Levitikas 3:17 - Pijin Bible

¹⁷ Hemi tambu fo yufala long laen blong Israel fo kaikaim eni blad o gris blong animol. Hem nao hemi wanfala lo wea yufala mas kipim olowe long eni ples wea bae yufala stap long hem.”

Pijin Deuterocanon

¹⁷ Hemi tambu fo yufala long laen blong Israel fo kaikaim eni blad o gris blong animol. Hem nao hemi wanfala lo wea yufala mas kipim olowe long eni ples wea bae yufala stap long hem.”

Levitikas 3:17 Iomraidhean Croise

Jenesis 9:4

Bat bae yufala no kaikaim mit wea blad hemi stap yet insaet. Yufala mas letem blad blong hem hemi ranaot fastaem go-go hemi finis, bihaen yufala save kaikaim. Mi stopem samting ya, bikos laef hemi stap long blad.

2 Kronikols 29:35

Olketa prist i mekem staka sakrifaes wea i barava bone, an olketa bonem tu olketa gris blong olketa sakrifaes fo somaot dat olketa stapgud wetem Yawe. An olketa ofarem olketa waen wetem olketa sakrifaes wea i barava bone. Hem nao wei olketa statem moa olketa wosip long Tambuhaos blong Yawe.

Nehemaea 8:10

An mi tok olsem, “Yufala gohom, an mekem fist. Yufala kaikaim gudfala kaikai an dringim spesol waen, an searem samfala wetem olketa pipol hu i no garem naf. Tude hemi tambu fo Masta blong yumi. Yufala mas no sore an krae bikos wei wea Yawe hemi mekem yumi hapi, wei ya nao hemi mekem yumi strong.”

Eksodas 27:21

Insaet long Tambu Haostent fo Mitim God, disfala Spesol Frem fo putum Lam hemi mas stap saet kam long disfala bikfala kaleko wea hemi satem Barava Tambu Rum wea Tambu Boks ya long Spesol Agrimen hemi stap. Eron wetem olketa san blong hem nao mas redim olketa lam long frem ya mekem olketa gohed fo laet evri naet frant long Yawe, stat long ivining go-go kasem moning. Yufala evriwan blong Israel mas falom disfala rul olowe nao.”

Eksodas 28:43

Eron wetem olketa san blong hem mas werem olketa trasis ya taem olketa kam insaet long Tambu Haostent fo Mitim God, an long taem olketa kam fo duim waka long olta insaet long Tambu Rum. Olketa mas duim olsem, nogud olketa dae. Eron wetem olketa san blong hem, an olketa hu bae i bon kam bihaen long olketa, mas falom disfala rul olowe nao.”

Esikiel 33:25

“From disfala samting nao, yu mas talem olketa olsem, ‘Lod Yawe nao hemi tok olsem: Oltaem nomoa yufala gohed fo kaikaim mit wea blad hemi stap yet insaet, an gohed fo wosipim long olketa ravis kaving. Yufala gohed fo trastem yufala seleva long faet, an gohed fo kilim man dae. An yufala evriwan i gohed fo slip nomoa wetem olketa waef blong wantok. ?Waswe, yufala tingse bae mi letem yufala nomoa fo onam disfala lan? !Yufala nating garem eni raet fo onam disfala lan!’

Esikiel 44:15

Lod Yawe hemi gohed fo tok olsem, “Nomata olketa pipol blong Israel bin lusim mi, olketa Livaet hu i bon kam bihaen long laen blong Sadok, olketa bin gohed nomoa fo obeim mi fo duim waka long Tambuhaos blong mi. Olketa ya save gohed fo waka fo mi olsem prist. Olketa mas kam kolsap long mi fo ofarem olketa sakrifaes insaet long Tambuhaos blong mi. Olketa mas gohed fo ofarem gris an blad blong olketa animol fo sakrifaesim kam long mi. Mi Lod Yawe mi tok tru nao:

Esikiel 44:7

Yufala gohed fo letem nomoa olketa man blong narafala kantri hu i no kate, an no obeim mi, fo go insaet long tambuples blong mi. Long disfala wei, yufala brekem finis spesol agrimen wea mi bin mekem wetem yufala, an yufala mekravis long Tambuhaos blong mi taem olketa tekem olketa gris an blad blong animol fo sakrifaesim kam long mi.

Levitikas 10:9

“Sapos yu o eni san blong yu i dringim waen o bia, oraet, yufala mas no kam insaet long Tambu Haostent. Sapos eniwan long yufala hemi brekem disfala tambu bae hemi dae. Hem nao hemi wanfala lo wea olketa long laen blong yu mas kipim olowe.

Levitikas 16:29

“Hem nao lo blong Bikde fo Tekemaot Sin wea yufala mas falom olowe. Evri yia, long mekseven mans, long mekten de blong hem, yufala blong Israel wetem olketa narafala pipol wea i stap wetem yufala, yufala evriwan mas no kaikai, an yufala mas no duim eni waka.

Levitikas 16:34

Olketa lo ya, yufala mas falom olowe. Wanfala taem nomoa long evri yia yufala mas mekem olketa samting long disfala bikde fo tekemaot evri sin blong yufala.” Nao Eron hemi duim evrisamting wea Yawe hemi talem long Mosis.

Levitikas 17:7

So yufala mas nating givim moa sakrifaes long nanigot devoldevol bikos wei ya hemi olsem woman hu hemi aftarem man wea hemi no hasban blong hem. Hem nao wanfala lo wea yufala mas falom olowe.

Levitikas 19:26

“Yufala mas no kaikaim mit wea hemi garem blad long hem. An yufala mas no duim enisamting long majik, o trae fo duim samting long majik fo save wanem bae hemi hapen.

