Gudnius abaotem Jisas Kraes wea Luk hemi raetem 11:13 - Pijin Bible

¹³ Nomata yufala nogud olsem wanem, yufala save givim olketa gudfala samting long olketa pikinini blong yufala nomoa. So Dadi blong yufala long heven wea hemi winim evriwan nao, bae hemi givim Holi Spirit long eniwan hu askem hem.”

Pijin Deuterocanon

¹³ Nomata yufala nogud olsem wanem, yufala save givim olketa gudfala samting long olketa pikinini blong yufala nomoa. So Dadi blong yufala long heven wea hemi winim evriwan nao, bae hemi givim Holi Spirit long eniwan hu askem hem.”

Gudnius abaotem Jisas Kraes wea Luk hemi raetem 11:13 Iomraidhean Croise

Jenesis 8:21

God hemi hapi tumas long gudfala smel blong olketa sakrifaes ya, an hemi gohed fo tingting seleva olsem, “Bae mi no spoelem moa wol ya from olketa samting wea olketa man gohed fo mekem, bikos mi save nao hemi olsem, stat long taem wea olketa i smol pikinini nomoa, tingting blong olketa hemi stap finis long olketa samting nogud. Distaem mi spoelem finis olketa man wetem olketa narafala samting wea i garem laef, olketa evriwan i dae finis nao, bat bae mi no save duim moa olsem bihaen, olsem wea mi duim distaem.

Sams 51:5

Stat kam long taem wea mi bon, mi bin sin finis. An stat kam long taem wea mi bon, wei blong mi hemi nogud finis.

Provebs 1:23

Lisin kam taem mi stretem yufala. Bae mi advaesim yufala, an mekem yufala savegud long toktok blong mi.

Aesaea 49:15

So, Yawe hemi tok olsem long olketa, “?Waswe, yufala tingse woman save fogetem nomoa bebi blong hem wea hemi susum? ?Yufala tingse hemi save les nomoa long pikinini blong hem wea hem seleva nao hemi bonem? !Nomoa nao! Nomata sapos wanfala woman hemi save fogetem pikinini blong hem, bat mi no save fogetem yufala.

Esikiel 36:27

Bae mi putum spirit blong mi long yufala, an bae mi helpem yufala fo falom olketa lo blong mi, an kipim olketa strongfala toktok wea mi bin givim long yufala.

Joel 2:28

Yawe hemi tok moa olsem, “Bihaen, bae mi givim kamdaon Spirit blong mi fo stap long evri pipol. Olketa san an dota blong yufala, bae i save talemaot mesij blong mi. Olketa olo blong yufala bae i save lukim olketa drim. An olketa yang man blong yufala bae i save lukim olketa spesol drim.

Matiu 5:16

Long sem wei tu, laet blong yufala hemi mas saen go long olketa pipol, mekem olketa luksave long olketa gudfala samting wea yufala duim, an mekem olketa mekhae long Dadi blong yufala long heven.”

Matiu 5:45

Sapos yufala duim olsem, bae yufala kamap olketa pikinini blong Dadi blong yufala long heven nao ya. Yufala lukim, God hemi mekem san long skae fo saen antap long olketa gud pipol an long olketa pipol wea olketa garem sin tu. An hemi mekem ren fo kamdaon long olketa stretfala pipol an long olketa wea olketa no stretfala tu.

Matiu 6:14

“Nao sapos yufala fogivim olketa pipol hu i duim olketa ravis samting long yufala, bae Dadi blong yufala long heven hemi fogivim yufala tu.

Matiu 6:30

Nao olketa flaoa olobaot ya, olketa save stap fo lelebet taem nomoa, an bihaen ya, olketa pipol save torowem olketa go long faea. Bat nomata olsem, God hemi givim samting wea hemi lukgud tumas fo olketa werem. ?Bat yufala tingse bae God hemi no save givim kaleko long yufala? Biliv blong yufala hemi smolfala tumas ya.

Matiu 6:32

Olketa hu i no biliv long God nao, olketa save wari oltaem abaotem olketa samting olsem. Bat yufala ya, Dadi blong yufala long heven, hemi save finis wea yufala laekem olketa samting ya.

Matiu 7:11

Nomata yufala nogud olsem wanem, yufala save givim olketa gudfala samting long olketa pikinini blong yufala. So Dadi blong yufala long heven wea hemi gud tumas winim evriwan, bae hemi givim plande gudfala samting long eniwan hu hemi askem hem.

Gudnius abaotem Jisas Kraes wea Luk hemi raetem 11:12

?O sapos hemi askem yu fo wanfala eg, bae yu givim hem wanfala skopion nomoa?

Gudnius abaotem Jisas Kraes wea Luk hemi raetem 11:2

So Jisas hemi sei, “Taem yufala prea, yufala tok olsem, ‘Dadi blong mifala, nem blong yu nao hemi mas stap bikfala. Yu mekem kingdom blong yu fo kam.

Gudnius abaotem Jisas Kraes wea Luk hemi raetem 18:7

?Nao waswe, yufala tingse bae God hemi no save stretem trabol blong olketa pipol wea hemi bin siusim olketa an wea olketa krae long hem oltaem? ?Waswe, yufala tingse bae hemi no save kuiktaem fo helpem olketa?

Gudnius abaotem Jisas Kraes wea Jon hemi raetem 4:10

Nao Jisas hemi tok olsem long woman ya, “Yu no luksave nomoa long wanem God hemi laek fo givim kam ya, an yu no luksave long disfala man hu hemi askem yu fo lelebet wata ya. Sapos yu askem hem, bae hemi save givim wata wea hemi givim laef long yu.”

Aposol 2:38

Nao Pita hemi ansarem olketa olsem, “Yufala evriwan i mas lusim olketa ravis wei blong yufala, an yufala mas baptaes long nem blong Jisas Kraes, mekem God bae hemi fogivim olketa sin blong yufala an bae hemi givim kam Holi Spirit long yufala.

Leta wea Pol hemi raetem go long sios long Rom 5:17

Nao from sin blong disfala wan man Adam, evri pipol mas dae. Bat wanem God hemi duim from waka blong disfala wan man Jisas Kraes, hemi bikfala moa. God hu hemi kaen an lavem pipol tumas, bae hemi givim presen long olketa wea hemi mekem olketa stret long ae blong hem, an bae hemi mekem olketa stap strong long tru laef.

Leta wea Pol hemi raetem go long sios long Rom 7:18

Long saet blong mi, mi save, mi wanfala man blong wol nomoa. No eni gud samting hemi stap insaet long mi. Bikos nomata mi garem tingting fo duim gudfala samting, bat mi nating save duim nomoa.

Leta wea Pol hemi raetem go long sios long Rom 8:32

God hemi no holem baek San blong hem, bat hemi mekem hem fo dae fo sevem yumi evriwan. So hemi save givim kam evrisamting fri long yumi nomoa.

Taetas 3:3

Long bifoa, Seitan hemi laea long yumi tu, an yumi nating tingting stret an no wiling fo obeim eniwan. Long taem ya, enikaen samting wea yumi seleva laekem tumas nomoa, hemi bosim yumi. An enikaen samting wea yumi filgud tumas long hem, hemi bosim yumi tu. An laef blong yumi hemi somaot enikaen joles an ravis wei long nara pipol. Olketa save heitem yumi, an yumi tu bin heitem olketa.