Levitikas 4:6 - Pijin Bible

⁶ an hemi mas putum fingga blong hem go long blad an hemi mas torowem go lelebet blad sevenfala taem long graon long frant long kaleko wea hemi satem Barava Tambu Rum.

Pijin Deuterocanon

⁶ an hemi mas putum fingga blong hem go long blad an hemi mas torowem go lelebet blad sevenfala taem long graon long frant long kaleko wea hemi satem Barava Tambu Rum.

Levitikas 4:6 Iomraidhean Croise

Eksodas 40:21

Den hemi tekem Tambu Boks an putum go insaet long Tambu Haostent, an hemi tekem bikfala kaleko ya fo divaedem rum long tufala haf, an hangem go fo satem ples wea Tambu Boks hemi stap long hem, barava olsem wea Yawe bin talem.

Eksodas 40:26

An hemi tekem Olta fo Bonem Insens wea olketa kavarem long gol, an putum go insaet long Tambu Haostent, kolsap long kaleko wea hemi satem go Tambu Boks long Spesol Agrimen.

Levitikas 14:16

An hemi mas putum fingga blong raet han blong hem go long oliv oel ya, hemi mas torowem lelebet sevenfala taem go long graon frant long mi.

Levitikas 14:18

An bihaen, haf long oliv oel wea hemi stap yet long han blong hem, hemi mas kapsaetem go long hed blong datfala man. Nao long disfala wei, hemi mekem datfala man fo kamap klin long ae blong mi.

Levitikas 14:27

An hemi mas putum fingga blong raet han blong hem go long oliv oel ya, hemi mas torowem lelebet sevenfala taem go long graon frant long mi.

Levitikas 14:7

an hemi mas torowem lelebet blad seven taem go long man wea hemi laek fo kamap klin long ae blong mi. Den hemi mas talemaot dat man ya hemi klin. Nao hemi mas letem narafala bed fo go fri.

Levitikas 16:14

Taem hemi kam insaet, hemi mas karim samfala blad blong buluka ya, hemi mas putum fingga blong hem go long blad ya, an hemi mas splasem lelebet antap long kava blong Tambu Boks. An hemi mas splasem go lelebet blad ya sevenfala taem long graon long frant long Tambu Boks.

Levitikas 16:19

an hemi mas putum fingga blong hem go long blad, an hemi mas splasem go lelebet sevenfala taem long olta, an long disfala wei hemi mekem olta ya klin moa from olketa sin blong yufala an hemi mektambu long hem.”

Levitikas 25:8

“Yufala mas kaontem olketa mekseven yia fo sevenfala taem, olsem hemi kasem foti-naen yia.

Levitikas 26:18

“An sapos yufala no obeim mi bihaen long olketa panis ya, bae mi dabolem panis blong yufala from olketa sin blong yufala.

Levitikas 26:24

oraet, bae mi agensim yufala. An bae mi dabolem moa panis blong yufala from olketa sin blong yufala.

Levitikas 26:28

oraet, bae mi kros fogud an agensim yufala moa. An bae mi dabolem moa panis blong yufala winim bifoa.

Levitikas 4:17

an hemi mas putum fingga blong hem go long blad ya, hemi mas torowem go lelebet blad sevenfala taem long graon long frant long kaleko wea hemi satem Barava Tambu Rum.

Levitikas 4:25

Den prist hemi mas putum fingga blong hem go long blad ya an putum long olketa fofala hon blong olta. An hemi mas kapsaetem narafala haf long blad go long botom blong olta.

Levitikas 4:30

Den prist hemi mas putum fingga blong hem go long blad ya an putum long olketa fofala hon blong olta. An hemi mas kapsaetem narafala haf long blad go long botom blong olta.

Levitikas 4:34

Den prist hemi mas putum fingga blong hem go long blad ya an putum long olketa fofala hon blong olta. An hemi mas kapsaetem narafala haf long blad go long botom blong olta.

Levitikas 8:11

An hemi go torowem lelebet oel seven taem long Olta fo Bonem Sakrifaes, wetem olketa tul blong hem, an long Bras Besin wetem botom blong hem, fo mektambu long olketa samting ya.

Levitikas 8:15

Bihaen, Mosis hemi kilim disfala man buluka. Den hemi putum fingga blong hem long blad, an hemi rabem go long olketa fofala hon blong olta. An haf long blad wea hemi stap hemi kapsaetem go long botom blong olta. Long disfala wei hemi mekem olta fo kamap klin long ae blong Yawe, an hemi mektambu fo Yawe.

Levitikas 9:9

An olketa san blong hem i tekem blad blong buluka ya, an givim long hem, den hemi putum fingga blong hem long blad ya fo putum long olketa fofala hon blong olta, an hemi kapsaetem narafala haf long blad go long botom blong olta.

Nambas 19:4

An prist hemi mas tekem lelebet blad blong buluka long fingga blong hem, an splasem go isi sevenfala taem long saet go long ples wea Tambu Haostent hemi stap.

Josua 6:4

Bae sevenfala prist nao i holem an bloum trampet fo maas go frant long olketa prist wea i karim Tambu Boks long Spesol Agrimen blong mi. Long mekseven de, bae yufala maas raonem taon ya sevenfala taem. An long taem ya, bae olketa prist ya mas gohed fo bloum trampet blong olketa.

Josua 6:8

So olketa falom nao olsem wea Josua hemi talem. Fas haf long olketa soldia ya i maas go fastaem, olketa prist fo bloum trampet nao i falom go olketa soldia ya. Bihaen long olketa ya, olketa prist wea i gohed fo karim Tambu Boks ya i maas go falom olketa prist ya, an mektu haf long olketa soldia ya i falom go olketa prist ya. Taem olketa gohed fo maas go, olketa prist ya i gohed nomoa fo bloum olketa trampet.