem wetem olketa bikman hu i garem paoa. Hem seleva nao hemi wiling fo dae long sem wei wea olketa nogud man i dae. Hemi tekem ples blong staka pipol hu i sin, an hemi askem mi fo fogivim olketa.”

Gudnius abaotem Jisas Kraes wea Luk hemi raetem 11:21

“Sapos wanfala strongfala man hemi garem evrisamting fo faet an hemi stap fo gadem haos blong hem, bae evrisamting blong hem hemi stapgud nomoa ya.

Gudnius abaotem Jisas Kraes wea Luk hemi raetem 11:23

“Eniwan hu hemi no falom mi, hemi agensim mi nao. An eniwan hu hemi no helpem mi fo tekem olketa pipol kam long God, hemi raosim olketa pipol fo no kam long God nao ya.”

Efesas 6:11

Yufala mas werem evrisamting fo faet wea God hemi givim kam long yufala, mekem yufala save fit fo stopem olketa ravis plan blong Seitan.

Efesas 6:13

So distaem, yufala mas werem evrisamting fo faet wea God hemi givim. Sapos olsem, bae yufala save stopem disfala enemi, nomata eni taem hemi kam fo faetem yufala. An bae yufala save faet go-go kasem en, an bae yufala save stanap strong oltaem.

Kolosi 2:15

Nao Kraes hemi tekemaot finis evri paoa blong olketa bikman an olketa lida long saet blong Seitan. An long kros ya, hemi winim olketa an hemi mekem olketa fo filsem tumas long ae blong olketa pipol.

1 Jon 3:8

Bat eniwan hu hemi gohed olowe long wei blong sin, hemi pikinini blong Seitan ya, bikos Seitan nao hemi stap olowe long wei blong sin stat kam bifoa. Bat San Blong God nao hemi kam fo barava spoelem evrisamting wea Seitan hemi duim.

1 Jon 4:4

Olketa pikinini blong mi, yufala blong God an yufala winim finis olketa laea tisa olsem. Bikos Holi Spirit hu hemi stap long yufala, hemi garem paoa winim disfala enemi blong Kraes wea hemi stap long olketa pipol blong disfala wol.