Levitikas 8:11 - Pijin Bible

¹¹ An hemi go torowem lelebet oel seven taem long Olta fo Bonem Sakrifaes, wetem olketa tul blong hem, an long Bras Besin wetem botom blong hem, fo mektambu long olketa samting ya.

Pijin Deuterocanon

¹¹ An hemi go torowem lelebet oel seven taem long Olta fo Bonem Sakrifaes, wetem olketa tul blong hem, an long Bras Besin wetem botom blong hem, fo mektambu long olketa samting ya.

Levitikas 8:11 Iomraidhean Croise

Eksodas 16:14

Taem diu ya hemi draeap, olketa samting wea hemi luk olsem skel blong fis hemi fulap olobaot long ples ya. Olketa samting ya hemi smol, hemi save brek isi nomoa.

Eksodas 16:19

Mosis hemi tok olsem long olketa, “No eniwan long yufala mas kipim eni kaikai ya fo tumoro.”

Eksodas 29:36

Evri de, yu mas kilim dae wanfala man buluka, an yu mas bonem fo mekem sakrifaes fo mekem olketa stret moa long ae blong mi, an fo mekem olta ya hemi klin long ae blong mi. An taem wea sakrifaes ya hemi bone finis, yu mas kapsaetem samfala tambu oel long olta ya fo mektambu long hem fo mi.

Eksodas 29:37

Evri de go-go kasem mekseven de, yu mas duim diswan fo mektambu long hem. Long disfala wei nao, bae olta ya hemi kamap barava tambu fogud, mekem eni man o enisamting wea hemi tasim, bae hemi kamap tambu tu.”

Eksodas 30:29

Long wei ya nao, bae yu mektambu long olketa samting ya, mekem hemi kamap barava tambu fogud. Dastawe sapos eni man o enisamting hemi tasim olketa samting ya, bae olketa ya i mektambu long hem tu.

Eksodas 4:17

An tekem wokingstik blong yu ya an yusim fo mekem olketa mirakol.”

Eksodas 4:6

Yawe hemi tok moa olsem long hem, “Yu putum go han blong yu insaet long kaleko blong yu.” So Mosis hemi putum go han insaet long kaleko blong hem. An taem hemi tekemaot, bakua hemi kavarem han blong hem, an han ya hemi barava luk nogud.

Aesaea 52:15

Bat bihaen, bae hemi mekem olketa pipol long plande kantri fo kamap klin long ae blong God, an olketa king tu bae i sapraes tumas long hem. Bikos bae olketa lukim nao wanem no eniwan bin talem long olketa yet, an bae olketa save gudfala wanem no eniwan bin herem yet.”

Esikiel 36:25

Bae hemi olsem wea mi torowem klin wata long yufala fo mekem yufala klin from olketa ravis wei blong yufala an olketa ravis kaving wea yufala gohed fo wosipim.

Levitikas 14:16

An hemi mas putum fingga blong raet han blong hem go long oliv oel ya, hemi mas torowem lelebet sevenfala taem go long graon frant long mi.

Levitikas 4:17

an hemi mas putum fingga blong hem go long blad ya, hemi mas torowem go lelebet blad sevenfala taem long graon long frant long kaleko wea hemi satem Barava Tambu Rum.

Levitikas 4:6

an hemi mas putum fingga blong hem go long blad an hemi mas torowem go lelebet blad sevenfala taem long graon long frant long kaleko wea hemi satem Barava Tambu Rum.

Taetas 3:6

Ya, from waka blong Jisas Kraes hu hemi Sevia blong yumi, Holi Spirit nao, God hemi givim kam fri long yumi,