Gudnius abaotem Jisas Kraes wea Luk hemi raetem 10:27 - Pijin Bible

²⁷ Nao man ya hemi sei, “Yu mas lavem God Masta blong yu, long evrisamting long maen blong yufala, an long evri tingting blong yufala, an long evri strong blong yufala, an long evri save blong yu. An yu mas lavem tu olketa wantok blong yu long sem wei yu lavem yu seleva.”

Pijin Deuterocanon

²⁷ Nao man ya hemi sei, “Yu mas lavem God Masta blong yu, long evrisamting long maen blong yufala, an long evri tingting blong yufala, an long evri strong blong yufala, an long evri save blong yu. An yu mas lavem tu olketa wantok blong yu long sem wei yu lavem yu seleva.”

Gudnius abaotem Jisas Kraes wea Luk hemi raetem 10:27 Iomraidhean Croise

Levitikas 19:18

An yufala mas no gohed fo heitem eni wantok o sensimbaek eni ravis wei blong hem. Bat, yufala mas barava lavem olketa wantok olsem yufala lavem yufala seleva, bikos mi nao Yawe.

Matiu 19:19

Yu mas tinghae long mami an dadi blong yu. An yu mas lavem olketa wantok blong yu long sem wei yu lavem yu seleva.”

Gudnius abaotem Jisas Kraes wea Luk hemi raetem 10:26

Nao Jisas hemi sei, “?Wanem nao hemi stap long Lo, an wanem nao yu save ridim long hem?”

Leta wea Pol hemi raetem go long sios long Rom 13:9

Nao Lo hemi sei, “Yu mas no brekem lo blong marit, yu mas no kilim dae nara man, yu mas no stil, yu mas no kavetem enisamting blong nara man.” Nao olketa lo olsem wetem eni nara lo moa, olketa joen tugeta insaet wanfala lo wea hemi sei, “Yu mas barava lavem olketa wantok blong yu olsem yufala lavem yufala seleva.”

Galesia 5:13

Olketa Kristin fren, hemi tru wea God hemi kolem yufala fo stap fri. Bat nogud yufala tingse yufala fri fo falom wei blong sin nao. Nomoa. Yufala mas helpem evriwan gudfala bikos yufala save lavem yufala evriwan ya.

Diutronomi 10:12

Nao Mosis hemi gohed fo tok olsem, “Pipol blong Israel. ?Wanem nao Yawe, God blong yufala, hemi laekem yufala fo duim? Yufala mas tinghae long hem, an yufala mas falom olketa wei blong hem, an yumi mas lavem hem. An yufala mas yusim evri tingting blong yufala an evri save blong yufala fo tinghevi long hem.

Diutronomi 30:6

Den Yawe, God blong yufala, bae hemi katemaot evri nogud samting long tingting blong yufala, an long tingting blong olketa long laen blong yufala. So bae yufala evriwan save yusim evri tingting blong yufala an evri save blong yufala fo lavem hem. An bae yufala evriwan save stap laef.

Diutronomi 6:4

“!Israel, yufala herem! Yawe nomoa hemi God blong yumi.

Diutronomi 6:5

An yufala mas lavem Yawe, God blong yufala, long evrisamting long maen blong yufala, an long evri tingting blong yufala, an long evri strong blong yufala.

Hibrus 8:10

Hem ya nao disfala niufala spesol agrimen wea bae mi mekem wetem olketa pipol blong Israel. Bae mi putum lo blong mi insaet long maen blong olketa, an bae mi raetemdaon long haat blong olketa. Bae mi nao God blong olketa, an bae olketa i kamap moa spesol pipol blong mi.

Jemes 2:8

Wanem yufala mas duim nao, yufala mas obeim wanem disfala nambawan lo hemi talem insaet long Buktambu, wea hemi sei, “Yu mas lavem olketa wantok blong yu long sem wei wea yu lavem yu seleva.”

1 Jon 3:18

Olketa pikinini blong mi, lav blong yumi hemi mas no samting long toktok nomoa. Yumi mas barava lavem evriwan an yumi mas duim olketa gudfala samting long evriwan.