Levitikas 4:2 - Pijin Bible

² fo go tok long pipol blong Israel olsem, “Sapos eniwan hemi duim eni rong samting wea hemi no tingting fo duim bat hemi brekem lo blong Yawe, oraet, hemi mas mekem sakrifaes long olketa wei wea mi talem.”

Pijin Deuterocanon

² fo go tok long pipol blong Israel olsem, “Sapos eniwan hemi duim eni rong samting wea hemi no tingting fo duim bat hemi brekem lo blong Yawe, oraet, hemi mas mekem sakrifaes long olketa wei wea mi talem.”

Levitikas 4:2 Iomraidhean Croise

Jenesis 20:9

Nao hemi kolem kam Ebraham, an hemi tok olsem long hem, “?Waswe nao yu duim diskaen samting long mifala? ?Wanem nao mi duim nogud long yu? ?Waswe nao yu mekem bikfala trabol ya fo kam long mifala? Hemi nating fitim nomoa fo yu duim samting olsem long mi.

Sams 19:12

Lod Yawe, no eniwan save lukim olketa sin blong hem seleva. Plis yu mekem mi fri from olketa sin wea mi duim bat mi no luksave.

Sams 19:13

Plis yu lukaftarem mi from olketa sin wea mi laek fo duim, an no letem olketa wei ya blong sin hemi bosim mi. Sapos olsem nao, bae mi kamap barava stret, an kamap fri from paoa blong sin.

Eklesiastes 5:6

Hemi nogud tumas fo yu talem toktok wea bae hemi mekem yu foldaon long sin. An yu no mekem eskius long prist olsem, “Promis blong mi hemi mistek.” ?Waswe nao yu laek fo mekem God hemi kros long yu an spoelem olketa samting wea yu bin hadwaka long hem?

Levitikas 22:14

“An sapos eniwan hemi kaikaim pat long tambu kaikai, bat hemi nating save nomoa wanem hemi duim, oraet, hemi mas sensimbaek olketa kaikai ya go long prist long ful praes blong hem wetem tuenti pasent moa.

Levitikas 4:1

Yawe hemi talem Mosis,

Levitikas 4:13

“Sapos olketa lida tugeta i brekem lo blong mi wea olketa no tingim fo duim, bat olketa pipol no save long hem, disfala samting hemi mekem yufala evriwan i rong long ae blong mi.

Levitikas 4:22

“Sapos wanfala lida hemi brekem eni lo blong mi bat hemi no tingim fo duim, disfala samting hemi mekem hem fo rong long ae blong mi.

Levitikas 4:27

“Sapos eniwan hu hemi no lida hemi brekem lo blong mi bat hemi no tingim fo duim, disfala samting hemi mekem hem fo rong long ae blong mi.

Nambas 35:11

yufala mas siusim siksfala taon fo kamap olketa taon fo haed. Sapos wanfala man hemi no minim nomoa fo kilim dae narafala man bat man ya hemi dae nao, yufala mas letem disfala man ranawe go fo haed long wanfala long olketa taon ya.

Diutronomi 19:4

“Sapos wanfala man hemi no tingting fo kros an hemi no minim nomoa fo kilim dae narafala man bat man ya hemi dae nao, yufala mas letem disfala man ranawe go fo haed long wanfala long trifala taon ya.

1 Timoti 1:13

Hemi tru, long bifoa nao mi save tokspoelem hem an mi mekful tumas long olketa Kristin. Bat nomata olsem, hemi sore long mi wea mi nating save nomoa long wanem mi duim bikos mi no biliv yet long taem ya.

Hibrus 5:2

Samfala pipol duim olketa rong samting bikos olketa no luksave long wanem olketa save duim. Disfala haeprist hemi save helpem gud kaen pipol olsem, bikos hem seleva tu hemi save wik tumas.

Hibrus 9:7

Bat long disfala Barava Tambu Rum, haeprist seleva nomoa hemi save go insaet long hem ya. An hemi save go insaet long ples ya long wanfala taem nomoa long wanfala yia. An evri taem hemi go insaet long hem, hemi mas tekem go blad blong animol fo mekem sakrifaes long hem, fo olketa sin blong hem seleva wetem olketa sin wea olketa pipol i mekem from olketa no savegud.

Jemes 3:10

?Hao nao gudfala toktok an ravis toktok i save kamaot long wanfala maos nomoa? !Olketa Kristin fren, diskaen samting hemi nating fitim yumi fo duim ya!

1 Samuel 14:27

Bat Jonatan hemi no herem tambu wea dadi blong hem mekem, so hemi stikim hani ya long stik wea hemi holem, nao hemi tekem samfala an kaikaim, an long semtaem nomoa hemi filgud lelebet.