Gudnius abaotem Jisas Kraes wea Luk hemi raetem 1:11 - Pijin Bible

¹¹ Nao wanfala enjel blong God hemi kam an stanap long raetsaet long disfala olta wea olketa save bonem insens long hem ya.

Pijin Deuterocanon

¹¹ Nao wanfala enjel blong God hemi kam an stanap long raetsaet long disfala olta wea olketa save bonem insens long hem ya.

Gudnius abaotem Jisas Kraes wea Luk hemi raetem 1:11 Iomraidhean Croise

Levitikas 16:13

Nao long frant long mi, hemi mas putum insens go long faea long dis, an smok blong hem bae hemi mekem Eron hemi no save lukim kava blong Tambu Boks, so bae hemi no dae.

Gudnius abaotem Jisas Kraes wea Luk hemi raetem 1:19

Nao enjel ya hemi tok olsem, “Mi enjel Gebriel ya, wea mi stap oltaem wetem God. An God nao hemi sendem mi kam fo toktok wetem yu, an fo talem yu disfala gudfala nius ya.

Gudnius abaotem Jisas Kraes wea Luk hemi raetem 1:28

So taem enjel ya hemi go kasem Meri, hemi sei, “Piis blong God hemi stap wetem yu. God hemi stap wetem yu an hemi blesim yu.”

Gudnius abaotem Jisas Kraes wea Luk hemi raetem 2:10

bat enjel ya hemi tok olsem long olketa, “!Yufala no fraet! Mi kam wetem gudfala nius fo yufala ya, an bae diswan hemi mekem olketa evri pipol fo barava hapi.

Gudnius abaotem Jisas Kraes wea Luk hemi raetem 2:9

Nao wanfala enjel blong God hemi kam long olketa an bikfala paoa blong God hemi saen kam raonem olketa. So olketa barava fraet fogud nao,

Aposol 5:19

Bat long naet, wanfala enjel blong Masta hemi openem doa blong prisin ya an hemi lidim olketa aposol fo goaot, an hemi sei,

Hibrus 1:14

Bat olketa enjel ya, olketa i gudfala spirit hu i duim waka blong God. An God hemi sendem olketa kam fo helpem olketa pipol hu bae hemi sevem olketa.

Revelesin 9:13

Nao meksiks enjel hemi bloum moa trampet blong hem. An mi herem wanfala toktok long fofala kona blong gol olta ya wea hemi stap long frant long God.

Jajis 13:3

Wanfala taem, Enjel blong Yawe hemi kasem woman ya, an hemi tok olsem long hem, “Mi save dat yu no save garem pikinini, bat nomata olsem, bae yu babule an bae yu bonem wanfala san.

Jajis 13:9

So God hemi duim wanem Manoa hemi askem. Wanfala de, taem waef blong Manoa hemi stap long gaden, disfala Enjel blong God hemi kam moa long hem. Long taem ya, hasban blong hem no stap wetem hem.