Gudnius abaotem Jisas Kraes wea Luk hemi raetem 1:25 - Pijin Bible

²⁵ “Oo, distaem nao God hemi helpem mi. From hemi tingim mi nao, hemi mekem mi fo no filsem moa long ae blong olketa pipol.”

Pijin Deuterocanon

²⁵ “Oo, distaem nao God hemi helpem mi. From hemi tingim mi nao, hemi mekem mi fo no filsem moa long ae blong olketa pipol.”

Gudnius abaotem Jisas Kraes wea Luk hemi raetem 1:25 Iomraidhean Croise

Jenesis 25:21

Tufala gohed fo slip tugeta, bat woman ya hemi no save garem pikinini, nao Aesak hemi prea long Yawe fo disfala samting ya, an Yawe hemi herem prea blong hem. Nao woman ya hemi babule, wea bae hemi bonem tufala tuin.

2 Samuel 6:23

Mikal, disfala dota blong King Sol, hemi nating garem eni pikinini go-go hemi dae.

Aesaea 25:8

Lod Yawe nao bae hemi finisim dae, an draemap tias blong evriwan. An bae hemi tekemaot sem from olketa pipol long wol. Yawe nao hemi talem diswan, an bae hemi mas hapen.

Aesaea 4:1

Long taem ya, samting olsem sevenfala woman nao save maritim nomoa wanfala man bikos plande man nao i dae finis. An bae olketa woman i tok olsem, “!Plis! Mifala laekem tumas fo yu maritim mifala bikos mifala barava sem tumas wea mifala no garem eni hasban. Bat yu no wari bikos mifala save faendem nomoa kaikai an kaleko fo mifala seleva.”

Gudnius abaotem Jisas Kraes wea Luk hemi raetem 1:13

Bat enjel ya hemi tok olsem long hem, “Sekaraea, yu no fraet. God hemi herem prea blong yu finis nao, so bae waef blong yu Elisabet hemi bonem wanfala pikinini boe fo yu. An bae yu kolem hem Jon.

Gudnius abaotem Jisas Kraes wea Luk hemi raetem 1:24

An no longtaem nomoa, waef blong hem Elisabet hemi babule nao, an hemi stap kuaet nomoa long haos blong tufala fo faefala mans. An Elisabet hemi sei olsem,

Hibrus 11:11

Ebraham hemi olo tumas an Sera hemi no save garem eni pikinini, bat bikos Ebraham hemi biliv long God, God hemi mekem tufala fo garem pikinini. Ebraham hemi trastem God fo kipim promis blong hem,

Jajis 11:37

Den hemi askem dadi blong hem olsem, “Dadi. Mi garem wanfala samting wea mi laek fo askem long yu. Mi laekem yu fo letem mi goaot fastaem fo tufala mans mekem mi go stap wetem olketa gele fren blong mi mekem mifala save krae tugeta bikos bae mi no save marit nao ya.”

1 Samuel 1:6

An bikos Yawe hemi no letem Hana fo garem pikinini, oltaem Penina hemi gohed fo mekful long hem fo mekem hem filnogud.