Levitikas 7:17 - Pijin Bible

¹⁷ Bat sapos samfala mit hemi stap go kasem mektri de blong hem, olketa mas bonem.

Pijin Deuterocanon

¹⁷ Bat sapos samfala mit hemi stap go kasem mektri de blong hem, olketa mas bonem.

Levitikas 7:17 Iomraidhean Croise

Jenesis 22:4

Nao long mektri de long gogo blong olketa, Ebraham hemi lukim go ples ya, bat hemi stap farawe yet.

Eksodas 12:10

Yufala mas finisim mit ya long datfala sem naet, an yufala mas no letem eni haf long hem fo stap go kasem long moning. Sapos eni haf hemi stap go-go kasem long moning, yufala mas barava bonem insaet long faea.

Eksodas 19:11

an olketa mas redi fo kam an mekem wosip long mi long neks tumoro. Long de ya, bae mi Yawe mi kamdaon antap long maonten long Saenae, an evri pipol bae i save lukim mi.

Eksodas 29:14

Disfala sakrifaes hemi fo mekem olketa prist stret moa long ae blong mi. Bat olketa mit wetem skin blong hem, an evri ravis insaet long bele blong hem, yu mas tekem go an barava bonem long aotsaet from ples blong yufala.

Eksodas 29:34

Sapos olketa no finisim olketa kaikai ya, haf long hem wea hemi stap go-go kasem moning long neks de, yu mas barava bonem nao, bikos olketa kaikai ya hemi tambu an hemi blong mi, an no eni narafala man moa save kaikaim.

Hosia 6:2

Sapos yumi duim olsem, insaet long tu-tri de nomoa bae hemi save mekem yumi gudbaek moa, an bae yumi stap wetem hem olowe nao.

Levitikas 10:16

Mosis hemi askem trifala abaotem disfala nanigot blong sakrifaes fo mekem olketa pipol i stret moa long ae blong Yawe. Bat wea, hemi faendemaot wea Eleasa an Itama, tufala san blong Eron hu i laef yet, tufala bonem finis. Samting ya hemi mekem hem kros tumas long tufala, an hemi hatem tufala olsem,

Levitikas 19:6

Yufala mas kaikaim mit blong sakrifaes ya long sem de wea yufala mekem o long neks de, bat sapos eni mit hemi stap go kasem mektri de, oraet, yufala mas bonem.

Levitikas 19:7

An sapos eniwan hemi kaikaim datfala mit long mektri de, bae mi nating hapi long sakrifaes blong hem bikos sakrifaes ya hemi olsem wanfala ravis samting long ae blong mi.

1 Korin 15:4

An olketa berem hem, an God hemi mekem hem fo laefbaek moa long mektri de, olsem Buktambu hemi talem.