Levitikas 23:14

Hemi tambu fo yufala fo kaikaim olketa fas kaikai blong gaden, nomata hemi fres, o yufala bonem, o yufala mekem bred long hem, go kasem taem wea yufala mekem disfala sakrifaes long mi. Hem nao wanfala lo wea yufala mas falom olowe, nomata watkaen ples yufala stap long hem.”

Levitikas 23:21

Yufala mas no duim eni waka long disfala bikde, yufala mas kam tugeta fo wosipim mi. Hem nao lo blong bikde wea yufala mas obeim olowe, long evri ples blong yufala.

Levitikas 24:3

Evri naet, Eron hemi mas laetem olketa lam long Spesol Frem fo putum Lam, an hemi mas lukaftarem mekem hem laet frant long mi go kasem moning. Spesol Frem fo putum Lam hemi mas stap frant long mi insaet long Tambu Haostent aotsaet long kaleko wea hemi satem Barava Tambu Rum wea Tambu Boks hemi stap. Yufala mas obeim disfala lo olowe.

Levitikas 24:9

Olketa bred ya hemi blong hae prist wetem olketa long laen blong hem. Disfala bred hemi blong olketa olowe nao. An olketa mas kaikaim insaet long ples wea hemi holi bikos hemi pat long olketa tambu samting long olketa ofaring blong mi Yawe.”

Levitikas 4:1

Yawe hemi talem Mosis,

Levitikas 6:18

Eni man long laen blong Eron hemi save kaikaim disfala haf blong tambu ofaring bikos hem nao haf blong olketa olowe. Disfala kaikai ya hemi tambu tumas, so eniwan hu hemi tasim hem bae tambu hemi kam long hem.”

Levitikas 6:22

An evri man long laen blong Eron hu hemi kamap haeprist bihaen long Eron, hemi mas mekem disfala ofaring olowe, an hemi mas bonem hem finis bikos ofaring ya hem blong Yawe nao.

Levitikas 7:23

“Talem olketa blong Israel: Hemi tambu fo yufala kaikaim gris blong buluka, o gris blong sipsip, o gris blong nanigot.

Levitikas 7:34

Sest blong animol wea yufala liftimap kam long frant long mi, wetem raet lek blong hem wea yufala givim kam, tufala mit ya, mi makem tufala from olketa narafala mit blong sakrifaes, fo givim go long olketa prist. An oltaem nomoa, tufala mit ya bae i blong olketa prist long laen blong Eron.”

Levitikas 7:36

Long datfala de, Yawe hemi talem olketa blong Israel fo givim go tufala mit blong sakrifaes olowe long olketa prist, an hem nao hemi wanfala lo wea olketa mas obeim olowe.

Nambas 19:21

Hem nao lo wea bae yufala mas falom olowe. “Man hu hemi splasem disfala tambu wata go fo mekem man klin, hem tu bae hemi mas wasim olketa kaleko blong hem. An eniwan hu i tasim tambu wata ya, hemi no klin long ae blong mi go-go kasem taem san hemi godaon.

Matiu 16:24

Bihaen, Jisas hemi sei long olketa disaepol blong hem, “Sapos eniwan hemi wande fo kam falom mi, hemi mas no tingim hem seleva nomoa, bat hemi mas wiling fo karim kros blong hem an falom mi.

Matiu 26:28

Hem ya nao blad blong mi wea hemi mekem disfala spesol agrimen blong God hemi kamtru, an wea hemi ranaot fo sevem plande pipol, mekem God hemi fogivim sin blong olketa.

Aposol 15:29

Yufala mas no kaikaim eni kaikai wea olketa bin sakrifaesim go long olketa laea god, an yufala mas no kaikaim blad, an yufala mas no kaikaim eni animol wea olketa bin satem maos blong hem fo hem dae, an yufala mas no durong wetem eniwan tu. Hemi gud tumas nao sapos yufala barava falom olketa rul ya. Hem nomoa ya.”

Efesas 1:7

Kraes hemi bin peimaot yumi long blad blong hem, wea hemi dae olsem wanfala sakrifaes fo tekemaot olketa sin blong yumi. Ya, disfala kaenfala lav blong God hemi barava nambawan tumas,

Efesas 5:26

mekem sios hemi kamap holi. Hemi bin mekem sios fo kamap klin long taem hemi wasim long wata an hemi talemaot toktok blong hem.

Diutronomi 12:16

Bat bae yufala mas no kaikaim blad blong olketa animol ya. Yufala mas kapsaetem blad ya go long graon.

Diutronomi 12:23

Bat yufala mas meksua yufala no kaikaim blad, bikos laef blong animol hemi stap long blad blong hem, an hemi tambu fo kaikaim mit wea hemi garem laef long hem yet.

Diutronomi 12:24

So yufala mas no kaikaim blad blong olketa animol ya. Yufala mas kapsaetem blad ya go long graon.

Diutronomi 15:23

Bat yufala mas no kaikaim blad blong olketa animol ya, yufala mas kapsaetem blad ya go long graon.”

Diutronomi 32:14

Hemi mekem olketa buluka an nanigot an sipsip blong yufala i fat fogud taem olketa stap long ples long Basan. Olketa animol ya i givim plande milk long yufala. Hemi mekem olketa wit blong yufala i nambawan. An redfala waen wea yufala dringim hemi barava nambawan.

1 Timoti 4:4

Evrisamting God hemi mekem, hemi barava gud, so yumi no save les long hem. Bat taem yumi kaikaim olketa kaikai ya, yumi mas toktengkiu long God nomoa,