Gudnius abaotem Jisas Kraes wea Luk hemi raetem 11:2 - Pijin Bible

² So Jisas hemi sei, “Taem yufala prea, yufala tok olsem, ‘Dadi blong mifala, nem blong yu nao hemi mas stap bikfala. Yu mekem kingdom blong yu fo kam.

Pijin Deuterocanon

² So Jisas hemi sei, “Taem yufala prea, yufala tok olsem, ‘Dadi blong mifala, nem blong yu nao hemi mas stap bikfala. Yu mekem kingdom blong yu fo kam.

Gudnius abaotem Jisas Kraes wea Luk hemi raetem 11:2 Iomraidhean Croise

1 Kings 8:43

Sapos olsem, nomata yu stap long heven, plis yu lisin kam long prea blong hem. Long disfala wei, evri pipol blong wol bae i barava save long nem blong yu, an tinghae long yu, olsem pipol blong yu i tinghae long yu. An bae olketa save olsem disfala Tambuhaos wea mi bildim, hemi barava blong yu.

2 Kings 19:19

Bat yu Yawe, yu nao yu God blong mifala long Israel. Plis yu sevem mifala from paoa blong olketa long Asiria, mekem evri pipol long evri kingdom long wol i save dat yu Yawe nao yu God.”

2 Kronikols 20:6

Hemi prea olsem, “Lod Yawe, God blong olketa olfala grani blong mifala, yu stap long heven an yu gohed fo rul ovam evri kantri long disfala wol. Yu strong tumas, an yu garem evri paoa. No eniwan hemi save winim yu.

Sams 103:20

Yufala olketa enjel, yufala strong an garem paoa. Oltaem yufala gohed fo obeim olketa toktok blong Yawe, an yufala gohed fo lisin long olketa samting wea hemi talem. !Yufala ya, yufala mas gohed fo preisim Yawe!

Sams 108:5

God yu nao yu hae winim skae, an bikfala paoa blong yu hemi kasem evri ples long wol.

Sams 11:4

Yawe hemi stap long Tambuhaos blong hem. Hemi King an hemi stap kam long heven, an gohed fo rulim olketa pipol. Hemi gohed fo lukluk long olketa pipol long evri ples, an hemi save long evrisamting wea olketa gohed fo duim.

Sams 57:11

God yu nao yu hae winim skae, an bikfala paoa blong yu hemi kasem evri ples long wol. (Singsing blong Deved.)

Eklesiastes 5:2

Yu mas tingting gudfala fastaem bifoa yu talem enisamting, an yu mas no hariap fo mekem promis long God. God hemi stap long heven, an yu stap long wol, so yu no toktok tumas.

Aesaea 63:16

!Yu nao yu tru Dadi blong mifala! Nomata tufala grani blong mifala, Ebraham an Jekob, tufala no save nomoa long mifala hu i bon kam bihaen. Bat Lod Yawe, yu nao yu tru Dadi blong mifala, bikos oltaem, yu nao yu mekem mifala fri.

Esikiel 36:23

Hae nem blong mi hemi barava holi, bat yufala bin spoelem hem long ae blong olketa pipol. Bat taem mi somaot paoa long nem blong mi long pipol blong olketa narafala kantri, bae olketa save dat mi nao Yawe. Bae mi yusim yufala fo somaot long olketa wea mi barava holi.

Daniel 2:28

Bat God long heven nao save somaot olketa samting wea hemi staphaed. An hemi somaot finis long yu olketa samting wea bae hemi hapen. Bae mi talemaot drim ya long yu nao, an wanem yu tingse yu lukim taem yu slip. Hemi olsem:

Daniel 2:44

Long taem blong olketa king ya, disfala God long heven bae hemi mekem wanfala kingdom fo kamap wea no eniwan save spoelem enitaem. An bae no eni narafala king moa save winim hem. Disfala kingdom ya bae hemi pisisim finis olketa narafala kingdom, an rul blong hem bae hemi stap evritaem olowe.

Daniel 7:18

Bat bihaen, olketa pipol blong God ya hu hemi barava hae tumas, bae i rul ovarem disfala wol fo evritaem olowe nao.”

Daniel 7:27

Paoa an hae nem blong evri king long disfala wol, wetem evri gudfala samting insaet long kingdom blong olketa, God hu hemi barava hae tumas bae hemi givim long olketa pipol blong hem. Bae kingdom blong olketa hemi no save finis. An bae evri king long wol i mekhae long olketa, an obeim olketa.”

Hosia 14:2

Tanem tingting blong yufala an kambaek moa long Yawe. Yufala mas prea olsem long hem, “O Yawe. Plis yu lisin kam long prea blong mifala an aotem olketa sin blong mifala. An bae mifala preisim yu fo hemi olsem sakrifaes go long yu.

Levitikas 10:3

So Mosis hemi tok olsem long Eron, “Hem nao samting wea Yawe hemi talem taem hemi tok olsem, ‘Bae mi somaot dat mi holi long olketa hu i kam kolsap long mi. An olketa pipol blong mi bae i mekhae long paoa blong mi.’ ” Bat Eron hemi stap kuaet nomoa.

Levitikas 22:23

Sapos eniwan hemi laek fo sakrifaesim animol wea bodi blong hem hemi no grou helti, o wea eni lelebet samting hemi spoelem bodi blong hem, hemi fitim fo disfala sakrifaes wea hemi mekem falom wanem hemi laekem. Bat hemi no save ofarem kaen animol olsem fo mekem sakrifaes blong strongfala promis blong hem bikos mi no save hapi wetem kaen animol ya.

Habakuk 2:14

An bae disfala wol hemi fulap long pipol hu i barava luksave long bikfala paoa blong Yawe, olsem si hemi fulap long solwata.

