Gudnius abaotem Jisas Kraes wea Luk hemi raetem 1:7 - Pijin Bible

⁷ Bat tufala no garem eni pikinini, bikos Elisabet hemi no save babule an distaem tufala go-go fo olo fogud tu.

Pijin Deuterocanon

⁷ Bat tufala no garem eni pikinini, bikos Elisabet hemi no save babule an distaem tufala go-go fo olo fogud tu.

Gudnius abaotem Jisas Kraes wea Luk hemi raetem 1:7 Iomraidhean Croise

Jenesis 17:17

Nao Ebraham hemi baodaon go-go fes blong hem kasem graon, bat hemi stat fo laf taem hemi gohed fo tingting olsem, “!Maewat! Mi kasem 100 yia blong mi finis, mi no save garem pikinini. An Sera hemi kasem naenti yia blong hem nao, hem tu hemi no save bonem pikinini nao.”

Jenesis 18:11

An long taem ya, Ebraham an Sera i olo finis, an fo longtaem nao Sera hemi no garem moa sik blong olketa woman.

Jenesis 25:21

Tufala gohed fo slip tugeta, bat woman ya hemi no save garem pikinini, nao Aesak hemi prea long Yawe fo disfala samting ya, an Yawe hemi herem prea blong hem. Nao woman ya hemi babule, wea bae hemi bonem tufala tuin.

Jenesis 30:1

Taem Resel hemi save dat hemi no save babule, hemi filnogud tumas, an hemi stat fo joles long sista blong hem, an hemi tok olsem long Jekob, “Yu mas givim pikinini long mi. !Sapos nomoa, hemi moabeta mi dae!”

1 Kings 1:1

Nao King Deved hemi barava olo fogud. An olketa gohed fo kavarem hem long olketa blangket, bat oltaem hemi fil kol nomoa.

2 Kings 4:14

Bat Elaesa hemi askem Gehasi olsem, “?Bat bae mi duim wanem fo helpem hem?” Nao hemi ansa olsem, “Yu save, woman ya hemi no garem pikinini, an hasban blong hem hemi olfala finis.”

Gudnius abaotem Jisas Kraes wea Luk hemi raetem 1:5

Long taem wea Herod hemi king ovarem kantri long Israel, Sekaraea nao hemi wanfala prist wea hemi stap long taem ya. Hemi stap long seksin blong olketa prist wea olketa kolem Abaeja. Waef blong hem tu hemi bon kam long laen blong Eron, an nem blong hem nao Elisabet.

Gudnius abaotem Jisas Kraes wea Luk hemi raetem 1:6

Wei blong tufala ya hemi barava stret long ae blong God, bikos tufala barava falom nao evri lo an rul blong hem.

Gudnius abaotem Jisas Kraes wea Luk hemi raetem 1:8

Long wanfala taem, hemi taem blong seksin blong Sekaraea fo duim olketa waka long disfala Tambuhaos blong God. So Sekaraea hemi gohed fo waka olsem olketa save duim evri de.

Leta wea Pol hemi raetem go long sios long Rom 4:19

Ebraham hemi kolsap kasem 100 yia, wea bodi blong hem olsem hemi dae finis, an waef blong hem Sera no save garem eni pikinini. Bat nomata Ebraham lukim diswan, hemi no wikdaon long biliv blong hem.

Hibrus 11:11

Ebraham hemi olo tumas an Sera hemi no save garem eni pikinini, bat bikos Ebraham hemi biliv long God, God hemi mekem tufala fo garem pikinini. Ebraham hemi trastem God fo kipim promis blong hem,

1 Samuel 1:2

Elkana hemi garem tufala waef, Hana an Penina. Penina hemi garem olketa pikinini, bat Hana hemi no garem.