Gudnius abaotem Jisas Kraes wea Luk hemi raetem 11:19 - Pijin Bible

¹⁹ ?Nao sapos hemi tru wea Bielsebul nao hemi givim paoa long mi fo raosim olketa devol, oraet, hu nao hemi givim paoa long olketa man blong yufala fo duim semsamting nomoa? !So wanem olketa duim ya, hemi somaot dat yufala rong nao ya!

Pijin Deuterocanon

¹⁹ ?Nao sapos hemi tru wea Bielsebul nao hemi givim paoa long mi fo raosim olketa devol, oraet, hu nao hemi givim paoa long olketa man blong yufala fo duim semsamting nomoa? !So wanem olketa duim ya, hemi somaot dat yufala rong nao ya!

Gudnius abaotem Jisas Kraes wea Luk hemi raetem 11:19 Iomraidhean Croise

Stori abaotem Job 15:6

Dastawe i no mi hu i talem dat yu nogud, bat olketa toktok blong yu nao hemi somaot dat yu nogud.

Matiu 10:25

Hemi fitim fo man hu hemi skul fo kamap olsem tisa blong hem nomoa, an fo wakaman fo kamap olsem bos blong hem. Sapos olketa kolem bos blong famili long Bielsebul, bae olketa kolem evriwan moa long famili long nem wea hemi barava ravis moa ya.

Matiu 4:24

Nao nius abaotem Jisas hemi go kasem evri ples insaet long provins long Siria ya. So olketa tekem kam plande pipol wea olketa garem enikaen sik long bodi blong olketa. Samfala, bodi blong olketa hemi filsoa tumas, an samfala, olketa devol hemi stap long olketa. Samfala, olketa garem sik wea hemi mekem olketa save foldaon an hafded, an samfala, bodi blong olketa hemi no save muv. An Jisas hemi mekem evriwan long olketa ya fo gudbaek moa.

Gudnius abaotem Jisas Kraes wea Luk hemi raetem 19:22

Nao bos blong hem hemi tok olsem, ‘!Yu ravis wakaman! Bae mi falom toktok wea yu talem finis nao fo jajem yu ya. Ya, yu save nao dat mi wanfala had man wea mi save tekem samting wea nara man hemi putum stap, an mi save tekem tu kaikai wea olketa nara man olketa plantem.

Gudnius abaotem Jisas Kraes wea Luk hemi raetem 9:49

Nao Jon hemi sei, “Masta, mifala lukim wanfala man wea hemi yusim nem blong yu fo raosim olketa devol from olketa pipol ya. Bat man ya hemi no blong seksin blong yumi ya, so mifala stopem hem nao fo no duim diskaen samting ya moa.”

Aposol 19:13

Nao samfala man blong Jiu olketa save go-goraon fo raosim olketa nogud devol fo goaot from olketa pipol. An samfala blong olketa i save yusim nem blong Jisas Masta blong yumi, fo duim diswan. Olketa save tok olsem, “Long nem blong disfala Jisas wea Pol hemi talemaot, mi talem yu fo kamaot.”

Leta wea Pol hemi raetem go long sios long Rom 3:19

Yumi save finis nao, wanem Lo hemi talem hemi talem long evri pipol hu i stap andanit long Lo ya. Dastawe nao no eniwan save sei hemi no rong, bat God bae hemi jajem evriwan long disfala wol.