Levitikas 5:17 - Pijin Bible

¹⁷ “Sapos eniwan hemi duim eni rong samting wea hemi brekem lo blong mi Yawe bat hemi no save fastaem, oraet, hemi fitim fo hemi mas panis fo hem.

Pijin Deuterocanon

¹⁷ “Sapos eniwan hemi duim eni rong samting wea hemi brekem lo blong mi Yawe bat hemi no save fastaem, oraet, hemi fitim fo hemi mas panis fo hem.

Levitikas 5:17 Iomraidhean Croise

Sams 19:12

Lod Yawe, no eniwan save lukim olketa sin blong hem seleva. Plis yu mekem mi fri from olketa sin wea mi duim bat mi no luksave.

Levitikas 4:13

“Sapos olketa lida tugeta i brekem lo blong mi wea olketa no tingim fo duim, bat olketa pipol no save long hem, disfala samting hemi mekem yufala evriwan i rong long ae blong mi.

Levitikas 4:22

“Sapos wanfala lida hemi brekem eni lo blong mi bat hemi no tingim fo duim, disfala samting hemi mekem hem fo rong long ae blong mi.

Levitikas 4:27

“Sapos eniwan hu hemi no lida hemi brekem lo blong mi bat hemi no tingim fo duim, disfala samting hemi mekem hem fo rong long ae blong mi.

Levitikas 5:15

“Sapos eniwan hemi brekem lo long eni tambu samting blong mi Yawe bat hemi no tingim fo duim, oraet, hemi mas ofarem kam wanfala man sipsip wea hemi no garem enisamting rong long bodi blong hem, fo disfala sakrifaes fo mekem kompensesin. Praes blong sipsip hemi mas fitim wanem man ya hemi bin duim, an olketa mas makem praes blong sipsip long silva seleni wea olketa skelem long spesol skel blong prist.

Levitikas 5:18

Taem hemi save long rong blong hem, hemi mas ofarem kam long prist wanfala man sipsip wea hemi no garem enisamting rong long bodi blong hem an wea praes blong sipsip ya hemi fitim sakrifaes fo mekem kompensesin. Long disfala wei, prist ya hemi mekem sakrifaes fo tekemaot sin wea man ya hemi no tingim fo duim. An bae mi fogivim man ya.

Levitikas 5:19

Hem nao sakrifaes fo mekem kompensesin blong man hu hemi fitim fo hemi mas panis fo rong agensim mi Yawe.”

Gudnius abaotem Jisas Kraes wea Luk hemi raetem 12:48

Bat wanfala wakaman wea hemi no save wanem bos blong hem hemi laekem hem fo duim, an hemi duim rong samting ya tu, bae olketa no panisim hem tumas ya. Hemi olsem, bikos man wea God hemi givim plande samting long hem, bae God hemi laekem man ya fo hemi mas mekem plande samting ya. An man wea God hemi givim barava plande samting tumas moa long han blong hem, bae God hemi laekem man ya fo mekem plande samting tumas moa tu.”

Leta wea Pol hemi raetem go long sios long Rom 14:23

Bat eniwan hu hemi garem tufala tingting abaotem samting hemi kaikaim, hemi sin nao, bikos hemi no savegud sapos hemi stret o nomoa. So enisamting wea yufala bilivim dat hemi no stret fo duim, hemi sin nao ya.