Levitikas 7:21 - Pijin Bible

²¹ Taem eniwan hemi tasim enisamting wea hemi no klin long ae blong mi, nomata hemi tasim animol o samting wea hemi kamaot long bodi blong man o woman, an bihaen hemi kaikaim mit blong disfala sakrifaes, oraet, yufala mas putum hem aot from pipol blong Israel.”

Pijin Deuterocanon

²¹ Taem eniwan hemi tasim enisamting wea hemi no klin long ae blong mi, nomata hemi tasim animol o samting wea hemi kamaot long bodi blong man o woman, an bihaen hemi kaikaim mit blong disfala sakrifaes, oraet, yufala mas putum hem aot from pipol blong Israel.”

Levitikas 7:21 Iomraidhean Croise

Jenesis 17:14

Eni man wea hemi no kate, bae mi no luksave long hem olsem wanfala long olketa man blong mi, bikos hemi no kipim saet blong hem long spesol agrimen ya wea mi bin mekem finis wetem yufala.”

Eksodas 12:15

Yawe hemi tok moa olsem, “Long stat blong Fist blong Pasova, bae yufala mas kaikaim nomoa bred wea hemi no garem yist long hem go-go kasem sevenfala de. Long fas de blong disfala bikde, bae yufala mas torowem olketa yist wea hemi stap insaet long olketa haos blong yufala. Sapos eniwan hemi kaikaim bred wea hemi garem yist long hem long olketa sevenfala de ya, hem mas finis from pipol blong Israel.

Eksodas 12:19

Long olketa sevenfala de ya, bae yufala no kipim yist insaet long olketa haos blong yufala. Sapos eniwan long yufala o wanfala strensa, hemi kaikaim bred wea hemi garem yist long hem, hem mas finis from pipol blong Israel.

Esikiel 33:25

“From disfala samting nao, yu mas talem olketa olsem, ‘Lod Yawe nao hemi tok olsem: Oltaem nomoa yufala gohed fo kaikaim mit wea blad hemi stap yet insaet, an gohed fo wosipim long olketa ravis kaving. Yufala gohed fo trastem yufala seleva long faet, an gohed fo kilim man dae. An yufala evriwan i gohed fo slip nomoa wetem olketa waef blong wantok. ?Waswe, yufala tingse bae mi letem yufala nomoa fo onam disfala lan? !Yufala nating garem eni raet fo onam disfala lan!’

Esikiel 4:14

Bat mi tok olsem, “!Lod Yawe! !Plis! Mi nating duim nomoa enisamting wea hemi mekem mi no klin long ae blong yu. Stat kam long taem wea mi pikinini yet ka-kam kasem tude, mi nating kaikaim yet eni mit blong animol wea hemi dae seleva, o olketa narafala animol nao i kilim dae. Mi nating kaikaim eni kaikai wea hemi no klin long ae blong yu.”

Levitikas 11:20

“An olketa inseks wea i save flae an wea i save wakabaot long lek blong olketa, yufala mas save dat olketa inseks ya i barava nogud tumas.

Levitikas 12:1

Yawe hemi tok olsem long Mosis,

Levitikas 17:10

“An sapos eniwan long Israel, o eni strensa hu hemi stap wetem yufala, hemi dringim blad o kaikaim mit wea hemi garem blad long hem yet, oraet, bae mi agensim hem, an finisim hem from pipol blong Israel.

Levitikas 17:14

Evrisamting wea hemi laef, laef blong hem hemi stap long blad blong hem, dastawe nao mi talem long yufala, fo no dringim blad o kaikaim mit blong animol wea hemi garem blad long hem yet. Sapos eniwan hemi kaikaim kaen mit olsem, bae yufala mas putum hem aot from pipol blong Israel.

Levitikas 18:29

An sapos eniwan hemi duim enisamting long olketa ravis wei ya, oraet, yufala mas putum hem aot from pipol blong Israel.

Levitikas 19:8

Eniwan hu hemi kaikaim datfala mit olsem, hemi fitim fo hemi mas panis bikos hemi spoelem wanfala tambu samting, so yufala mas putum hem aot from pipol blong Israel.

Levitikas 20:3

Man hu hemi duim olsem hemi spoelem tambu ples blong mi an hemi spoelem tambu nem blong mi. So bae mi agensim hem an aotem hem from pipol blong Israel.

Levitikas 22:3

Talem olketa wea taem eniwan long laen blong olketa hemi no klin long ae blong mi, sapos hemi kam kolsap long olketa tambu ofaring ya, oraet, datfala prist hemi no save waka moa long olta frant long mi. Lo ya bae hemi stap olowe nao. Mi nao Yawe.

Levitikas 22:4

“Sapos eniwan long olketa prist hemi garem ravis sik long skin, o hemi garem sik wea nana hemi ranaot from samting blong man, prist ya hemi no klin long ae blong mi, an hemi mas no kaikaim eni pat long tambu kaikai go-go kasem taem wea hemi kamap klin moa. An sapos eni prist hemi tasim enisamting wea hemi no klin bikos i bin tasim man dae, o wata blong prist ya hemi kamaot from bodi blong hem,

Levitikas 23:29

Sapos eniwan hemi brekem tambu long kaikai long disfala bikde, oraet, yufala mas aotem hem from pipol blong mi.

Levitikas 7:20

An sapos eniwan wea hemi no klin long ae blong mi hemi kaikaim mit ya, yufala mas putum hem aot from pipol blong Israel.

Levitikas 7:22

Yawe hemi gohed fo tok olsem long Mosis,

Levitikas 7:25

Sapos eniwan hemi kaikaim gris blong kaen animol wea hemi fit fo mekem tambu ofaring long mi Yawe, yufala mas putum hem aot from pipol blong Israel.

Levitikas 7:27

Eniwan wea hemi kaikaim blad olsem, yufala mas putum hem aot from pipol blong Israel.”

Nambas 19:22

Nao sapos eniwan hu hemi no klin hemi tasim enisamting, datfala samting tu bae hemi no klin long ae blong mi. An sapos narafala man hemi tasim datfala samting, bae hem tu hemi no klin go-go kasem taem san hemi godaon.”

Diutronomi 14:10

Bat olketa laef samting long wata wea i no garem fin o skel blong olketa, hemi tambu fo yufala kaikaim olketa. Yufala mas save olsem olketa no klin long ae blong Yawe.

Diutronomi 14:3

Nao Mosis hemi tok moa olsem, “Yufala mas no kaikaim enisamting wea hemi barava nogud tumas.

1 Samuel 20:26

King hemi no talem enisamting bikos hemi tingse maet wanfala samting hemi kasem Deved mekem hem no klin long ae blong Yawe, mekem hemi no fit fo kam long fist olsem lo hemi talem.