Levitikas 8:12 - Pijin Bible

¹² Bihaen, hemi kapsaetem oel ya go long hed blong Eron fo mektambu long hem.

Pijin Deuterocanon

¹² Bihaen, hemi kapsaetem oel ya go long hed blong Eron fo mektambu long hem.

Levitikas 8:12 Iomraidhean Croise

Sams 133:2

Diswan hemi barava gud tumas olsem holi oel wea hemi smel naes tumas. Diskaen oel nao olketa kapsaetem go long hed blong Eron wea hemi ran godaon long biad blong hem go-go kasem kaleko blong hem.

Eksodas 28:41

Yu mas mekem brata blong yu Eron an olketa san blong hem, fo werem evri kaleko ya. Den yu mas kapsaetem go tambu oel long hed blong olketa fo mektambu long olketa, mekem olketa save duim waka fo mi olsem prist.

Eksodas 29:7

An yu mas tekem tambu oel ya, an kapsaetem go long hed blong hem fo mektambu long hem fo mi.

Eksodas 30:30

An bae yu mas kapsaetem go lelebet tambu oel ya antap long hed blong Eron, an long olketa san blong hem, an yu mas mektambu long olketa fo kamap prist fo duim waka fo mi.

Levitikas 10:7

An yutrifala mas no goaot long doa blong Tambu Haostent. Sapos yutrifala lusim ples ya, bae yutrifala dae, bikos mi bin mektambu long yutrifala finis long tambu oel blong Yawe.” Nao trifala duim olsem wea hemi talem.

Levitikas 4:3

“Sapos hae prist hemi sin, sin blong hem bae hemi mekem yufala evriwan rong long ae blong mi. So hemi mas tekem wanfala yang man buluka wea hemi nating garem enisamting rong long bodi blong hem, an hemi mas mekem sakrifaes fo mekem hem stret moa long ae blong mi.

Levitikas 7:36

Long datfala de, Yawe hemi talem olketa blong Israel fo givim go tufala mit blong sakrifaes olowe long olketa prist, an hem nao hemi wanfala lo wea olketa mas obeim olowe.

Levitikas 8:30

Nao hemi tekem lelebet tambu oel wetem lelebet blad wea hemi tekem long olta, an hemi splasem go isi long Eron an long olketa spesol kaleko blong hem, an long olketa san blong hem an long olketa spesol kaleko blong olketa. Long disfala wei, hemi mektambu long olketa wetem olketa spesol kaleko blong olketa.