Matiu 10:32

“Nao eniwan hu hemi talemaot long olketa pipol wea hemi blong mi, bae mi tu mi talem long Dadi blong mi long heven wea hemi blong mi.

Matiu 3:2

an hemi sei, “Yufala evriwan i mas lusim olketa ravis wei blong yufala, bikos kingdom long Heven hemi kolsap kam nao.”

Matiu 5:16

Long sem wei tu, laet blong yufala hemi mas saen go long olketa pipol, mekem olketa luksave long olketa gudfala samting wea yufala duim, an mekem olketa mekhae long Dadi blong yufala long heven.”

Gudnius abaotem Jisas Kraes wea Luk hemi raetem 11:1

Long wanfala taem nao, Jisas hemi stap long wanfala ples fo prea. Taem hemi prea finis, wanfala long olketa disaepol blong hem hemi sei, “?Waswe Masta, yu save tisim mifala hao fo prea, olsem Jon hemi bin tisim olketa disaepol blong hem?”

Leta wea Pol hemi raetem go long sios long Rom 1:7

Mi raet go long yufala evriwan hu i stap long Rom, wea God hemi lavem an kolem yufala fo stap olsem pipol blong hem. Letem kaenfala lav an piis blong God Dadi blong yumi an Jisas Kraes Masta blong yumi, hemi stap wetem yufala.

Leta wea Pol hemi raetem go long sios long Rom 8:15

An Holi Spirit wea God hemi givim finis long yufala, hemi no save bosim yufala an mekem yufala fraet. Bat hemi mekem yufala fo kamap pikinini blong God. An long paoa blong Holi Spirit yumi save kolem God olsem, “Aba, Dadi.”

1 Korin 1:3

Letem kaenfala lav an piis blong God Dadi blong yumi an blong Jisas Kraes Masta blong yumi, hemi stap wetem yufala.

2 Korin 1:2

Letem kaenfala lav an piis blong God Dadi blong yumi an Jisas Kraes Masta blong yumi, hemi stap wetem yufala.

Galesia 1:4

Kraes hemi letem hem seleva fo dae fo finisim olketa sin blong yumi, mekem yumi fri from disfala ravis wei blong wol ya. Long wei ya nao, hemi duim wanem God Dadi blong yumi hemi laekem.

Efesas 1:2

Letem kaenfala lav an piis blong God Dadi blong yumi an blong Jisas Kraes Masta blong yumi, hemi stap wetem yufala.

Filipae 1:2

Letem kaenfala lav an piis blong God Dadi blong yumi an blong Jisas Kraes Masta blong yumi, hemi stap wetem yufala.

Filipae 4:20

Nao yumi mas liftimap nem blong God Dadi blong yumi evritaem an olowe. Amen.

Kolosi 1:2

mitufala raet go long yufala olketa pipol blong God long Kolosi. Yufala nao olketa Kristin fren blong mifala an yufala gohed fo falom Kraes wea yufala joen wetem hem finis. Mifala prea wea kaenfala lav an piis blong God Dadi blong yumi, bae hemi stap wetem yufala.

1 Tesalonaeka 1:1

Mi Pol wetem Saelas an Timoti, mitrifala raet go long yufala pipol blong sios long Tesalonaeka. Yufala nao pipol blong God hu hemi Dadi blong yumi, an Jisas Kraes Masta blong yumi. Letem kaenfala lav an piis blong God hemi stap wetem yufala.

1 Tesalonaeka 1:3

Evritaem mifala prea long God Dadi blong yumi, mifala tingim olketa gudfala wei wea yufala bin falom bikos yufala biliv long Jisas, an hadwaka wea yufala bin duim bikos yufala lavem God tumas. An mifala tingim tu hao yufala stanap strong olowe from yufala trastem Jisas Kraes Masta blong yumi.

2 Tesalonaeka 2:16

Masta blong yumi Jisas Kraes wetem God Dadi blong yumi, hemi lavem yumi tumas ya. An hemi helpem yumi tumas tu long kaenfala lav blong hem, wea oltaem hemi mekem yumi trastem hem an oltaem tu hemi strongim tingting blong yumi.

Revelesin 11:15

Nao mekseven enjel hemi bloum trampet blong hem. An mi herem olketa toktok long heven, wea olketa singaot olsem, “Evrisamting long wol ya hemi barava kam andanit long paoa blong Masta blong yumi wetem disfala Mesaea blong hem. An bae hemi rul ovarem evrisamting evritaem an olowe.”

Revelesin 15:4

Masta, yu nomoa yu holi. So evriwan bae tinghae long yu, an liftimap nem blong yu. Bae olketa pipol long evri kantri long wol olketa save kam an wosipim yu, bikos yu bin somaot stretfala wei blong yu.”

Revelesin 19:6

Nao mi herem moa noes blong plande pipol tumas wea olketa singaot bikfala. Hemi meknoes tumas olsem bikfala wev an bikfala tanda. Olketa sei olsem, “!Haleluya! God Masta blong yumi hu hemi garem evri paoa, hem nomoa hemi King.

Revelesin 20:4

An mi lukim moa samfala tron. An mi lukim tu olketa spirit blong olketa pipol wea olketa bin katemaot hed blong olketa bifoa, bikos olketa bin talemaot tru toktok abaotem Jisas an olketa bin obeim toktok blong God. Olketa ya, olketa no wosipim wael animol ya o kaving blong hem. An olketa no tekem tu disfala mak blong wael animol ya long fohed o long han blong olketa. Olketa laefbaek moa long taem ya, an God hemi mekem olketa fo sidaon long olketa tron fo rulim olketa pipol. Olketa stap fo rul wetem Kraes fo 1,000 yia.