Levitikas 4:4 - Pijin Bible

⁴ Hemi mas tekem kam man buluka ya long mi long doa blong Tambu Haostent, an hemi mas putum han blong hem long hed blong man buluka ya fo som dat sakrifaes hemi blong hem, an hemi mas kilim dae buluka ya frant long mi Yawe.

Pijin Deuterocanon

⁴ Hemi mas tekem kam man buluka ya long mi long doa blong Tambu Haostent, an hemi mas putum han blong hem long hed blong man buluka ya fo som dat sakrifaes hemi blong hem, an hemi mas kilim dae buluka ya frant long mi Yawe.

Levitikas 4:4 Iomraidhean Croise

2 Kronikols 29:23

Den olketa prist i tekem olketa nanigot go long king wetem olketa bikman wea i stap long ples ya. Olketa putum olketa han blong olketa antap long olketa nanigot ya.

Aesaea 53:6

Yumi evriwan i olsem olketa sipsip wea i lus olobaot. Yumi evriwan i gohed fo falom nomoa olketa wei blong yumi seleva. Bat Yawe hemi mekem disfala wakaman blong hem fo safa fo olketa sin blong yumi wea yumi evriwan nao sud safa fo hem.

Daniel 9:26

Long en blong datfala taem, disfala man wea God hemi siusim, bae olketa kilim dae long wei wea hemi nating stret. Ami blong wanfala strongfala king bae hemi kam insaet long Jerusalem, an spoelem taon ya wetem Tambuhaos blong God, olsem bikfala flad nao bin spoelem. Bae olketa samting ya i hapen nao olsem wea God bin makem.

Levitikas 16:21

Den hemi mas putum tufala han blong hem long hed blong nanigot ya, an hemi mas talemaot evri sin an evri ravis wei blong yufala wetem evri wei wea yufala agensim mi. So long disfala wei hemi putum evri sin go long datfala nanigot. Den hemi mas givim go nanigot ya long wanfala man wea olketa siusim finis. Datfala man nao hemi mas tekem nanigot ya go long drae eria.

Levitikas 4:15

Oraet, olketa lida blong yufala mas putum han blong olketa long hed blong hem fo som dat disfala sakrifaes hemi blong yufala evriwan, an olketa mas kilim hem dae frant long mi Yawe.

Levitikas 4:29

Oraet, hemi mas putum han blong hem long hed blong nanigot ya fo som dat disfala sakrifaes hemi blong hem. An hemi mas kilim hem dae long not saet blong olta fo bonem sakrifaes long ples fo kilim dae animol wea olketa barava bonem.

Levitikas 8:14

Oraet, hemi tekem kam man buluka blong sakrifaes fo mekem olketa stret moa long ae blong Yawe, an Eron wetem olketa san blong hem i putum han blong olketa antap long hed blong disfala man buluka.

Nambas 8:12

Oraet, olketa long traeb blong Livae mas putum han blong olketa long hed blong tufala man buluka. Den Eron mas tekem wanfala long tufala, an sakrifaesim fo mekem olketa long traeb blong Livae stret moa long ae blong mi. An narawan, hemi mas mekem sakrifaes wea hemi barava bone. Hem nao wanem yu mas duim fo mekem olketa long traeb blong Livae i klin long ae blong mi.

1 Pita 3:18

Bikos Kraes hu hemi stret long ae blong God, hemi dae fo tekem ples blong olketa pipol hu i nogud tumas. Dae blong hem nao hemi tekemaot evri sin blong yufala finis, an hemi mekem yufala kambaek moa long God. Taem hemi stap long disfala wol, olketa pipol kilim hem dae, bat Spirit blong God hemi mekem hem fo laefbaek moa long tru laef.